اشتريت كيا سيراتو خليجى مو 2013

[mostafamohamed]

الحمد للة اشتريت كيا سيراتو مواصفات شرق اوسط مو 2013 من المصرية للسيارات اللى فى الميرغنى
المواصفات :
كاميرا خلفية وCD تتش و ستيبترونيك (6 سرعات ) ريموت كونترول و ABS و بلوتوث و GPS و بور
ستييرنج و AIR BAG .

اللون :
موكا ( بنى)
التبلوة اسود و بنى محمر كدا

السعر :
108,500

الضمان :
AAA ضد عيوب الصناعة 3سنوات ب2100 ج

التامين :
المجموعة العربية 3.6% بدون تحمل

الصور :
Free Cloud Storage - MediaFire
انا عندى بس مشكلة ان فى غطا تاريبن قماق بيغطى عضم الشنطة من جوة مش موجود انا مصورة ياريت لو حد يعرف بيتجاب منين يقولى ؟؟؟؟؟؟

[mazher_m]

بسم الله ماشاء الله لاقوه الابالله
ربنا يباركلك فيها ويديك خيرها ويكفيك شرها

[Medicalist]

مبروك ربنا يباركلك فيها يا باشا ويديك خيرها
مستنين تقريرك عنها

[ابو ليلى]

الف مبروك ويارب يبارك فيها ويحفظها من كل سوء
ليه مافيش مالتى فنكشن فى الدريكسون ؟
العربية هتترخص موديل 2012 ولا 2013 ( طبقا للافراج الجمركى )
متاكد ان نسبة التامين بدون نسبة تحمل ؟
يالنسبة للكافر للشنطة ممكن سروجى يعملها سهلة مش صعبة .

[Hosam_Optrawy]

الف مبروك عليك

الخليجى دا غريب اوى :) يعنى GPS وكاميرا , وبطاسات :) وتكييف عادى واكر بلاستيك ولا طاره ملتى ولا جنوط ولا سنسور حتى مع ان فى كاميرا :)

اعتقد ان ال gps والكاميرا بتركب هنا

عموما الف مبروك مره تانيه

الصور اهى للتسهيل على الاعضاء

[ashouhdy]

immobilizer ???????!

[mostafaelfayed]

الف مبروك و ربنا يكفيك شرها يارب .. بس عندي سؤال يعني ايه ضمان aaa ضد عيوب الصناعه ؟؟ يعني لو لاقدر الله في مشكلة في الكاسيت مثلا او عيب صناعة ممكن نروح لمين في الحالة دي ؟

[Youssef.Awad]

الف مبروك عليك

الخليجى دا غريب اوى :) يعنى gps وكاميرا , وبطاسات :) وتكييف عادى واكر بلاستيك ولا طاره ملتى ولا جنوط ولا سنسور حتى مع ان فى كاميرا :)

اعتقد ان ال gps والكاميرا بتركب هنا

عموما الف مبروك مره تانيه

الصور اهى للتسهيل على الاعضاء

حسبى الله ونعم الوكيل فى تجار مصر الحرامية واولهم المصرية واشكاله !!!!!!!!!
يا استاذ حسام .. دى خليجى متقيفة
يعنى انا فى السعودية ومعايا كيا سبورتاج وشوفت كل فئات السيراتو هنا
الفئة دى ستاندارد يعنى طاسات مش جنوط وفرش قماش مش جلد ويادوب زجاج كهرباء وسنتر وتكييف وبس
واللى حصل ان النصابين جابوها عشان فرق الجمرك لأن سعر الفئة دى هنا يعمل بالكتير اوى 48 الف ريال وركبولها كاميرا خلفية وده السبب ان بطانة غطاء الشنطة من جوة مش موجود من اللعب والتركيب وكمان ركبلها شاشة gps صينى اكيد مكان الكاسيت الاصلى عشان يعرض عليها صورة الكاميرا
حاجة كمان الكاميرا الخلفية بتنزل فى الفول اوبشن كاملة مع سنسور خلفى (مش موجود فى العربية دى !!!) مع مراية صالون تعتيم وعرض للكاميرا عليها زى اللى عندى فى السبورتاج وكمان مرايات طى وجنوط 17 ونواكل وكل اللى بتدور عليه وسعرها بيكون حوالى 60 الف ريال
يعنى نصب عينى عينك .. باين اوى اللعب والتركيب
ربنا يبارك للى اشتراها وينتقم من الاشكال دى بقى !!!

