رف خلفي بيكانتو 2012

[Mahmode]

السلام عليكم, أنا اشتريت بيكانتو 2012 خليجي بس اكتشفت انها جاية من غير الرف الخلفي اللي بيغطي الشنطة. سألت عليه في التوكيل وفي شارع دمشق محدش عنده. حد يقدر يفيدني بنمر تلفون حد في الحرفيين أو غيرها شغال في قطع غيار أو اكسسوارات البيكانتو أسأل عنده؟

[medo_sirion]

بس هوة تلفون حد فى الحرفين صعب بس لو نزلت انا متاكد انك هتلاقى لان شوفت بيكانتو متقطعة

[Mahmode]

بس هوة تلفون حد فى الحرفين صعب بس لو نزلت انا متاكد انك هتلاقى لان شوفت بيكانتو متقطعة

حتى 2012 لحقت تتقطع؟

[A.Saad]

عندى رف بس الشكل القديم
2009
مش عارف نفس مقاسك ولا متغير

[Mahmode]

عندى رف بس الشكل القديم
2009
مش عارف نفس مقاسك ولا متغير

للأسف مش نفس المقاس :(

[A.Saad]

اعمل رف خشب زى ما بيتعمل للسماعات
رف mdf متغطى موكيت اسود او رمادى

[megahome]

لو سمحت ممكن تقولي رايك ايه في البيكانتو ٢٠١٢ وايه الفرق بين الخليجي وغيره وهل فيه فرق في السعر

[Mahmode]

لو سمحت ممكن تقولي رايك ايه في البيكانتو ٢٠١٢ وايه الفرق بين الخليجي وغيره وهل فيه فرق في السعر

طبعا ممكن :). بص يا سيدي عامة هيه عربية كويسة بس لازم تراعي إنها عربية فئة صغيرة. يعني ما تجيش تقول الكنبة ضيقة ولا الشنطه ضيقة ولا حاسس إنها مش متينه! دي أمثلة من حاجات ما ينفعش تقولها على عربية من الكاتيجوري ده. هيا مش بتاعت جري مع إن سحبها حلو ومقدرش أقولك على ثباتها عشان مامشيتش بيها أكتر من 90كم بس اللي واضحلي إن ثباتها متواضع. مش وحش بس مش بتاعة جري فوق ال100 والله أعلم. سماعاتها سيئة جدا (بس طبعا إنتا ممكن تركب سماعات خلفية). من الآخر عربية مناسبة لسيدة أو حد مشاويره كلها داخل المدينة ومش بتاع جري.

بالنسبة لفئاتها: أولا بالنسبة للوكيل فئاته ثابتة تقريبا كانو 4 فئات. أما الخليجي فئاته كتير وغير ثابتة يعني ممكن فئة تختفي وتنزل فئة تانية بمواصفات مختلفة في وقت ما. طبعا حضرتك لازم تكلم كذا معرض وتستفسر عن الفئات والأسعار وبعدها حتعرف بالضبط كل الفئات الموجودة في السوق وأسعارها ومتنساش تسأل عن الألوان عشان مش كل الألوان موجودة في كل الفئات.

بالنسبة لخليجي ولا وكيل: دي تختلف من شخص لآخر. الكلام اللي معروف للكل إن الوكيل عليها ضمان وزايدة في السعر حوالي 4000 جنيه. الكلام اللي مش كل الناس تعرفه:
1. الخليجي بيتعمله صيانة في التوكيل عادي جدا زي الوكيل بالضبط من غير أي فرق ولا زيادة فلوس ولا دفع مبلغ في الأول زي ما في توكيلات تانية.
2. في حاجات بتلاقيها ناقصة في الخليجي زي ما حصل معايا. في حالتي كان الكاسيت بتاع العربية الأصلي متشال وراكب بداله كاسيت ما يسواش نكله ماركة تعبانة إسمها (Roadstar). طبعا أنا كنت عارف إن الكاسيت بتاعها مش الأصلي بس ماكنتش أعرف انهم حيركبو كاسيت سيء جدا كده. تانيا العربية من غير رف خلفي (اللي أنا بسأل عنه هنا) ودي حاجة ضايقتني جدا.

من الآخر لو ناوي على خليجي تركز جدا جدا جدا في العربية جايه بإيه بالضبط ويفضل تشوف العربية اللي حتشتريها وتفحصها جيدا قبل الشراء بيوم أو أكثر. وتاخد بالك كويس في أي فروق بين الخليجي والوكيل في المواصفات بين نفس الفئة وتقيمه بفلوس. يعني أنا لو كنت عملت كده وقيمت فرق الكاسيت + الرف الخلفي + الضمان, كنت جبت وكيل أحسنلي (مع العلم إني مش بيفرق معايا الضمان).

بس والله الموفق,

[megahome]

شكرا ياباشا،
أنا صراحه عايزها لمراتي وانا امامي f/o au
Multifunction
Bluetooth
Auto mirror and flash light in it.
Fog light
Spoiler
Sport tire 15"

[Mahmode]

شكرا ياباشا،
أنا صراحه عايزها لمراتي وانا امامي f/o au
multifunction
bluetooth
auto mirror and flash light in it.
Fog light
spoiler
sport tire 15"

ربنا يوفقك يا باشا أنا برضه جايبها لمراتي. هيا مناسبة جدا للسيدات.

[megahome]

بصراحه المعرض قالي كل المواصفات دي ب 84000 بس انا مش مصدقه لانها مواصفات جامده فهل فعلا فيه مواصفات في الخليجي للبيكانتو كده
فوج
طاره مالتي
١٥ بوصه جنط
مرايات ضم واشارات فيها
طبعا كاست اصلي عشان بلوتوث الطاره
وكمان ب 84000
فيه كده يجماعه ةلا بيشتغلني المعرض