الدركسيون وزرار غطا التنك البنزين للكارينز

[IsmailIbrahim]

مساء الخير لكل الاعضاء وبالخصوص الكارنزوية

انا عربيتي كارينز وكيل عامله حوالي 35000 كيلو

من حوالي اسبوعين بدات اسمع صوت خافض طالع من الدركسيون لما بلفه يمين وشمال والصوت ده بيختفي مباشرة بعد تسخين العربية والمشي بيها من 5 الى 10 دقائق, المهم انا قولت مش مشكلة اهو لما اروح صيانة ال 40000 كيلو هاخليهم يبصوا عليها في التوكيل

النهارده مره واحدة وانا واقف في محطة البنزين جاي افتح غطا التنك من الزرار الي في الباب ما بيفتحش اكتر من عشر مرات وواقف في المحطة والتنك مابيفتحش

قولت خلاص لازم افتحة بشكل يدوي من عند الشنطة على الشمال ورا التنك مباشرة وبالفعل فتح وفولت التنك ومشيت و لحد دلوقتي الزرار مش شغال وعلشان افتح الغطا بتاع التنك لازم افتحة يدوي من عند الشنطة

روحت قولت كده خلاص عليك وعلي التوكيل واهو بالمره اشوف موضوع صوت الدركسيون ده وانشاء الله هاروح قريب


بس انا كنت عاوز اعرف حد واجه المشكلة ديه قبل كده افيدوني افادكم الله

[ehab_osman]

`الحمد لله مسمعتش عن مشكلة تعليق زر تنك البنزين ................... بس بيسطة ان شاء الله .

[Khaled_Nowaihy]

ازيك يا أ. اسماعيل .... أنا كمان داخل على ال 40000 وماحصلتش عندى المشاكل دى

متابع معاك وان شاء الله خير

[temo85]

بالنسبة لصوت الدركسيون اظن عادى الكيا الطرمبة بتاعت الاور فيها ميكانيكا مش كهرباء عشان كده صوتها عالى نسبيا المهم مفيش اى أصوات طقطقة عند اللف يمين و شمال و الزيت مش بينقص دول أهم حاجة بالنسبة للدركسيون , موضوع التنك ممكن يكون الواير اتقطع عشان كده مش بتفتح بسيطة جدا انشاء الله

[IsmailIbrahim]

`الحمد لله مسمعتش عن مشكلة تعليق زر تنك البنزين ................... بس بيسطة ان شاء الله .

ياااااااااااارب يا استاذ ايهاب :)

ازيك يا أ. اسماعيل .... أنا كمان داخل على ال 40000 وماحصلتش عندى المشاكل دى

متابع معاك وان شاء الله خير

ازيك يا استاذ خالد يارب تكون بخير ونكمل ال 40000 كيلو على خير انشاء الله واشكرك على اهتمامك

بالنسبة لصوت الدركسيون اظن عادى الكيا الطرمبة بتاعت الاور فيها ميكانيكا مش كهرباء عشان كده صوتها عالى نسبيا المهم مفيش اى أصوات طقطقة عند اللف يمين و شمال و الزيت مش بينقص دول أهم حاجة بالنسبة للدركسيون , موضوع التنك ممكن يكون الواير اتقطع عشان كده مش بتفتح بسيطة جدا إن شاء الله

الحمد الله يا استاذ تيمو مافيش صوت طقطقة واشكرك على الافاده

[yaserbasha2000]

هو غطاء التانك كهرباء و لا دراع

[IsmailIbrahim]

هو غطاء التانك كهرباء و لا دراع

استاذ ياسر هو زرار في الباب فاعتقد انه اكيد كهرباء.

[Khaled_Nowaihy]

متهيأ لى العكس يا أ. اسماعيل
والله أعلم

[IsmailIbrahim]

اتعملت.

ياجماعة انا الحمد الله النهارده كنت في التوكيل الصبح وعملت الدركسيون وزرار التنك.

المهندس الاستقبال كويس ومحترم صراحة هو كان شغل في فرع القطامية ولسة جديد في فرع ابورواش والمهندس خالد كالعادة راجل محترم جدا عالطول واقف برة مش من النوع الي بيقعد في المكتب متابع شغل المركز لحظة بالحظة

بخصوص الدركسيون المهندس قالي انه انه كان محتاج يتشحم وبصراحة هو قال حاجة اسمها غريب كده انا ماسمعتهاش كويس بس المختصر المفيد انها تشحمت

بخصوص زرار التنك: كان فيه مشكلة واتصلحت بدون ذكر تفاصيل المشكلة بس انا جربتها اكتر من مرة واشتغل كويس

الحمد الله بصراحة انا مبسوط من التوكيل وعملوا كمان صيانة المجانية بتاعت كل خمسة كيلو وبخصوص المصاريف: كل الي انا دفعته هو فقط 29 جنية ثمن غسيل المحرك بالفوم

والحمد الله على كل شي واشكر كل الاعضاء الي اهتموا بالموضوع