كارينز وكيل 2013

[shouk_1987]

السلام عليكم يا جماعة و كل سنة و انتم طيبين ,,,,

يا ترى حد يعّرف الكاريز 2013 وكيل هاتنزل إمتى ؟؟
الخليجى نازل من شهر 6
ايه اللى بيأخر الوكيل لغاية دلوقتى ؟؟؟

ال 2012 الهاى لاين ب 138 عند المصرية و ب 137 عند محمد زكى و كانت ب 140 عند الوكيل نفسه و لسه عند بعض الموزعين
حد يتوقع ال 2013 نفس السعر و لا أعلى و كمان لو 2012 ب 137 ده يعتبر عرض كوّيس و لا زىّ قلته


عايزين الردود الحلوة بقى من أصحاب الكارينز الجميلة عشان ان شاء الله هانضملكوا قريبا

و هاجيلك اسكندرية نعد نشد بالتريلات ديه يا عم شهدى و نسترجع أيام الفيرنا و ماليش فييه

[aly_moh]

الحمد ل الله انا لسة جايب الكارينز 2012 اول فئة وكيل من عند سمير ريان ب 120750 جنية من حوالى 12 يوم

[shouk_1987]

رجالة الكارينز مختفيين فيين يا جدعان ؟

[shouk_1987]

ايه يا جدعان انتوا فين ؟؟
و فين رابطة مالكى الكارينز و مش الرابطة ؟؟

أنا زعلان يا رجالة

[محمد بدر]

رغم الأنتشار المدهش لكيا
المنتدى يفتقد الى اعضاء تواكب هذا الإنتشار الساحق

[Domestix007]

بصراحة أنا كنت عاوز أشتري كارينز وكيل بس للأسف معندوش غير 2012 و بيقولوا إنهم لسه ميعرفوش 13 هتنزل إمتى .. و شكلي هأضطر أخد الخليجي لإنها زيادة سنة و كمان أرخص و أنا مستعجل .. حد ينصحني بمعارض معينة في الخليجي؟

[shouk_1987]

الوكيل خلاص نزلت تقريبا و عند محمد زكى حجز و استلام بعد أسبوع

[karemof]

هي فعلا نزلت أنا سألت واحد من التوكيل عن الهاي لاين, قالي ال 2013 موجودة لونين بس البترولي و الأوف وايت, بالنسبة لألوان تانبة حتكون متوفرة خلال أسبوعين
المهم بقة أنها غليت ألف جنيه و في أوبشنز قلت , اللي قدرت أعرفه منه أن مفيش مرايات ضم, لكن معرفتش أيه أخبار باقي الأوبشنز

[Land_Cruiser]

النصيحه انتظر ٢٠١٣ من الوكيل و هى بدأت بالنزول زى ما الاخوه قالوا لحضرتك فعلا و هتبقى كسبان من الانتظار فى جميع الاحوال فلو عجبتك موديل 2013 هتبقى موديل السنه الجديده و لو ما عجبتكش هتقدر تشترى موديل 2012 بسعر ارخص لان فى موديل جديد نزل منها. الحاجه اللى انا مستغرب منها بجد ازاى موديل جديد يبقى كمالياته اقل من اللى قبله. هى الناس بتطلع لقدام و لا بترجع لورا

[Domestix007]

هي فعلا نزلت أنا سألت واحد من التوكيل عن الهاي لاين, قالي ال 2013 موجودة لونين بس البترولي و الأوف وايت, بالنسبة لألوان تانبة حتكون متوفرة خلال أسبوعين
المهم بقة أنها غليت ألف جنيه و في أوبشنز قلت , اللي قدرت أعرفه منه أن مفيش مرايات ضم, لكن معرفتش أيه أخبار باقي الأوبشنز

مفيش مرايات ضم و مفيش بلوتوث بس .. اللي فهمته هي إن البلوتوث كان بيعمل مشاكل مع السماعات فكان الشركة قدامها حل من إتنين يا تطلب ساوند سيستم أحسن يا تشيل البلوتوث و إختاروا الحل التاني عشان سعر العربية هيغلى لو ركبوا ساوند سيستم أحسن و بالنسبة للمرايات قالوا إن الناس بتشتكي منها كتير في الصيانة فشالوها عشان يوفروا على نفسهم غير كده مفيش أي حاجة أقل أو أزيد في الأوبشنز عن 2012

[Domestix007]

الهاي لاين 2013 بـ 141000 جم معرفش بصراحة أسعار باقي الفئات

[moha2223]

سوال
انا معايا 2012 هاى لاين وكيل مش فيها مرايات ضم اصلا
هو انا اضحك عليا ولا اية؟

[karemof]

سوال
انا معايا 2012 هاى لاين وكيل مش فيها مرايات ضم اصلا
هو انا اضحك عليا ولا اية؟

شوف حضرتك اللي أنا أعرفه أن موديلات 11 و 12 الهاي لاين فيها مرايات ضم، لكن امبارح وأنا بسأل عند محمد زكي واحد قالي أن الدفعات الأخيرة من 2012 كانت بتنزل من غير

[Domestix007]

شوف حضرتك اللي أنا أعرفه أن موديلات 11 و 12 الهاي لاين فيها مرايات ضم، لكن امبارح وأنا بسأل عند محمد زكي واحد قالي أن الدفعات الأخيرة من 2012 كانت بتنزل من غير

الكلام ده إتقاللي في الطارق برضو .. قاللي من نص موديلات 2012 شالو البلوتوث و المرايات الضم

[moha2223]

بس انا عندى بلوتوث