السيراتو كانت هتتسرق

[islam_mohamed]

الحد لله رب العالمين قبل كل شيء
لولا فضل الله العربيه كانت هتتسرق زي اي عربيه سيراتو اتسرقت قبل كده
لا انذار يضرب و لا شباك يتكسر و لا اي حاجه
انا معايا سيراتو 2011 SX
نزلت الصبح رايح الشغل لاقيت الشباك مفتوح وجزء من غطا العربيه داخل جواه و مقفول عليه
كلمت التوكيل رد عليا المهندس المسئول عن كيا قالي لازم تجيبلي العربيه اشوفها بنفسي
رحط التوكيل استأبلني بنفسه و كان محترم جدا الصراحه
المهندس قالي ان الشباك عشان يتفتح و يتقفل لازم الكنتاك يوصل يعني تتفتح بمفتاحها و تدور بفتاحها
سألته طيب و الانذار مضربش ليه
قالي سيبني اكشف عليه و اشوف
و كانت المفاجئه

العربيه متعرف عليها 3 مفاتيح ريموت سنتر و هيه نازله باتنين بس يعني في حد دخل كميوتر العربيه و عمل اضافه لمفتاح جديد و المفتاح ده معا
المهم شال التعريف بتاع المفتاح التالت و قالي لازم تغير طبلة الباب و الكنتاك.
بس دلوقت المشكله مش في كده انا عمري موديت العربيه مكان بره التوكيل و محدش ركبها غيري كل ده اتعمل ازاي و فين و امتى ؟؟؟؟؟؟؟
هل ده ممكن يتعمل من غير ما الحرامي يدخل العربيه ؟؟؟
لو حد يعرف ياريت يفيدني عشان مفيش حاجه زي كده تحصل معايا او مع حد تاني
لاني اشك ان العربيات الي اتسرقت كانت بنفس الطريقه
على كل حال الحمد ربنا يسترها على كل الناس بس في حاجه غلط بتحصل و لازم نخلي بالنا و ربنا يرجع الامن و الامان لمصر

[hany63]

يبقى الحرامي من التوكيل

[moha4tec]

الكلام ده كبير جداااااااااااااااااااااااااااااااااااااااااااااااا ااااااااااااااااااااااااا
نصيحه بعد ما تغير المفاتيح و الاكواد تغطى كمان مكان رقم الشاسيه اللى فى البرابريز و اللى ورا مراية الكابينه .
و يا ريت تزكر انت اتعاملت مع اى مركز او اى فرع توكيل لو سمحت .
و ركب انزار بتاع التتبع بسرعه .
و هات قفل دركسيون
و اركن دايما فى جراج .
بس عموما التوكيل اكتشف انها ليها 3 مفاتيح ازاى بس ؟؟؟؟؟؟؟؟؟؟ مع انها اصلا مبتقبلش اكتر من مفتاحين فقط و دى معلومه قديمه ..............
يا ريت تقول اسامى فروع التوكيل اللى انت رحتها من اول ما اشتريت العربيه و هل هى زيرو و الا انت اشتريتها مستعمله من حد .
ادينا شويه معلومات .زى مثلا
هل انت كنت راكنها فى مكان مظلم او معلهوش اى نوع حراسه .زغفير او سايس .لان واضح ان فى حد حاول و ملحقش يجرى بيها .و كمان لازم تكتب ارقام الكيلومتر بعد كل مشوار فى ورقه و سبها فى درج العربيه و تراجع عليها .لان ممكن اللى كان بيعمل كده مثلا سايس و كان بياخدها يروح مشاوير او بيسهر بيها فى اى حته او حد عاوز يعمل بيها حاجه بعربيه مش بتاعته و نسى يقفل الازاز قبل ما ينزل و قفله بعد ما نزل .
و هل انت عندك وحدة رفع مع الانزار .و هل البلاستيك اللى تحت المساحات مكسور و الا سليم ....
و شيك على كابل البطاريه هل مقطوع و ملحوم من جزء و خصوصا من تحت .
و شيك على قفل الكبوت هل فى خربشه جمده عنده و الا لا .

[moha4tec]

