كيا كارينز 2012 هاي لاين من الوكيل أفضل أم من سمير ريان

[simsim1]

الأخوة المحترمين في أفضل منتدى سيارات

نويت بمشيئة الله شراء سيارة كيا كارينز لأخويا وبعد اتصالات مع الوكيل و مع سمير ريان و جدت التالي :

السيارة نفسها عند التوكيل الهاي لاين سعرها 140ألف و بعد تدخل بعض الأصدقاء أصبحت 139 ألف و تسليم فوري

السيارة بضمان الوكيل سعرها 137 ألف و الأنسة هناك قالت لما تيجي ممكن ننزل تاني ( السيارة بضمان eit ) يعني مفيش فرق عن السيارة الأولى .

السؤال أشتريها من سمير ريان و لا من الوكيل ، أخشى أن يكون سمير ريان مغير حاجة في العربية بفرق السعر ده .

ياريييييييييييييت تساعدوني في أخد القرار سريعا لأني نويت إن شاء الله أشتري السيارة غدا

ملحوظة الدفع هيكون نقدي في كل الأحوال

ياريت أعرف كمان الكماليات المفترض وجودها في الهاي لاين علشان أراجعها و أنا بشتري


وجزاكم الله خيرا

[GMC]

لو انا اكيد حقارن الاول الاوبشن الي موجود في الاتنين واشوف ايه الناقص وياريت بردوا تكشف على الدهان

ميكونش فيه خبطه كده ولا كده واتصلحت وعموما يعني الفرق مش كبير ديه كلها 2000 جنيه بس هههههههههه

التوكيل افضل

[GMC]

الاوبشن

وطبعا الماتور اكيد هوا نفسه ال 1600 CC ال 123 حصان او 125 حصان مش متذكر اوي


اوتوماتيك - جنط 16 - 2 مفتاح ريموت

تكييف تتش ----2 إيرباج ---فرامل ABS

طارة مالتي ---مرايات ضم كهرباء ---- باور ستيرنج

4 زجاج كهربا - -- -راديو CD mp3 ----سنتر لوك

مرايات كهرباء ---- زجاج فاميه ----جنوط سبور

الشبكة الجديدة ----شكمان نيكل ----نواكل خارجية

مسند يد أمامي --- فوج لايت --- فتح الشنطه والبنزين من جوا D:

وفي الاخر لما تشتري ابقى شوف الكوريك والعده الي ورا موجوده واكامله ولا لا

وحقولك على حاجه بس حتستغرب ابقى خد السياره قبل ما تشتريها اكشف عليه كمبيوتر وفحص شامل وارفعها وشوفها من تحت

متستغربش من كلامي قريبي اشترى هوندا سيفيك 2011 وللأسف كان واخده خابطه جامده جدا من تحت وهوا كشف بعد ما اشترى ودفع

وكان فيه خبطه في الباب الشمال وكان متسمكره ومرشوشه

زي ما هما بيهتموا بالفلوس وميتموتوا على كل جنيه لازم انت كمان تموت على حقك وتكشف ومتكسفش مش عاجبه بلاها
ابقى اثبت بقى

[PANERAI]

سمير ريان جربناة اكثر من مرة و ممتاز في اسعارة - الحقيقه يعتبر من افضل المعارض في مصر عن تجربة
قارن الكماليات بالكامل و نوع الكاوتش كمان شوفه و لو زي بعض توكل علي الله من سمير ريان

[Mohab.Nabil]

هو طبيعى ان الوكيل بيبقى اسعاره اغلى شوية عن الموزعين عشان يدى فرصة للموزعين انهم يبيعوا .. لأن لو نفس السعر محدش هيروح يشترى من معرض و يسيب التوكيل

و الطبيعى فى مصر برضه دلوقتى الغش

انا لو مكانك بصراحة التوكيل و اريح دماغى من اى قلق و ممكن برضه تكون عربية اوتو سمير ريان مفيهاش اى حاجة بس الراحة النفسية عامل مهم جدا فى الشراء

بالتوفيق ان شاء الله

[salodas]

