الى اهل الخبرة في السيراتو

[m2nmsn]

السلام عليكم ورحمه الله وبركاته
انا الحمد لله قررت اني اشتري سيراتو 2012 كامله " هاي لاين " بس فيه شوية استفسارات ياريت تجاوبوني عليها :
1- اجيب العربية خليجي ولا وكيل احسن
2- اجيب الجنط 17 ولا 16 لان فيه ناس كتيرة خوفتني من 17 مع ان انا نفسي في جنط 17 لانه شيك جدا
3- لو حد عنده اسعار الوكيل او الخليجي الهاي لاين ياريت يقولي عليها بس يكون اخر سعر في السوق
4- وانا بشتري العربية اخد بالي من ايه بالضبط " يعني مثلا مشكله معروفه في السيراتو ومنتشرة فيها "

وشكرا جدا لتعبكم مقدما :)))

[MohammedAladel]

خليك فى الجنط ال 16 عشان العفشة وعشان المطبات وعشان الكاوتش ميعملش بلالين فيه عضو هنا عايز يغير الجنوط ال 17 بسبب بوظان الكاوتش منه

[ابو ليلى]

السلام عليكم ورحمه الله وبركاته
انا الحمد لله قررت اني اشتري سيراتو 2012 كامله " هاي لاين " بس فيه شوية استفسارات ياريت تجاوبوني عليها :
وعليكم السلام ورحمة الله وبركاته
1- اجيب العربية خليجي ولا وكيل احسن
من بعد التجارب الشخصية ارشح وكيل علشان الضمان
2- اجيب الجنط 17 ولا 16 لان فيه ناس كتيرة خوفتني من 17 مع ان انا نفسي في جنط 17 لانه شيك جدا
جنط 16 طبعا ال 17 غير مناسب بالمرة فى الشوارع المصرية
3- لو حد عنده اسعار الوكيل او الخليجي الهاي لاين ياريت يقولي عليها بس يكون اخر سعر في السوق
الوكيل اسعاره معروفه من خلال موقع كونتكت كار
الخليجى على حسب الكماليات هتسمع اكتر من سعر استحالة تلاقى سعر واحد من معرض للتانى
4- وانا بشتري العربية اخد بالي من ايه بالضبط " يعني مثلا مشكله معروفه في السيراتو ومنتشرة فيها "

لاازم تستلم بالنهار وتراجع على كل شى فى البادى و الاهم
الفتيس والنقلات ( ستيب ترونك ) - الاشارات - الكشافات عالى وواطى
واخير تاخر الترخيص بقدر الامكان علشان لو ظهر فيها حاجه لا قدر الله يكون فى امكانية الاستبدال

وشكرا جدا لتعبكم مقدما :)))

[m2nmsn]

متشكر جدا يا ابو ليلي ويا استاذ محمد وفي انتظار باقي النصائح
بس بصراحه يا ابو ليلي انا ناوي اشتري الخليجي ارخص وبيقولوا احلى

[ابو ليلى]

طيب بدل النية موجوده يبقى اتكل على الله بس اهم شى
تشترى ضمان خليجى على الاقل تضمن العربية من اى شى لا قدر الله
اشترى سنة ولا اتنين فى حدود 2000 ج تقريبا
بس اتعب شوية واختار معرض محترم عندك
جابر عبد الشهيد وسمير ريان

[m2nmsn]

معلش يا ابو ليلي اشتري الضمان ده منين
انا ليا واحد صاحبي معاه خليجي وبيروح الضمان في الصيانه بس بيزودوا عليه 200 جنيه بس ؟؟؟

[ابو ليلى]

الضمان هتلقيه فى المعرض وانت بتشترى العربية بيكون ليهم مندوب هناك
اهم شى تعرف بيتعملو مع مين من مراكز الخدمة ( مهم جدا )
فى فرق بين الضمان وبين الصيانة فى الوكيل
الضمان بيكون ضد عيوب الصناعة وده اللى بتشتريه
الصيانات ممكن تعملها عادى فى التوكيل بس زيادة فى المصنعية بسيطة ولكن
لو ظهر مشكلة فى العربية وهتعملها فى الوكيل يبقى هتسمع ارقام خرافيه سواء
فى المصنعيات او قطع الغيار من الاخر تحس انه بيعقبك علشان اشتريت خليجى
لو اشتريت ضمان خليجى يبقى لاازم تعمل صيانتك فى المراكز اللى بيتعملو معاهم
هيكون معاك كتيب وهتختم فيه مع كل صيانة
لما تشترى بأذن الله ابقى قلى على المراكز وانا ارشحلك حد منهم ولو حضرتك فى المنيا
زى ما مكتوب فى بياناتك يبقى صعب افيدك فى مراكز هناك

[m2nmsn]

تسلم يا ابو ليلي على مجهودك وتعبك معايا جدا
موضوع الصيانه والضمان ده فعلا مدوخني جدا المهم فيه حاجه انا كنت عايز اعرفها وكنت ناسيها خالص
* الهاي لاين المفروض انها بيكون فيها كاميرا خلفيه طيب الكاميرا دي بتعرض فين ؟؟؟
يعني بيكون نازل معاها الكاسيت اللي فيه شاشه ولا في المرايا اللي في النص ؟؟؟

