الباركينج سنسور باظ امبارح والسمارت كى بتاع الجراج ضيعو النهارده

[mohamed_7amo]

امبارح وانا طالع من الشغل الباركينج سينسور بقى صوتة عامل زى المنبة الاتنين اللى فى النص بس هما اللى مش شغالين اما بقى المفتاح فبتاع الجراج ضيعو النهارده وانا مش عارف اعمل اية فى الموضوع ده انا رحت الشغل النهارده بالمفتاح التانى
السؤال بقى المفتاح السمارت ده ينفع اغير برمجتة فى التوكيل ولا اية ولو ينفع بكام ولو عايز اشترى واحد بكام برضو اما السنسور بقى انا ليا معاهم كلام تانى فية

[Land_Cruiser]

يعنى ايه المفتاح ضاع من السايس يا فندم؟ الموضوع ده مريب جدا و ما يتسكتش عليه . لازم تروح التوكيل فى اسرع وقت علشان يشوفولك حل فى حكايه المفتاح دى حتى لو غيروا الكوالين. لو عربيتك سيراتو زى اللى فى البيانات بتاعه حضرتك يبقى انت عارف هى من الحاجات المفضله جداً عند الحراميه و لذلك الموضوع خطير و ما يتأجلش و حاول تركب كلابش الدركسيون مؤقتا و تغير المكان اللى بتركن فيه العربيه لحد ما تروح التوكيل و بالنسبه للباركنج سنسور المفروض ان عليه ضمان و حضرتك تروح به للمكان اللى اشتريته و ركبته منه و هما يصلحوه او يغيروه حسب درجه العطل و احتمال اصلا يكون فى سلك مهزوز و لا حاجه مش لازم يكون فيه حاجه بايظه يعنى

[mohamed_7amo]

يعنى ايه المفتاح ضاع من السايس يا فندم؟ الموضوع ده مريب جدا و ما يتسكتش عليه . لازم تروح التوكيل فى اسرع وقت علشان يشوفولك حل فى حكايه المفتاح دى حتى لو غيروا الكوالين. لو عربيتك سيراتو زى اللى فى البيانات بتاعه حضرتك يبقى انت عارف هى من الحاجات المفضله جداً عند الحراميه و لذلك الموضوع خطير و ما يتأجلش و حاول تركب كلابش الدركسيون مؤقتا و تغير المكان اللى بتركن فيه العربيه لحد ما تروح التوكيل و بالنسبه للباركنج سنسور المفروض ان عليه ضمان و حضرتك تروح به للمكان اللى اشتريته و ركبته منه و هما يصلحوه او يغيروه حسب درجه العطل و احتمال اصلا يكون فى سلك مهزوز و لا حاجه مش لازم يكون فيه حاجه بايظه يعنى

اولا شكرا لسرعة رد حضرتك عليا وموضوع المفتاح ده فعلا انا مضايق منو جدا والسايس قالى ان هو وقع منو فى عربية تانية ولما تيجى العربيات كلها بليل هدورلك علية وحوار تغير الكوالين ده عادى بالنسبالى لكن المشكلة ان المفتاح ده اللى هو بتاع البصمة السمارت كى والحساسات دى مش انا اللى مركبها دى بتاعت الفابريكة بتاعت العربية انا عربيتى sx اللى هى هاى لاين

[AHMED1718]

بالنسبة للسينسور احتمال يكون غسلة بغلاسة
ممكن يوم او اتنين وتنشف وتبقا حلاوة

بالنسبة للمفتاح اسأل ف التوكيل على اقرب حل هما يقدرو يفيدوك اكتر منى

[salodas]

أولا ربنا معاك
السنسور لازم حد فى التوكيل يشوفو
المفتاح أنا كنت سمعت أنك ممكن تطلع أكتر من مفتاح ... كله بتمنه
وممكن كمان تغير برمجة العربية وتطلع مفتاحين جداد خالص والمفتاح القديم طبعا مش هايشتغل .

يا ريت تعرفنا عملت أيه .... أوعى تكون بخيل على أخوانك

[ammarhameda]

متابع

[mohamed_7amo]

بالنسبة للسينسور احتمال يكون غسلة بغلاسة
ممكن يوم او اتنين وتنشف وتبقا حلاوة

بالنسبة للمفتاح اسأل ف التوكيل على اقرب حل هما يقدرو يفيدوك اكتر منى

شكرا لرد حضرتك بالنسبة للسينسورات انا عارف موضوع الغسلة الغلسة دى عشان حصلت معايا مرتين او تلاتة لكن المرة دى مش من المية عشان انا كنت طالع بالعربية من غير ما اغسلها وبعد كده وانا راجع من الشغل مبقتش شغالى الاتنين اللى فى النص بس هما اللى مش شغالين وبيعمل صوت غريب ورا بعض ورا بعض بسرعة زى المنبة الصينى بالظبط و الموضوع ده مش مهم بالنسبة ليا عشان انا عارف ان الحل بتاعو فى التوكيل سهل وهما هيعملوه لكن حوار المفتاح ده معكننى جدا بقى ولما كلمت التوكيل قالى ان هو ممكن يغير البرمجة بتاعتو عادى ويغيرلى كمان الكالون بتاع الباب ويدينى مفتاح كمان بس كل ده بـ 1650 جــــ والموضوع ده مضايقنى جدا مش مهم الفلوس بس لية المفتاح يضيع من الاساس

[mohamed_7amo]

أولا ربنا معاك
السنسور لازم حد فى التوكيل يشوفو
المفتاح أنا كنت سمعت أنك ممكن تطلع أكتر من مفتاح ... كله بتمنه
وممكن كمان تغير برمجة العربية وتطلع مفتاحين جداد خالص والمفتاح القديم طبعا مش هايشتغل .

