كيا ريو 2012 حادثة

[Noda123]

اواحد عارض عربيه كيا ريو 2012 عامله حادثه و محتاجة باب يمين وغطاء شنطة وسقف الشاسية سليم والقوايم سليمة والموتور سليم السيارة جميع الكماليات اوتوماتيك مثبت سرعة اللون اسود فرش بيج
تساوى كاام وتتكلف تصليح كااام وهل القطع المطلوبه موجوده

[الغزالى]

ولا تسوى اكتر من 20 الف جنيه وافتكر العريبه دى لسه مش موجود ليها حاجات فى الحرفيين ( بقالى فتره منزلتش ) ... يعنى لو هاتتصلح يبى فى التوكيل

[Noda123]

دى شكلها ممكن تباع تقطيع بقى يعنى مفيش امل انى اخدها واصلحها

[MaNoLa]

المشكلة أن عربيات الحوادث دى أسعارها بتبقى واقعة أوى و دا نظرا لمصاريف التصليح
و زى ماشوفت الغزالى بيقولك مش هتساوى أكتر من 20 ألف
و طبعا لو تاجر هيقولك رقم ممكن يصدمك و يخليك تتعقد فى حياتك

بص الأفضل بما أن قطع غيارها فى التوكيل بس و ممكن تبقى غاليه جدا
أنت حلك الوحيد أنك تجيب نصف أستيراد سواء كانت الحادثة أدام أو ورا حسب الأحتياجات يعنى
و تركب الحاجات إلى أنت عايزها و تخلى الباقى عندك

[Noda123]

المشكلة أن عربيات الحوادث دى أسعارها بتبقى واقعة أوى و دا نظرا لمصاريف التصليح
و زى ماشوفت الغزالى بيقولك مش هتساوى أكتر من 20 ألف
و طبعا لو تاجر هيقولك رقم ممكن يصدمك و يخليك تتعقد فى حياتك

بص الأفضل بما أن قطع غيارها فى التوكيل بس و ممكن تبقى غاليه جدا
أنت حلك الوحيد أنك تجيب نصف أستيراد سواء كانت الحادثة أدام أو ورا حسب الأحتياجات يعنى
و تركب الحاجات إلى أنت عايزها و تخلى الباقى عندك

نص ورانى للعربيه دى يكلف كاام وهل هترجع زى الاول واله لا وكمان عايزه سقف والشغل ده ممكن يكلف كاام

[Noda123]

خلى بالكم العربيه دى مش بتاعتى دى معروضه للبيع وانا بفكر اخدها

[MaNoLa]

نص ورانى للعربيه دى يكلف كاام وهل هترجع زى الاول واله لا وكمان عايزه سقف والشغل ده ممكن يكلف كاام

والله ماعارفة بس عمتا عايزة أقولك أن أسعار الأنصاص دة بيبقى رخيص جدا
يعنى الجيب شيروكى 1993 النصفين كاملين أخر سعر شوفتة قبل كدة كان 12 ألف جنيه يتهئ لى
بس ركـــــــز أوى فى النقطة دى
العربيه لازم يكون الشاسية بتاعها مظبوط جدا عشان أنت مش هتقطعها و تلحم النص كلة
أنت يا دوب هتشيل البايظ و تركب السليم
لأنك لو قطعت العربيه و لحمت النص إلى ناوى تشتريه أولا هتبقى جودة العربيه مش كويسة
ثانيا لو فكرت تبيع هتخسر أوى أوى أوى