[mostafamohamed]

ابو ليلى : فى الافراج مو2013 , ايوة انشاء اللة بدون تحمل خالص

ashouhdy : ايوة بimmobilizer

mostafaelfayed : يعنى لو فيهل اى عيب صناعة ( ومن ضمنها الكاسيت ) اروح ل اى مركز صيانة بيتعامل مع الشركة ( موجود فى كتالوج الضمان )

Y2Y1500 : اولا العربية شرق اوسط مش سعودى وانا عارف كدا , ثانيا : فى مصر العربية سادة خالص و manual ب 105,000 يعنى اما تضيف الاوبشنز دى و موديل 2013 و الCD تتش يابانى و الكاميرا يابانى و ستيبترونيك (6 سرعات ) ب 108,500 يبقا الحمد للة

[mostafamohamed]

بس بالنسبة للغطا بتاع الشنطة فى الصورة رقم 6 ممكن حد يقولى اجيبة منين ؟؟؟

[Dreams]

السلام عليكم ي أخ محمد. بارك الله لك و حفظها لك من كل سوء

سؤالي : الأستبن بتاع العربيه دي شكله ازاي (مقاس كبير زي باقي الكاوتش أم الاستبن الصغير)؟ أرجو الرد للأهميه لأني شوفتها باستبن صغير مش زي باقي الكاوتش و البائع قالي أن كل 2013 كده؟
سؤال تاني : هو aaa ده ضمان حقيقي؟ هل أتعاملت معاه؟
آخر سؤال : تنصح ب أيه واحد عايز يشتري عربيه مثلها تماما؟ يبص علي ايه و هو بيفحصها؟
شكرا لك
أسأل الله العظيم أن يحفظك.

[dodopop2]

الله امال الشكل الجديد للكيا سيراتو 2013 هينزل مصر امتى اللى بيقولوا عليه k3?????????????????????

[m2nmsn]

يا جماعه انا هشتري هاي لااين 2012 او 2013 عادي بس عايز اعرف سعرها بكام في القاهرة لان في المنيا هنا كل المعارض بتجيب بالطلب عايز اقل سعر في الخليجي هاي لاين وسمير ريان انا شايف ان اسعاره غاليه اوي الوكيل عنده ب 136000 والخليجي عنده ب 133000 مع ان سمعت اسعار اقل من دي بكتير منها الاحمدي الخليجي عنده ب 129500
حد يفيدني الله يخليكم

[mahmoud_afifi]

الف مبروك يا باشا ربنا يباركلك في العربيه.
الاوبشنز بالسعر ده تعتبر صفقه رابحه. واللون الداخلي الطوبي ده انا اول مره اشوفه والصراحه شكله جميل ويا سلام لو تعمل الفرش جلد بنفس اللون هتبقى العربيه حاجه تانيه ما شاء الله. وربنا يحفظلك العربيه من شر الحاسدين.

بالنسبه لفرش الشنطه, كان في عضو زميل لينا عامل الموضوع ده وكان جايبها من الحرفيين بس لإلنترا مش سيراتو. لو تحب اجيبلك الموضوع ماعنديش مشاكل

[Hosam_Optrawy]

الله امال الشكل الجديد للكيا سيراتو 2013 هينزل مصر امتى اللى بيقولوا عليه k3?????????????????????

مش قبل يناير 2013

وبالكتير نص 2013 يعنى شهر يونيو مثلا