الماتور بقى خشن جدا ؟؟؟؟؟؟

[maaatrixxx]

ياجماعة بعد عمل صيانة 30000 كيلو فى توكيل فرع روكسى
لاقيت العربية صوت الماتور بتاعها بقى خشن جدا مش عارف ليه
حاسس ان العربية اتحولت الى سيارة سكودا فليشيا ماتور خشن اخر حاجة
ياشباب
هو الموضوع ده عندى انا بس ولا ديه حاجة طبيعية فى السيراتو؟؟
لو فى حد عندو نفس المشكلة بالله عليكم يقولى اعمل ايه
وشكرا

[hany63]

غالبا حطوا زيت تقيل عشان الحر ماتخافش كده كده قدامها شويه و تفك

[maaatrixxx]

انا خايف يبقى فى مشكلة فى سير الكاتينة هو اللى عامل الصوت ده

[mada_512]

الموتور بتاع السيراتو مش كاتينة ده جنزير

[maaatrixxx]

انا عملت 4000 كيلو من اخر صيانة ولسه الصوت موجود ايوه يعنى استنى لغاية امتى عشان يفوك

[ammarhameda]

متابع

[Land_Cruiser]

غالبا حطوا زيت تقيل عشان الحر ماتخافش كده كده قدامها شويه و تفك

و احتمال يكونوا علًّوا الموتور و هما بيعملوا الصيانه. ممكن حضرتك تبص على عداد ال rpm و العربيه واقفه و تشوف العداد واقف على ايه و هل هو زى الاول و لا بقى اعلى بس استنى على الزيت الاول و شوف هيفك و لا لأ

[Ahmod]

الخشونة من زيت الماتور وللاسف ده بيحصل لما بيتحط نوع زيت مش بالمستوى المطلوب !! او بمعنى اخر مغشوش او فيه حاجة غلط

حصلت معايا مع تغييرة الزيت اللى فاتت وكانت عند 35.000 الف تقريبا !! وفضلت الخشونة موجودة من اول ماغيرت الزيت لحد تقريبا ماعملت بيه بتاع 6500 كيلو بعدها بحوالي 1000 كيلو بدا صوت الماتور يعلى !! والسحب يقل واستهلاك البنزين زاد

نزلت الزيت على 8000 الف واول ماحطيت الزيت الجديد الدنيا اتظبطت الحمد لله

الخشونة غالبا مش هتفك الا بعد ماتمشي بالزيت فوق 6000 / 7000 كيلو لما يبدا يفقد خواصه !!

لو الموضوع مضايقك ممكن تروح تنزل زيت الماتور وتحط زيت مكانه هتلاقي الموضوع اتحل ان شاء الله

ولما تبقى تروح تعمل صيانة ال 40.000 ابقى قولهم انك غيرت الزيت ومش محتاج تغيره في الصيانة

[maaatrixxx]

ياجماعة انا اكتشفت حاجة ان زيت الماتور ناقص حوالى 1/2 كيلو وفى مهندس ساكن جانبى كان شغال فى توكيل سكود قللى بص على زيت الماتور لان لو الزيت ناقص وانت عندك سير الكاتينة جنزير هيعمل الصوت اللى انت بتسمعو ده فعلا بصيت على الزيت لقيتو ناقص واعتقد ان فى الصيانة الاخيرة بتاعة 30000 فى توكيل روكسى حطو الزيت ناقص 1/2 كيلو لان انا حاسيت بالمشكلة ديه بعد صيانة 30000 بشهر تقريبا
على فكرة انا اكتشف ان لما بعمل الصيانة فى الفترة المسائية بلاقى مشاكل فى العربية
انا فاكر برده لما عملت الصيانة 20000 لاقيت العربية الكهرباء بتعتها فيها مشاكل
ولما رحت ليهم تانى قالو ان البيجيهات فيها مشكلة وغيرناهاك تانى
وفعلا العربية اتظبطط
وكان برده الصيانة ديه فى الفترة المسائية

[maaatrixxx]

و احتمال يكونوا علًّوا الموتور و هما بيعملوا الصيانه. ممكن حضرتك تبص على عداد ال rpm و العربيه واقفه و تشوف العداد واقف على ايه و هل هو زى الاول و لا بقى اعلى بس استنى على الزيت الاول و شوف هيفك و لا لأ

لا الrpm زى الاول

[maaatrixxx]

طيب يا شباب الزيت اللى ناقص ده ممكن يكون له اضرار على الماتور او عمل فيه مشكلة ؟؟؟؟؟؟؟؟؟؟؟؟
افيدونى !!!!!!!!!!!!!!!!!

[Mohab555]

السبب زيت الموتور وهما شكلهم حطلولك زيت شل الاصفر و ده مينفعش معاك خالص و فى الحر ده لازم يخلى العربية بتجعر و صوتها عالى ,,,, انصحك روح غير الزيت برده و حط زيت شل الترا او لكوى مولى توب تك 4100 واتأكد من ان مستوى الزيت تمام و ان شاء الله العربية هترجع ناعمة زى الاول

[salodas]

أوعى تنسى تقول وصلت لأيه ..... الفائدة للكل أساحبى

[ammarhameda]

ياجماعة بالصيف شقد عيار الزيت لازم يكون 30/5ولا غير هيك
وشكرا

[maaatrixxx]

السبب زيت الموتور وهما شكلهم حطلولك زيت شل الاصفر و ده مينفعش معاك خالص و فى الحر ده لازم يخلى العربية بتجعر و صوتها عالى ,,,, انصحك روح غير الزيت برده و حط زيت شل الترا او لكوى مولى توب تك 4100 واتأكد من ان مستوى الزيت تمام و ان شاء الله العربية هترجع ناعمة زى الاول

معقوله التوكيل يعمل كده
متهيئلى لا
طيب على العموم انا جيبت كيلو شل الترا وزوت شويه
اللى ناقص

فى واحد صحبى بيقولى هات الزيت اللى بيتغير على ال10000 كم
وغيره على ال5000 وريح دمغاك وانت تحافظ على الماتور
مش عارف الكلام ده صح ولا ؟؟؟؟؟؟؟؟؟؟؟؟؟؟؟