يا ريت تعرفنا عملت أيه .... أوعى تكون بخيل على أخوانك

السنسور فعلا يا باشا انا مش شاغل بالى بية عشان العربية فى الضمان وهما فى التوكيل هيعملوه ولو مردوش يعملوه رخامة منهم او قالولى سوء استخدام انا هعرف اتعامل معاهم فى الموضوع ده لكن حوار المفتاح ده معكننى جدا جدا جدا وانا لما كلمت التوكيل قالى ان ينفع انى اغير البرمجة بتاعتو بحيث ان المفتاح القديم ميشتغلش وقالى ان هو ممكن برضو بغيرلى الكالون بتاع الباب الشمال ويدينى لية مفتاح تانى ولما سالتو ان انا هكون محتاج مفتاح تانى قالى موجود بس تكلفة كل الحجات دى هتبقى 1650 جـــــ

[excel_team2000]

مش مشكلة موضوع التكلفة خالص غيرهم بسرعة لأن لو لا قدر الله حصل حاجه ساعتها حتقول يارتنى غيرتهم و لو بعشرتلاف جنيه اسمع نصيحتى كلابش دركسيون و تغيير السمارت كى بسررررررررررررررررررعة

[salodas]

التكلفة كبيرة ..... لو تقدر تستنى شوية يمكن السايس يلاقى المفتاح يبقى تمام ... بس خلى بالك خلال الفترة دى العربية أمام عينك لحظة بلحظة .... ولو مفيش أمل تلاقيه .... توكل على الله وبسرعة غير وتكلفة اليوم 1600 وكسر بكرة ممكن تبقى 130000 أنت فاهمنى

[Land_Cruiser]

لازم تغير المفتاح يا فندم. الله اعلم بنيه السايس او حتى لو اى حد تانى لقى المفتاح و عارف مكان العربيه هيروح يدورها و يمشى بيها كأنه صاحبها و ممكن يستنى شويه حتى لحد ما الموضوع يهدى و بعد كده يسرقها و السيراتو من العربيات المستهدفه بالنسبه للحراميه و بعد كده ما تسيبش المفتاح لأى حد

[2CODE]

حتى لو السايس لقي المفتاح اوعي متغيرش السمارت كي انت عارف ان الانجن اموبليزر في السيراتو مش بيشتغل يعني منظر بس علشان كده العربيات بتتسرق لو حد اي حد جرب يطلع نسخة على المفتاح

احسن لك والله يعينك روح غير السمارت كي وجرب المفتاح القديم هناك بعد ما تغير البرمجة وكل ده انك تشغل بيه العربية لو اشتغلت اعمل لهم فضيحة هناك

[mohamed_7amo]

والله يا جماعة انا مش عارف اشكركم ازاى على ارائكو دى بس الحمد لله النهارده واحد من اللى بيركنو فى الجراج لقى المفتاح تحت الكرسى بتاعو ورجعو للسايس بس ده طبعا على كلام السايس المهم اخت المفتاح ومش هسبهولو تانى طبعا بس انا كنت خايف انو ممكن يعمل واحد زية بنفس البرمجة فانا عايز اعرف هو ممكن يعمل اسمارت كى تانى بنفس البرمجة مع العملم ان فى ناس قالتلى لاء لازم فى التوكيل ولازم رقم الشاسية ولو قلنا ان هو ممكن ياخد رقم الشاسية من العربية انا عندى عامل دواسة جلد ومغطى رقم الشاسية فا مش عارف بقى اعمل اية اغير برمجة المفتاحين اللى معايا دول ولا هو فعلا كان ضايع والسايس ميعرفش يعمل سمارت كى تانى

[salodas]

الحمد لله ....
بص يا محمد .... أنا بعد ملقيت المفتاح أروح بكرة على التوكيل وطبعا أنا مش هافتى بس ....لو أمكن تغير برمجة المفتاحين على العربية يبأه تمام .... بحيث أن لو فرضنا سوء النية وفى حد طلع مفتاح تالت بهدف سرقة العربية يبأه أنت فوت عليه الفرصة ... وأعتقد ان التكلفة هاتكون أقل لأن دى فقط برمجه والمفتاحين معاك .... والله أعلم .

وبرضو زى ما الشباب نصحوك .... عربيتك أمام عينك طول الوقت ... عصاية الدريكسيون دى أختراع ... هاتها أنا شوفتها فى كارفور تقريبا ب 85 جندى
الدنيا مش أماااااااااااااان

[mohamed_7amo]

الحمد لله ....
بص يا محمد .... أنا بعد ملقيت المفتاح أروح بكرة على التوكيل وطبعا أنا مش هافتى بس ....لو أمكن تغير برمجة المفتاحين على العربية يبأه تمام .... بحيث أن لو فرضنا سوء النية وفى حد طلع مفتاح تالت بهدف سرقة العربية يبأه أنت فوت عليه الفرصة ... وأعتقد ان التكلفة هاتكون أقل لأن دى فقط برمجه والمفتاحين معاك .... والله أعلم .

وبرضو زى ما الشباب نصحوك .... عربيتك أمام عينك طول الوقت ... عصاية الدريكسيون دى أختراع ... هاتها أنا شوفتها فى كارفور تقريبا ب 85 جندى
الدنيا مش أماااااااااااااان

شكرا يا باشا على رد حضرتك وانا فعلا جبت القفل بتاع الدريكسيون ده بس واحد صاحبى هو اللى جابهولى كان عنده واحد يعنى ومش بيستخدمو وحوار اعادة برمجة المفتاح ده انشائ الله هعملو فى اسرع وقت ممكن انشاء الله