يبقى الحرامي من التوكيل

لا مش شرط
بس احتمال
ممكن انه جاب رقم الشاسيه من العربيه و هى ركنه من الزجاج الخلفى الشمال او من زجاج البربريز او من ورا المرايه فى النصف .
و دخل على موقع على النت و جاب تشفير المفتاح و عمل نسخه ,
لحد كده و عادى جدا .
اللى مش عادى خالص .ان العربيه تقبل 3 مفاتيح مشفره اصلا ..........
لانها مبتقبلش غير 2 فقط لا غير .
يبقى ازاى العربيه قبلت 3
احتمالين و ممكن اكتر و الله اعلم
1- فى حد قدر يوصل كمبيروتر بالعربيه و يعمل هاك على السوفت وير بتاعها و يدخل 3 مفاتيح .
و ده ممكن اى حرامى محترف يعملها بس زى بتوع الافلام .يعنى مفيش حرامى عادى يعملها من بابه اصلا .فى جهاز كمبيوتر بيقرا اكواد العربيه من جنب باب السواق لاسلكى و بيفك الشفره .زى اللى فى فيلم سبايدر مان 2012 و كان بيفك فيها شفرة بى ام حديثه ............
2- حد من التوكيل عمل الموضوع ده فى الصيانه و عارف عنوانك من بيناتك فى التوكيل .
و نفذ الخطوات دى انه عمل مفتاح زياده و استنى بعدها بفتره و راح يسرق و ملحقش .
مبدايا انت لازم تعمل محضر و تهتم بيه .عشان اللى عمل كده عارفك كويس جدا و عارف العربيه و عارف تحركاتك كويس جدا .
لما تعمل محضر هيبعد عنك فتره و مش هيقدر يقرب منك الا لما الدنيا تهدى .و ممكن ميقربش منك تانى .
و لازم المحضر يمشى و ميتحفظش و تزكر فيه كل اللى حصل .عشان تدى البوليس معلومه مهمه زى دى
لان الحرامى غلط كذا غلطه .و لازم المره دى يتمسك .
طبعا دى من بركات رمضان .انه يغلط و هو بيسرق فى رمضان .
3- ان فى حد حاول يفتح الزجاج باى اله حاده و معرفش يفتح و الغطا اتحشر فى الزجاج .
و ان المهندس اللى فى التوكيل كان بيفتى عليك و هو حمار و مش فاهم حاجه .عشان تغير التكويد و غيره على حسابك و تدفع زى الباشا .
و الله اعلم .

[aatif]

الحمد لله -- عاوز رأيى انت لازم تطلع حاجه لله وتركن فى جراج

[moha4tec]

الحمد لله -- عاوز رأيى انت لازم تطلع حاجه لله وتركن فى جراج

+1111111111117

[islam_mohamed]

الكلام ده كبير جداااااااااااااااااااااااااااااااااااااااااااااااا ااااااااااااااااااااااااا
نصيحه بعد ما تغير المفاتيح و الاكواد تغطى كمان مكان رقم الشاسيه اللى فى البرابريز و اللى ورا مراية الكابينه .
و يا ريت تزكر انت اتعاملت مع اى مركز او اى فرع توكيل لو سمحت .
و ركب انزار بتاع التتبع بسرعه .
و هات قفل دركسيون
و اركن دايما فى جراج .
بس عموما التوكيل اكتشف انها ليها 3 مفاتيح ازاى بس ؟؟؟؟؟؟؟؟؟؟ مع انها اصلا مبتقبلش اكتر من مفتاحين فقط و دى معلومه قديمه ..............
يا ريت تقول اسامى فروع التوكيل اللى انت رحتها من اول ما اشتريت العربيه و هل هى زيرو و الا انت اشتريتها مستعمله من حد .
ادينا شويه معلومات .زى مثلا
هل انت كنت راكنها فى مكان مظلم او معلهوش اى نوع حراسه .زغفير او سايس .لان واضح ان فى حد حاول و ملحقش يجرى بيها .و كمان لازم تكتب ارقام الكيلومتر بعد كل مشوار فى ورقه و سبها فى درج العربيه و تراجع عليها .لان ممكن اللى كان بيعمل كده مثلا سايس و كان بياخدها يروح مشاوير او بيسهر بيها فى اى حته او حد عاوز يعمل بيها حاجه بعربيه مش بتاعته و نسى يقفل الازاز قبل ما ينزل و قفله بعد ما نزل .
و هل انت عندك وحدة رفع مع الانزار .و هل البلاستيك اللى تحت المساحات مكسور و الا سليم ....
و شيك على كابل البطاريه هل مقطوع و ملحوم من جزء و خصوصا من تحت .
و شيك على قفل الكبوت هل فى خربشه جمده عنده و الا لا .

العربيه مركونه تحت باب البيت
معنديش سايس و لا بواب و لا حد ليه علاقه بالعربيه غيري
معنديش وحدة رفع
انا مبصطش على الحاجات دي لاني لاقيت الانذار شغال و مفيهوش اي مشكله
لاكن هحاول اشوفها
و انا فعلا مركب كلابش و يمكن هو ده بفضل الله الي عطله

[islam_mohamed]

