عايز اغير الكاوتشات --- وناوي علي بريدج ستون انهي نوع فيهم افضل

[aminibrahim]

عايز استابليتي -نعومه ومش عايز صوت عالي

اسمع ان في تورانزا وبوتنزا وكده

المقاس 16

الكوتشات عامله 27000 بس خلص الصلاحيه انتهت وهما لسه جداد
بس قلت امشي رسمي

[mi22do]

عربيتك نوعها ايه ؟ و كاوتشها نوعه ايه ؟
الكاوتش بتاع الفابريقه بيعيش كويس اووووي
انا برضو ناوي اغير اليومين دوول , بس الكاوتش انتاج 2005 يعني فات عليه 7 سنين و شويه و عملت بيه حوالي 70 الف كم حتي الان

[MaZaGAngeE]

الكاوتش بيعيش اكتر من 27الف بكتير
انا بغير على 75 الى 85 الف على حسب ظروف الكاشات

[Land_Cruiser]

اللى حضرتك عايزه ده موجود فى التورانزا بس انا حاسس انه ٢٧ الف كم ده رقم قليل و خساره تغير الكاوتش عليه و نصيحتى انك تكشف على الكاوتش عند حد بتاع كاوتش كويس و امين و يبص على النقشه و حاله الكاوتش و يقول لحضرتك حالته ايه علشان تطمن و لازم تكون الكاوتش مش ممسوح و لا مشقق و لو كان حالته حلوة استنى عليه و غيره على ٤٠ الف كم مثلا يبقى رقم معقول اما لو كان فيه مشكله فطبعا غيره بس مهم جداً انك ما تقولش لبتاع الكاوتش انك بتفكر تغير او تسأله عن سعر الكاوتش الجديد او تقول تاريخ الصلاحيه انتهى و الكلام ده ابدا لانه لو حس انك عندك النيه للتغيير فى الاغلب هيقولك انه بايظ و محتاج تغيير بصرف النظر عن الحاله الفعليه للكاوتش

[MohammedAladel]

حرام ترمى فلوس فى الأرض لو حالته كويسة إنت بالنظر عليه هتعرف حالته شوف الأجناب لو فيه تمنيلة شرخ صغير هيبان على طول حالة الكاوتش لسة سائل عضو هنا فى المنتدى على مقاس r 16 205 55

بريدجستون Potenza adrenalin.. الفردة فـ Fit&Fix حوالى 980 جنيه.
- Pirelli PZero برضه صوتها عالى، بس أجمد على فكرة من البريدج فـ السواقة.. لكن بتتآكل أسرع..
- Michelin Pilot Sport الفردة دى جاااااااااااامدة جدو، بس غالية عنهم كتير (حوالى 1250-1300 جنيه)..؟!!

لو عايز فردة Tournig؛ تخش بيها فـ أى حته زلط-طريق مكسر.. تستحمل وتعيش وناعمة عـ العفشة:
- طبعا مفيش غيرها الـTuranza GR-90 سعرها أقل من 900 جنيه iirc
- وممكن تجيب البيريللى P7 جامدة برضه، لكن مش منتشرة فـ مصر زى التورانزا.

بالنسبة لـFit&Fix معظم الكاوتش عندهم هتلاقى عدى عليه 3-5 شهور بالكتير.. كده تمام.
الأسعار والأنواع دى منقولة عن رد العضو فورميلاتور

[mi22do]

انا رايي لو الكاوتش بريدجستون ياباني - اقل مدة يقعدها 80 الف كم او 5 سنين دة فعليا
لكن نظريا 3 سنوات او 40 الف كم

[aminibrahim]

عربيتك نوعها ايه ؟ و كاوتشها نوعه ايه ؟
الكاوتش بتاع الفابريقه بيعيش كويس اووووي
انا برضو ناوي اغير اليومين دوول , بس الكاوتش انتاج 2005 يعني فات عليه 7 سنين و شويه و عملت بيه حوالي 70 الف كم حتي الان

سيراتو الفابريكا يا باشا انتاج 2009 الاسبوع 28

[aminibrahim]

الكاوتش بيعيش اكتر من 27الف بكتير
انا بغير على 75 الى 85 الف على حسب ظروف الكاشات

انتاج 2009 السبوع ال28 سيراتو الفابريكا

لسه بدري يعني يا باشا

[aminibrahim]

الف شكر علي رددكو يا جماعه انا هاسمع كلامكو واستني

الكوتش كنقشه عادي كأنه فابريقه لدرجة بتاع الكاوتش قالي هما لسه جداد قلتله ايوه لسه شاريهم


وبصيت عليهم ولا منملين ولا حاجه وزي الفل بس المشكله اني قلت امشي زي الكتاب مش اكتر هو في فلوس د الوقتي

[hany63]

انا كنت سئلت على الفرده التورانزا اكستريملي سيلنت ما لهاش صوت على كلامهم مقاس 16 ب 870 جنيه الفرده يا ترى حد جربها قبل كده عشان الكاوتش اللي في العربيه بتاع الفابريكا تورانزا برضه بس الموديل القديم صوته عالي جدا

[a7medsh3rawi]

الف شكر علي رددكو يا جماعه انا هاسمع كلامكو واستني
الكوتش كنقشه عادي كأنه فابريقه لدرجة بتاع الكاوتش قالي هما لسه جداد قلتله ايوه لسه شاريهم
وبصيت عليهم ولا منملين ولا حاجه وزي الفل بس المشكله اني قلت امشي زي الكتاب مش اكتر هو في فلوس د الوقتي

كل يوم فى نوع كاوتش جديد وفى تطور احسن من الاول فكل ما تستنى قدام هتلاقى السوق اتغير ونزلت انواع افضل .
وطالما الكاوتش اللى عندك مزوده نيتروجين ومحافظ على ضغطه ومفيش تسريب وظابط زوايا العربيه ان شاء الله مفيش مشاكل .
واذا كان على الفلوس حطهم وديعه فى البنك .

[aminibrahim]

كل يوم فى نوع كاوتش جديد وفى تطور احسن من الاول فكل ما تستنى قدام هتلاقى السوق اتغير ونزلت انواع افضل .
وطالما الكاوتش اللى عندك مزوده نيتروجين ومحافظ على ضغطه ومفيش تسريب وظابط زوايا العربيه ان شاء الله مفيش مشاكل .
واذا كان على الفلوس حطهم وديعه فى البنك .

+++++1

[egyptiandiver]

27000... خساره تغير الكاوتش

[moha4tec]

طالما الكوتش لسه طرى و كمان حالته سليمه و مفهوش اى اخرام او لحامات او خوابير .و مفيش تشققات .يعنى مفيش منه مشاكل يبقى خلاص مفيش داعى للتغيير
و ربنا معاك

[mi22do]

انا كنت سئلت على الفرده التورانزا اكستريملي سيلنت ما لهاش صوت على كلامهم مقاس 16 ب 870 جنيه الفرده يا ترى حد جربها قبل كده عشان الكاوتش اللي في العربيه بتاع الفابريكا تورانزا برضه بس الموديل القديم صوته عالي جدا

اة الكاوتش الموجود حاليا اسمه : Turanza gr90
انا لسه مركبه امبارح في توكيل بريدجستون
الفردة مقاس 195/60/15 عامله 705ج قبل خصم , بعد خصم 5 % لنايل موتورز اصبحت 665ج