أنا هاقولك تجربتى مع سمير ريان ...
أنا اشتريت عربيتى منه من حوالى سنتين سيراتو وبعهالى على أنها خليجى سعودى ... وطبعا عملت فلحوس واتأكدت من الستيكر الى على قايم الباب بتاع السواق (طبقا للمواصفات الخليجية السعوووووووووووووديه) ...
المهم بعد كام شهر كده لقيت الشباب بيتكلمو على حاجة أسمها ven code تقريبا (يا رب أكون كتبته صح) المعم ضربت العربية بالفين طلعت عربيتى عمانى .... أنا زعلت .... بس للأمانة العربية زى الفل معايا ... بس أنا مبحبش الغش حتى لو فى حاجة صغيرة ...
تتم على عربيتك ... أشترى بالنهار ..... جرب كل حاجة .... غسلة حلوة تبين أى عيب فى الصاج أو الدهان

[zangry]

هاتها من التوكيل احسن بلاش المعارض دى انا مش بثق فيها

خصوصا ان محدش بينزل تعريفة فى عربية عليها اقبال شديد

[lenovo]

أنا هاقولك تجربتى مع سمير ريان ...
أنا اشتريت عربيتى منه من حوالى سنتين سيراتو وبعهالى على أنها خليجى سعودى ... وطبعا عملت فلحوس واتأكدت من الستيكر الى على قايم الباب بتاع السواق (طبقا للمواصفات الخليجية السعوووووووووووووديه) ...
المهم بعد كام شهر كده لقيت الشباب بيتكلمو على حاجة أسمها ven code تقريبا (يا رب أكون كتبته صح) المعم ضربت العربية بالفين طلعت عربيتى عمانى .... أنا زعلت .... بس للأمانة العربية زى الفل معايا ... بس أنا مبحبش الغش حتى لو فى حاجة صغيرة ...
تتم على عربيتك ... أشترى بالنهار ..... جرب كل حاجة .... غسلة حلوة تبين أى عيب فى الصاج أو الدهان

VIN Code هههههه .. المهم انا كنت خايف زيك كده واشتريت منو كيا ريو سعودي .. بس الحمدلله طلعت فعلا سعودي وكمان في حاجة تثبتلك انها سعودي . بص على الورقة بتاعت الشحن اللي بتبقى ملصوقة على الزجاج الخلفي مش اللي في الشراع . ديه بتبين هوية البلد اللي كانت مشحونه منها

[ashouhdy]

هاتها من التوكيل احسن بلاش المعارض دى انا مش بثق فيها

خصوصا ان محدش بينزل تعريفة فى عربية عليها اقبال شديد

+11111111111111

عربية بتتباع ذى الرز ينزل فيها لبة ؟
لا تكون مرشوشة ولا حاجة

[aly_moh]

انا كنت فى التوكيل امبارح و لما اتكلمت مع مسؤول المبيعات قالى انة هيدى هدية مع العربية مراية بتعتم ذاتى و كمان فيها بلوتوث قيمتها ب 2000 جنية

[محمد بدر]

انا كنت فى التوكيل امبارح و لما اتكلمت مع مسؤول المبيعات قالى انة هيدى هدية مع العربية مراية بتعتم ذاتى و كمان فيها بلوتوث قيمتها ب 2000 جنية

المرايا دى خدعة كبيرة
تقريبا الوكيل إتخدع فى لوط مرايات فاسدة وبيضحك بيها على الناس الطيبة إيلى زينا
أولا المرايا مش تعتيم زاتى ولاحاجة لأن التعتيم الزاتى بتكون حاجة تانية خالص يعنى المفروض بتعتم لحظة سقوط الضوء عليها ولاكن المرايا دى بتاعة التوكيل تعتيم دائم يعى لونها غامق شوية وبس
ثانيا موضوع البلوتوث ده خدعة ثانية لأنه ممكن يشتغل مرة وخلاص إنسى بعد كده (صناعة رديئة جدا") أحسن حاجة فيها العلبة الكرتون تحسسك انها محترمة ولاكن للأسف (زبالة)
ثالثا النصب بتاع التوكيل يقول لك المرايا ثمنها لوحدها 1000 جنيه وهذا كذب وخداع لأن سعرها لايزيد عن 250 جنيه
هما مش فهمين انهم بيزعلوا العملاء منهم للأسف بتيجى فى حاجات فارغة وتوكيل سزج مش عايز أقول ألفاظ تانية

[simsim1]

بارك الله فيكم جميعااااااااااااااااااا وجزاكم الله خيرا


الحمدلله قررت أشتري السيارة من سمير ريان بناء على نصيحة أحد أصدقائي في التوكيل وقالي هي هي نفس العربية بس هما مخفضين فيها علشان يبيعوا وبيدوا عليها هدايا كمان و نصحني إني أفحص العربية كويس وهو كمان هيبقى يشوفها . و إني