خلى بالكم العربيه دى مش بتاعتى دى معروضه للبيع وانا بفكر اخدها

طلاما ناوى تاخدها يبقى على حسب تسعير الغزالى تتكلم فى حدود 16 عشان فى الفصال توصل لحد 18 أو 19 أو 20 كمان والله أعلم
و على فكرة متستغربش أن تلاقى واحد أشتراها بمبلغ أكبر لأن سيارات الحوادث تقديرها من غير كشف عن الخساير دة يعتبر شئ وهمى و بما أن الكشف أهم حاجة يبقى لازم يكون معاك سمكرى محترف جدا جدا جدا فى الكيا و يكون شغال فى قطع غيارهم النصفين المستوردين و يفضل أن يكون الراجل دة نفس الشخص إلى ناوى تجيب من عنده النص الخلفى بس طبعا لازم تصحصح معاة عشان التكلفة و تسئل برة على الأسعار من وراة لأنه ممكن يكون بيسمسر عليك

و ياما عربيات شكلها متدمر و بتتباع بأسعار عاليه لأنها فى الأخر هتتصلح بتمن بسيط
و ياما عربيات شكلها سليم شوية و بتتباع بأسعار واقعة عشان كل حاجة فيها متدمرة

[Noda123]

هسال بكره على سعرها ولو فى حد منكم يعرف حد عنده انصاص ريو يقولى وسالو على الاسعار لانى من المنصورة

[MaNoLa]

هسال بكره على سعرها ولو فى حد منكم يعرف حد عنده انصاص ريو يقولى وسالو على الاسعار لانى من المنصورة

أنا متابعة عشان عندى فضول و عايزة أعرف سعرها هيبقى عامل أزاى بعد الحادثة

[Karim Ibiza]

احصر الحاجات اللى عايزة تتغير وشوف تعمل كام سواء استعمال او جديد واخصمه من ثمن العربية قبل الحادثة, لو الدواخل سليمة يبقى فرصة حلوة, لكن لو هترش دواخل يبقى انت اللى هتخسر لما تيجى تبيع

[محمد بدر]

المعاينة عن طريق الصورة ووضع ارقام خطاء كبير جدا ولايجوز خاصتا للناس أصحاب الخبرة فهمين طبعا المقصود كويس جدا
لأن الوقوع فى الخطاء سهل جدا" وممكن يعمل بلبلة للناس علشان كده قبل مكلم فى أى رقم علشان أكون محايد وغير مجحف لازم تكون المعاينة على الطبيعة
لان الصورة تعطيك انطباع بانه لو فى سمكرى شاطر ممكن يستعدل السقف والموضوع كله انها تبقى محتاجة مثلا باب ورفرف وباب شنطة لاأكثر ولاأقل
وربنا يكفينا الشر الواحد شاف خبطات أكثر من كده وسمكرية شطرين ومن خارج التوكيل والله أكبر عليهم
وإظن ان ميت غمر والشرقية مشهورة بالناس الحريفة ديه
علشان كده يا جماعة محدش يستعجل ويسعر من غير معاينة على الطبيعة

[Noda123]

العربية كلمت صاحبها بعها ب ٤٠ الف جنيه

[2CODE]

العربية كلمت صاحبها بعها ب ٤٠ الف جنيه

طيب دا كسب لعلمك حلو قوي 40 الف على حالة الصوره

[Noda123]

طيب دا كسب لعلمك حلو قوي 40 الف على حالة الصوره

بس انا حاسس انها مش هتاخد لها تصليح وتغير ب 20 الف على بعضهم وتقف العربيه ب 60 حاجه حلوه يعنى دى تمنها جديد 124

[2CODE]

بس انا حاسس انها مش هتاخد لها تصليح وتغير ب 20 الف على بعضهم وتقف العربيه ب 60 حاجه حلوه يعنى دى تمنها جديد 124

ماهو احنا منعرفش كشف التغيرات كامل ايه دي الريو الجديده فيها حاجات كبيره غالية انا شوفت واحد عنده عربية خليجي ريو مش عارف كان هيغير حاجة على حسابه طبعاً بـ44 الف جنية وكان خارب الدنيا هناك ولكن هو بره الضمان سابوه يعمل اللي عايزه وانا مشيت بعدها معرفتش هل دفع ولا عمل ايه للعربية

من رأيي الخليجي ده بطيخه انت وحظك بعدها