لا مش شرط
بس احتمال
ممكن انه جاب رقم الشاسيه من العربيه و هى ركنه من الزجاج الخلفى الشمال او من زجاج البربريز او من ورا المرايه فى النصف .
و دخل على موقع على النت و جاب تشفير المفتاح و عمل نسخه ,
لحد كده و عادى جدا .
اللى مش عادى خالص .ان العربيه تقبل 3 مفاتيح مشفره اصلا ..........
لانها مبتقبلش غير 2 فقط لا غير .
يبقى ازاى العربيه قبلت 3
احتمالين و ممكن اكتر و الله اعلم
1- فى حد قدر يوصل كمبيروتر بالعربيه و يعمل هاك على السوفت وير بتاعها و يدخل 3 مفاتيح .
و ده ممكن اى حرامى محترف يعملها بس زى بتوع الافلام .يعنى مفيش حرامى عادى يعملها من بابه اصلا .فى جهاز كمبيوتر بيقرا اكواد العربيه من جنب باب السواق لاسلكى و بيفك الشفره .زى اللى فى فيلم سبايدر مان 2012 و كان بيفك فيها شفرة بى ام حديثه ............
2- حد من التوكيل عمل الموضوع ده فى الصيانه و عارف عنوانك من بيناتك فى التوكيل .
و نفذ الخطوات دى انه عمل مفتاح زياده و استنى بعدها بفتره و راح يسرق و ملحقش .
مبدايا انت لازم تعمل محضر و تهتم بيه .عشان اللى عمل كده عارفك كويس جدا و عارف العربيه و عارف تحركاتك كويس جدا .
لما تعمل محضر هيبعد عنك فتره و مش هيقدر يقرب منك الا لما الدنيا تهدى .و ممكن ميقربش منك تانى .
و لازم المحضر يمشى و ميتحفظش و تزكر فيه كل اللى حصل .عشان تدى البوليس معلومه مهمه زى دى
لان الحرامى غلط كذا غلطه .و لازم المره دى يتمسك .
طبعا دى من بركات رمضان .انه يغلط و هو بيسرق فى رمضان .
3- ان فى حد حاول يفتح الزجاج باى اله حاده و معرفش يفتح و الغطا اتحشر فى الزجاج .
و ان المهندس اللى فى التوكيل كان بيفتى عليك و هو حمار و مش فاهم حاجه .عشان تغير التكويد و غيره على حسابك و تدفع زى الباشا .
و الله اعلم .

العربيه ممكن تقبل اربع مفاتيح بس بتنزل باتنين بس
و انا شفت بنفسي ان السوفتوير بتاع العربيه عليه 3 مفاتيح فعلا
و الغطا متحشرش ده الشباك مقفول عليه فعلا
و هعمل ايه بالمحضر و هقولهم ايه كانت هتتسرق و ربنا ستر هيقولي احمد ربنا

[SAMEH_FOUAD]

ربنا سترها الحمد لله , وفعلا لازم تتطلع حاجة لله

وياريت ياباشا طالما مافيش عندك حراسة يبقى تدفعلها فلوس فى الجراج احسن وبردة ماتديش لحد المفتاح

[moha4tec]

هتعمل محضر كامل
و هتقول فيه اللى حصل و ان التوكيل وجد ان فى 3 مفاتيح متعرفه على العربيه .
و هما هيعملوا الازم باذن الله .لان دى غلطة حرامى و مش لازم نفوتها خالص .
و هما عارفين هيتصرفوا ازاى .يعنى على الاقل هتكون اديت للشرطه معلومه جديده تقربهم من الحراميه دول .
و ربنا يسترها
و انت لازم تركن فى جراج
على فكره انا من اسبوعين نزلت لقيت العربيه مفتوحه .يعنى السنتر مش مقفول .و انا كنت نازل بالصدفه يعنى وقت متاخر و كنت حاطط كلبش بردوا .
بس مجاش فى بالى ان العربيه ممكن تكون اتفتحت .اللى جه فى بالى ان ممكن اكون انا نسيت اقفل الانزار .
بس بردو هو بيقفل لوحده بعدها فى خلال دقيقه .و الله اعلم

[akmm]

حاجه غريبه ولكن الحمد لله اتسترت

[tarek_2005]

ربنا سترها معاك
بس لازم تدور علي طريقة تامين من اختراعك لا يعلمها الا انت حتي تحمي سيارتك وسيلة مثلاً لفصل طرمبة البنزين او فصل الكنترول او او او او او

[islam_mohamed]

ربنا سترها معاك
بس لازم تدور علي طريقة تامين من اختراعك لا يعلمها الا انت حتي تحمي سيارتك وسيلة مثلاً لفصل طرمبة البنزين او فصل الكنترول او او او او او

المشكله في ان ده اتعمل ازاي لانه ممكن السيراتو الي كانت بتتسرق اتسرقت كده

[S O P H O S]

الحمد الله ان ربنا ستر
بصراحة بقت حاجة كتير اوي عالناس
كل شوية سرقة ..

[yasserelsayad]

طيب واللى تعب نفسه وكود مفتاح ثالث وجيه ودور العربية وفتح الشباك .. مخدش العربية ليه ولا كان بتعلم فى عربيتك مثلا