تقيم الكارينز بعد 40 الف كم ...

[الريس]

السلام عليكم:

بكتب النهاردة احكي عن تجربتي مع عربية مراتي الكارينز اللي تقريبا بستخدمها كل يوم ...

مبدأيا الغربية خليجي - عراقي - من عند سمير ريان ................. اللي مش هشتري من عنده تاني لاسباب نبقى نقولها في موضوع تاني

العربية الهاي لاين .... اللي فيها كل حاجة
اول ما رخصت رحت عملت الفرش عند جينز كار و الفرش مازال بحالته...

مميزات العربية بعد استخدام سنة و نصف - ماشاء الله لا قوة الا بالله

- الوسع ... انا حطيت في العربية دي كل حاجة ممكن تتخلوها ... ثلاجة - بوتاجاز - دولاب صغير .. وكل اللي نفسك فيه ... و هي ما بتقولش لا
- الارتفاع... و هنا قصدي ارتفاع كرسي السائق و مدي الرؤية ... انت كاشف كل اللي حواليك
- اماكن التخزين الكتير ... في الكونسول و في الادراج اللي ورا في الشنطة مخلييني مستريح جدا
- التابلوه سهل و مريح مع 2 ولاعة ووصلات الايبود و اليو س ب و الزراير في المتناول
- المساحة الخلفية ... و فعلا فايدتها كبيرة بجد...
- الفرامل كويسة على الحجم ده الايه بي اس بيشتغل كويس
-الكاوتش والجنوط ...... استحملو مني كتير فعلا هبد و ترزيع... وده بسبب مطباتنا الذكية

حاجات اداء العربية فيها زي اي عربية كوري

التكييف - معقول مش مبهر
الثبات - بس بيتحسن كتير لو العربية مليانة


حاجات بتضايقني:

السحب طبعا ... بس باقنع نفسي ان الاخ الكوري حطلنا الموتور ال 1600 لما زهق مننا احنا و جماركنا و عمال يدعي ربنا يسامحه على الجيريمة اللي عملها دي
البنزين - استهلاكها عالي بس البودي كبير و مقاومته للهوا ليها دور
الجلد اللي في الدريكسيون و المقبض ابتدا يغير ...
البلوتوث صوتي بيطلغ فيه ضعيف عن الباسات كتيير .. باتسمع بصعوبه يعني
البوية حساسة لاي حاجة ......
العزل لا يقارن بالباسات...........

بس في النهاية انا بحب العربية دي بجد .... و باركبها كتير في مشاوير الشراء و الشيل وهي صفقة حلوة جدا لاي حد مش هيفرق معاه قصص الجري و الشد والذي منه...

تم تغير العنوان ليناسب محتوى الموضوع

[asalem1478]

بجد تقرير اكتر من ممتاز

ربنا يباركلك فيها

[Kareem Fawzy]

شكراً يا باشا على التقرير

[Khaled_Nowaihy]

عندك حق يا ريس ... بس ما قلتلناش أيه أخبار صيانة ال 40000

[drmagieed]

ربنا يبارك لك فيها ويكيفيك شرها ويحفظها لك

[mazher_m]

ما شاء الله
ربنا يديك خيرها ويكفيك شرها
وعقبال 400الف كيلو

[الريس]

بجد تقرير اكتر من ممتاز

ربنا يباركلك فيها

مش تقرير يا باشا ده بس كده دردشة
ميرسي لذوقك

[الريس]

شكراً يا باشا على التقرير

يا باشا ده ذوقك

[الريس]

عندك حق يا ريس ... بس ما قلتلناش أيه أخبار صيانة ال 40000

عندي جدول الصيانات و باطلع على ورشة ميكانيكي معرفة من ايام والدي الله يرحمه ويغفر له و الدنيا ماشية وظريفة

[الريس]

ربنا يبارك لك فيها ويكيفيك شرها ويحفظها لك

آمين ... ميرسي لذوقك

[الريس]

ما شاء الله
ربنا يديك خيرها ويكفيك شرها
وعقبال 400الف كيلو

آمين .. ميرسي لذوقك و ربنا يبارك للكل

[S O P H O S]

ما شاء الله
تقرير جميل ..

[الريس]

ما شاء الله
تقرير جميل ..

شكرا لذوقك واهتمامك

[محمد الششتاوي]

انا بفكر اشتريها الايام دي تنصحوني باية؟ الكيا كارينز عجباني وواسعه بس كلام الناس عنها مخوفني اعمل ايه ؟ من فضلكم ردوا عليا بسرعة

[Khaled_Nowaihy]

توكل على الله وهاتها .... بس ايه هو كلام الناس اللى مخوفك ؟؟