جزاكم الله خيرا

[aly_moh]

مبروك و كنت عايز اعرف السعر كام ياباشا ؟؟؟؟

[shouk_1987]

الاوبشن

وطبعا الماتور اكيد هوا نفسه ال 1600 CC ال 123 حصان او 125 حصان مش متذكر اوي


اوتوماتيك - جنط 16 - 2 مفتاح ريموت

تكييف تتش ----2 إيرباج ---فرامل ABS

طارة مالتي ---مرايات ضم كهرباء ---- باور ستيرنج

4 زجاج كهربا - -- -راديو CD mp3 ----سنتر لوك

مرايات كهرباء ---- زجاج فاميه ----جنوط سبور

الشبكة الجديدة ----شكمان نيكل ----نواكل خارجية

مسند يد أمامي --- فوج لايت --- فتح الشنطه والبنزين من جوا D:

وفي الاخر لما تشتري ابقى شوف الكوريك والعده الي ورا موجوده واكامله ولا لا

وحقولك على حاجه بس حتستغرب ابقى خد السياره قبل ما تشتريها اكشف عليه كمبيوتر وفحص شامل وارفعها وشوفها من تحت

متستغربش من كلامي قريبي اشترى هوندا سيفيك 2011 وللأسف كان واخده خابطه جامده جدا من تحت وهوا كشف بعد ما اشترى ودفع

وكان فيه خبطه في الباب الشمال وكان متسمكره ومرشوشه

زي ما هما بيهتموا بالفلوس وميتموتوا على كل جنيه لازم انت كمان تموت على حقك وتكشف ومتكسفش مش عاجبه بلاها
ابقى اثبت بقى

ما فيش لا فوج لايت و لا تكييف تاتش فى الوكيل هاى لاين
و الكاسيت ٦ سماعات و USB و AUX والمفروض يكون كاسيت ال built-in الأصلى

[Ahmed_Adham]

الاوبشن

وطبعا الماتور اكيد هوا نفسه ال 1600 cc ال 123 حصان او 125 حصان مش متذكر اوي


اوتوماتيك - جنط 16 - 2 مفتاح ريموت

تكييف تتش ----2 إيرباج ---فرامل abs

طارة مالتي ---مرايات ضم كهرباء ---- باور ستيرنج

4 زجاج كهربا - -- -راديو cd mp3 ----سنتر لوك

مرايات كهرباء ---- زجاج فاميه ----جنوط سبور

الشبكة الجديدة ----شكمان نيكل ----نواكل خارجية

مسند يد أمامي --- فوج لايت --- فتح الشنطه والبنزين من جوا d:

وفي الاخر لما تشتري ابقى شوف الكوريك والعده الي ورا موجوده واكامله ولا لا

وحقولك على حاجه بس حتستغرب ابقى خد السياره قبل ما تشتريها اكشف عليه كمبيوتر وفحص شامل وارفعها وشوفها من تحت

متستغربش من كلامي قريبي اشترى هوندا سيفيك 2011 وللأسف كان واخده خابطه جامده جدا من تحت وهوا كشف بعد ما اشترى ودفع

وكان فيه خبطه في الباب الشمال وكان متسمكره ومرشوشه

زي ما هما بيهتموا بالفلوس وميتموتوا على كل جنيه لازم انت كمان تموت على حقك وتكشف ومتكسفش مش عاجبه بلاها
ابقى اثبت بقى

ما فيش لا فوج لايت و لا تكييف تاتش فى الوكيل هاى لاين
و الكاسيت ٦ سماعات و usb و aux والمفروض يكون كاسيت ال built-in الأصلى

بالاضافه لكده الشنطه دايما مفتوحه طول ما السنتر مفتوح وبتقفل مع السنتر - مش محتاجه قفل وفتح من جوه.

وجب التصحيح عشان محدش يقرا الموضوع ويفتكر ان عربيته ناقصها حاجه. وعلى فكره الكاسيت التتش اللي في الخليجي المعارض هيه اللي بتركبه عشان تعوض الزبون عن عدم وجود ضمان للخليجي والدليل ان الكاسيت ده مش موجود في مانيوال العربيه وفي كل معرض هتلاقى نوع غير التاني.