النيو سيراتو بعد 100000

[mohamedaghali]

ياريت ياشباب اى حد عمل 100000 او اكتر يقولنا ايه نظام العربية بعد ال 100000كم وايه اللى اختلف

[maaatrixxx]

متابع

[mrisuzu]

طبعا خطيرة ومفيش فيها مشاكل معى حتى 30000 كيلو

عربية فوق الممتازة


تحياتى للصنع الكورى

[temo85]

طبعا خطيرة ومفيش فيها مشاكل معى حتى 30000 كيلو

عربية فوق الممتازة


تحياتى للصنع الكورى

يا باشا بيقول 100 الف مش 30 الف

[moha4tec]

الله اعلم
هى لحد ال 40 و ال 45 الف كم تمام الحمد لله

[2CODE]

ياااااااااه 100 الف كيلو - صعب تلاقي يمكن واحد او اتنين بس هم اللي عملوا 100 الف كيلو

[tarekiooo]

الصانع الكورى بينافس اليابانى
الدنيا اتغيرت

[temo85]

الصانع الكورى بينافس اليابانى
الدنيا اتغيرت

هههه أكيد ميقدرش

[salodas]

تحية كبيرة مقدما للعمل 100 ألف .... ده برنس
بس ياريت يكون معانا فى نايل موتور

[2CODE]

هههه أكيد ميقدرش

ياعم اسكت ياباني مين بدليل ان تويوتا كل سنة تسحب لها ييجي 100 الف عربية من السوق بعيوب صناعة وعايز تويوتا تواجه كيا ؟ قول لي كيا سحبت عربياتها كام مره ؟ وعيوب الفرامل اللي كل شويه تتسحب بيها تويوتا لانها مش مطابقة للمواصفات

ياريت تراجع اللينك ده علشان تعرف ايه هي تويوتا وفضايح الياباني
https://www.google.com.eg/#hl=ar&sit...w=1366&bih=603

والغريب من دا كله ان معاك سيراتو يعني كوري ومعاك تويوتا اللي هي فضايحها بالاعلى

[moha4tec]

و فى ناس كملت ال 60 الف كم و تمام الحمد لله

[temo85]

ياعم اسكت ياباني مين بدليل ان تويوتا كل سنة تسحب لها ييجي 100 الف عربية من السوق بعيوب صناعة وعايز تويوتا تواجه كيا ؟ قول لي كيا سحبت عربياتها كام مره ؟ وعيوب الفرامل اللي كل شويه تتسحب بيها تويوتا لانها مش مطابقة للمواصفات

ياريت تراجع اللينك ده علشان تعرف ايه هي تويوتا وفضايح الياباني
https://www.google.com.eg/#hl=ar&sit...w=1366&bih=603

والغريب من دا كله ان معاك سيراتو يعني كوري ومعاك تويوتا اللي هي فضايحها بالاعلى

أولا..أنا مش موجهلك الكلام انا رادد على حد الاستاذ Tarekiooo

ثانيا...أنت مش من حقك تقولى أسكت ولا مسكتش و مش من حقك تتكلم معايا و تقولى يا ""عــم اسكت""احنا مش قاعدين على المصطبه بنحكى..انا بقول رأى وانا حر فيه وانت حر فى رأيك

ثالثا...هو كان بيقول الكورى بينافس اليابانى وانا قلتله مش هيقدر على سبيل الضحك و أظن كان واضح انى بضحك وكل ده واحنا بنتكلم على اليابانى عامه ومحدش جاب سيرة التويوتا فى الكلام معرفش انت قلبت الموضوع ليه على التويوتا

رابعا...حتى لو أفترضنا ان الكورى أحسن من اليابانى فده ممكن يكون فى موديلات معينه لكن أكيد مفيش كورى أحسن من سوبارو او هوندا أو ميتسوبيشى وده برضه رأى انا الشخصى

خامسا...يكفى ان تويوتا بجلاله قدرها بتعترف بعيوب صناعتها لكن كيا مش بتعترف على الرغم من وجود العيوب جلية و واضحة

سادسا...الإختلاف فى الرأى لا يفسد للود قضية :)

[Amr A.salam]

انا قربت على 60 الف كيلو في حوالي 3 سنين (شاريها 15-8-2009)

العربية الحمد لله زي يوم ما اشتريتها بس فيه كام حاجة كدة

1-السوستة بتاعت زرار الازاز باظت يعني ممكن الزرار ينزل والازاز يكمل فتح كأنك دايس عليه
2- العفشة ناشفة زي ما هي لا طريت مع الزمن ولا نشفت مع الزمن :)
3- اللي صرفته عليها لغاية دلوقتي بنزين وزيت وصيانات دورية فقط وغيرت تيل أمامي في صيانة التلاتين

اللي ممكن تلاقوه عدى ال100 ألف كيلو هو ياسر الصياد :)

[aminibrahim]

انا اعرف ناس عدت ال100 الف شغالين بيها سياحه

واكيد محدش فينل يقدر يعمل المشاوير بتاعتهم لأنهم ممكن يعملو الف كيلو في اليوم مرتااااااااااااح

سألت السواق ايه الاخبار قالي عادي عملت صيانة عاديه وواحد تاني كان معاه ما نوال قالي جابت ديسك مرتين
وحطيت ليها اتنين من بتوع الفرنا ازاي مش عارف وقالي شغاله وزي الفل --كان عامل بيهل 110000

[TARAXAN]

اعلي ميزانية تعليم لطالب في العالم في كوريا الجنوبية
اغبي بني ادم حاقد في العالم في مصر