3 مشاكل في العربية وهعمل خناقة في التوكيل

[maruti]

السلام عليكم
دلوقتي من وقت ما اشتريت العربية وانا بسمع صوت احتكاك من العجلة اللي في الامام شمال في صيانة 1000 في القطامية اولتلهم وفي الاخر قالي الاحتكاك دا من البااب وانا استغربت بصراحة
المهم سافرت بلعربية واكتشفت ان صوت الاحتكاك زي ما هوا والعربية بتحدف يمين وفي صوت تكة جامدة في الفتيس لما بجيب d
اخت معاد في ابو رواش وفضلت اعد 4 سعات والمهندس قالي انهم شحمو الفتيس علشان التكة دي وشحمو التيل والطمبورة علشان صوت الاحتكاك وظبطو زوايا ومشيت بلعربية وال 3 مشاكل زي ما هما
اروح واتخانق معاهم بقا ولا اعمل اية ؟؟؟؟
العربية بيكانتو 2012

[ahmad114]

السلام عليكم
دلوقتي من وقت ما اشتريت العربية وانا بسمع صوت احتكاك من العجلة اللي في الامام شمال في صيانة 1000 في القطامية اولتلهم وفي الاخر قالي الاحتكاك دا من البااب وانا استغربت بصراحة
المهم سافرت بلعربية واكتشفت ان صوت الاحتكاك زي ما هوا والعربية بتحدف يمين وفي صوت تكة جامدة في الفتيس لما بجيب d
اخت معاد في ابو رواش وفضلت اعد 4 سعات والمهندس قالي انهم شحمو الفتيس علشان التكة دي وشحمو التيل والطمبورة علشان صوت الاحتكاك وظبطو زوايا ومشيت بلعربية وال 3 مشاكل زي ما هما
اروح واتخانق معاهم بقا ولا اعمل اية ؟؟؟؟
العربية بيكانتو 2012

انت بتقول بتحدف معاك ,اوعي تسيبهم , موضوع الحدف ده كارثه و قد يكون مشكله تصنيع , انت بتقول انك بتسافر.
تروح و تقابل اى حد كبير فى التوكيل و تقعد ادام مكتبه لحد ما يحللك مشكلتك و لو هتوصل لتغيير العربيه.
اوعي تسكت , بالبلدي--------

[2CODE]

انت بتقول بتحدف معاك ,اوعي تسيبهم , موضوع الحدف ده كارثه و قد يكون مشكله تصنيع , انت بتقول انك بتسافر.
تروح و تقابل اى حد كبير فى التوكيل و تقعد ادام مكتبه لحد ما يحللك مشكلتك و لو هتوصل لتغيير العربيه.
اوعي تسكت , بالبلدي افشخهم

يا ابو حميد اعصابك لا الراجل يروح يموت له واحد هناك هههههههههههههههه

فعلا روح التوكيل ومتسيبوش نهائي وجربها هناك وشوف هتحدف وفي صوت ولا لأ ومنها تقرر اذا تمشي من التوكيل والعربية سليمة ولا العربية لسه فيها مشكلة

[S O P H O S]

فعلا روح واعملهم ازعاج لحد ما تحلها
بس بالراحة بردوا اخد الحق حرفة
وربنا يوفقك وتحل المشكلة علي خير
تحياتي ..

[ابو ليلى]

حضرتك روح فرع ابورواش وقابل المهندس خالد فاروق ( مدير المركز )
وفهمه المشكلة وعرفه انك مشترك فى المنتدى هنا هو شخصيا متعاونة جدا

[shady982]

اللى يعمل صوت احتكاك فى الأمام دة التيل قافل ممكن من ضبط التيل نفسة أو الفرامل (ماستر أو ما شابة) . لو العربية لسة في الضمان اكشف عند حد يكون كويس و بتثق فية بس مايعملش حاجة علشان لما تروح تبقى عارف فى اية بالضبط و عارف تتكلم معاهم ازاي . موضوع الفتيس انا مش بفهم فية لكن على ما أظن دى حاجة ميتسكتش عليها و متسيبهمش غير لما يغيروة لأن متهيألى دة عيب بيظهر ادام اوي المفروض مش دلوقتى .

[moha4tec]

السلام عليكم
نصيحه .
متزودش عن سرعه 100 او 90 بالكتير .لان موضوع الحدفه دا ممكن يقلب العربيه لو نزلت فى حفره جمده و يفقدها اتزانها و حصلت فى كذا عربيه .همتجريش بيها و هى كده .
موضوع صوت تكة الفتيس الاوتو .اظنه عادى و دا عشان حضرتك مبتبقاش دايس فرامل للاخر و الدبرياج مشتغلش .
صوت الحكه ده .متسكتش عليه خالص .و حاول ترفع العربيه و تشوفها من تحت و تخلى حد يشوفهالك متخصص .
نصيحتى شيك على ضغط الكوتش و الزوايا و الاتزان عند حد تمام زى بريدجستون .عمارات العبور .او اى فرع ليهم .لان السببين ممكن يسببوا فى حدفه .بمعنى لو ضغط العجله اليمين ناقص هتلاقيها بتحدف يمين . و الزوايا لو مش مظبوطه هتعمل نفس الكلام .
و بعد كل ده تروح التوكيل و تعمل مشكله و تاخد حقك بحرفيه و تقولهم انك هتروح لحماية المستهلك و تجيب حقك و لو طلعت العربيه عامله حادثه قبل البيع و التوكيل باعهالك بعد تصليحها على اساس انها جديده .و انك هترفع عليهم قضيه مستعجله .
الكلام ده لو مرضيوش يصلحوها .
لكن لو صلحوها يبقى خير و بركه .