[ابو ليلى]

لا يا باشا مفيش تعب ولا حاجه ويارب اكون بفيدك
الخليجى مالوش موصفة ولا ليه مسمى ( هاى لاين توب لاين ...الخ )
انت بتنقى الموصفات اللى انت عاوزها وبعدين تشترى العربية
يعنى ممكن تلاقى الاتنين المفروض انه بتعرض اما فى المرايا اللى فى النص او فى جهاز
قدامك وبيكون فيه dvd وهنا اللعب اللى فى الخليجى بيشيل الوش والكاسيت الاصلى
وبيركب جهاز من عنده وبيعرض الكام عليه شاشة كده حوالى 7 بوصة
وده اوبشن مش مهم للدرجة ( بالنسبة ليا ) لان بالنهار بتكون الرؤية صعبة للشاشة
يكفى السنسور وخلاص هيقضى الغرض
ومعاك يا باشا لحد السحور ....بس يكون عليك

[m2nmsn]

هههههههههههههههههههههههه
عنيا يا ابو ليلي بس كده :)

بس بجد تشكر اوي انا استفدت من كلامك جدا

[m2nmsn]

فين الناس اللي عندهم السيراتو وفين نصايحهم يا جماعه ؟؟؟؟؟؟؟؟

[klenton102]

انا كنت عايز اسأل علي سيراتو 2013 خليجي . لانها فيها كل الكمليات ب 108000 بس في ناس بتقول انها ملعوب فيها و انها فيها عيوب & السوال التاني اية الفرق بين خليجي شرق اوسط و خليجي سعودي
ارجو الرد

[montasereliraq]

استاذي صاحب الموضوع
نصيحتي ليك السيراتو الخليجي لأن تقفيل الخليجي افضل من الوكيل + تكيف اقوى + كماليات اعلى بـ سعر ارخص و موضوع الضمان انت بتشتريه و مع ذلك موفر من 4 الى 8 الاف جنيه في جيبك يفيدوك في الترخيص و الفرش و الدواسات و الاذي منه

انا بردو كنت عامل موضوع محتار بين 3 عربيات و منهم السيراتو
لفيت هنا و هناك و قريت في كذا منتدى لقيت ان السيرتو الافضل و الاكتر كماليات بسعر اقل من اي فئة بتنافسها

توكل على الله و انا اول امبارح كنت عند سمير ريان في مدينة نصر لقيت عنده الخليجي كامل مواصفات يعني فتحة سقف و ايرباك و اي بي اس و سنسور و (كاميرا + دي في دي - متركبين في مصر) و جنط 16 و طارة ملتي بـ 129 الف جنيه + 1000 جنيه مصاريف اداريه

و بالنسبة للأستاذ klenton102 كل الكماليات خليجي بـ 108 !! يعني فيها الكماليات الي انا كتبتها فوق؟ لو فيها ياريت تدلني على المعرض ده و بأذن الله بكرة اروح احجز وحدة .. بانتظار ردك

و تحية معطرة لأخونا ابو ليلى الي دايما بيحب يخدم اعضاء المنتدى بكل حب و تقدير و اجلال تحيه و سلام خاص ليك يا اخ ابوليلى

[m2nmsn]

استاذي صاحب الموضوع
نصيحتي ليك السيراتو الخليجي لأن تقفيل الخليجي افضل من الوكيل + تكيف اقوى + كماليات اعلى بـ سعر ارخص و موضوع الضمان انت بتشتريه و مع ذلك موفر من 4 الى 8 الاف جنيه في جيبك يفيدوك في الترخيص و الفرش و الدواسات و الاذي منه

انا بردو كنت عامل موضوع محتار بين 3 عربيات و منهم السيراتو
لفيت هنا و هناك و قريت في كذا منتدى لقيت ان السيرتو الافضل و الاكتر كماليات بسعر اقل من اي فئة بتنافسها

توكل على الله و انا اول امبارح كنت عند سمير ريان في مدينة نصر لقيت عنده الخليجي كامل مواصفات يعني فتحة سقف و ايرباك و اي بي اس و سنسور و (كاميرا + دي في دي - متركبين في مصر) و جنط 16 و طارة ملتي بـ 129 الف جنيه + 1000 جنيه مصاريف اداريه

و بالنسبة للأستاذ klenton102 كل الكماليات خليجي بـ 108 !! يعني فيها الكماليات الي انا كتبتها فوق؟ لو فيها ياريت تدلني على المعرض ده و بأذن الله بكرة اروح احجز وحدة .. بانتظار ردك

و تحية معطرة لأخونا ابو ليلى الي دايما بيحب يخدم اعضاء المنتدى بكل حب و تقدير و اجلال تحيه و سلام خاص ليك يا اخ ابوليلى

تسلم يا باشا على ردك بس الغريب جدا اني سالت سمير ريان بالتلفون قالي ان الخليجي عنده ب 133 الف !!!!