الحقونى يا رجالة كيا ...

[tarek_rcc]

السلام عليكم ورحمة الله وبركاته ...
بأختصار... امبارح كنت باجيب هدوم العيد للبنات ( كل عام وأنتم بخير ) وانا راجع بالليل ماشفتش فية مفارق عجيبة بوسط الشارع (الشارع يتفرع لاتنين) (وبدون دهان البردورة ولا علامة تحذيرية ) وكنت على سرعة 25كم/س تقريبا "...
المهم دخلت فى البردورة من جهة اليمين والسيارة طلعت فوق البردورة من العجلة اليمين فقط وبعد ما نزلتها وجيت امشى لاقيت الاتى:
الفردة اليمين فتحت للخارج بحوالى 25 درجة (فى اتجاة عقارب الساعة )...
وقف لى بعض الشباب (الله يجزاهم خير ) وفضلوا يطلعوا ويرجعوا بالسيارة ويمسك فرامل فجاءة مع لف الدريكسيون بسرعة ...
المهم اتعدلت الفردة شوية وبقت فاتحة 15 درجة تقريبا" وومشيت بيها لغاية البيت وهى بتطلع صوت زى ما يكون ماسك فرامل ( الفردة بتزحف ) ...
النهاردة الجمعة ومافيش حد فاتح اتصلت بعفشجى ... جالى عند البيت وبصراحة كدة ما شفش اى حاجة وقال للصبى اللى معاة روح هاتلى مقص وبيضة الدركسيون ... قولت له يا اخى انت لية ما بصتش على المقص ...قالى انا عارف ان دى عربيات ورق ولازم تتغير ...حاول اتناقش معاة قالى انه مش فاضى ومشى ....
اية رايكم يا وحوش هل ما قاله العفشجى دة مضبوط وفعلا اى خبطة بالكاوتش لابد من تغيير المقص والبيضة ؟؟؟ وازاى اعرف هل المقص سليم ولا لا ؟؟؟
وكيف اعرف ان المقص والبيضة اصليان ؟؟؟؟
معلش عشان انا خبرتى قليلة بالموضوع دة يا وحوش
وربنا يجزاكم خير ...ومشكورين مقدما"

[ahmedsrs]

كلام العفشجى سليم غالبا خبطات البلدورات بتيجى فى المقص وبتعوجه وومكن تحس ان العربية ماشية بالجنب والدركسيون معووج غير المقص وكشف على بيضة الطرف ممكن تكون سليمة ومتتغيرش

[tarek_rcc]

شكرا يا استاذ / أحمد .... بس المشكله ان العفشجى حتى ما بصش على اى حاجة ...
قال غير ومشى بدون اى فحص للمقص ولا البيضة ...
وبأنتظار اراء باقى الزملاء الافاضل

[yasserelsayad]

هو في حاجة اسمها مش فاضى .. وديها عند حد كويس يشوف العربية محتاجة ايه بالظبط وانزل انت اشترى الحاجة بنفسك وان شاء الله بسيطة ..

[assaf]

هو في حاجة اسمها مش فاضى .. وديها عند حد كويس يشوف العربية محتاجة ايه بالظبط وانزل انت اشترى الحاجة بنفسك وان شاء الله بسيطة ..

+111111111
ومتخليش الصنايعي يحس انك مش فاهم

[tarek_rcc]

+111111111
ومتخليش الصنايعي يحس انك مش فاهم

طيب ازاى اعرف ؟؟؟؟ بمعنى لما يقولى ان المقص والبيضة عايزين يتغيروا ... اعرف ازاى انه مش بيشتغلنى وعايز يعمل شغل على ...؟
حد يفيدنى بالموضوع دة .... وكمان خبطة الكاوتش بالبردورة على سرعة بسيطة تغير المقص والبيضة ولا اية ؟؟ ومشكورين لردودكم

[tarek_rcc]

هو في حاجة اسمها مش فاضى .. وديها عند حد كويس يشوف العربية محتاجة ايه بالظبط وانزل انت اشترى الحاجة بنفسك وان شاء الله بسيطة ..

هو قالى كدة لان دة كان قبل الفطار ب نص ساعة ...وكان عندى قدام البيت ...
بكرة باذن الله هاشوف حد تانى ... بس السؤال اعمل اية عشان ما حدش يشتغلنى يا ياسر ..
اعمل اية مع الصنايعى يعنى ....
ملحوظة : العفشجى ما حلش المقص ولا عمل اى حاجة ....
هو مجرد ما عرف اننى خبطت بالبردورة قال للصبى اللى معاة روح هات مقص وبيضة وركبهم للبية وتخلصم قبل المغرب .... فلما حاولت اقولة دة انت حتى ما بصتش علي اى حاجة ( تكشف عليها ) قالى دى عربيات ورق وانا عارفها ...

[khalid_adel]

بص هو فعلا مادام العجل فتح كده فيبقي المقص اتعوج
وفي الغالب محتاج يتغير
بس انت في كل الاحوال روح لواحد عنده بياره ويكون عفشجي محترم معروف عندك وانزل بص على العربيه بنفسك وحتشوف الفرق بعنيك
تروح تشتري مقص وهو يركبه وتظبط زوايا وشكرا وخير ان شاء الله

[temo85]

غالبا المقص اتكسر او اتلوح فعلا بص عند عفشجى كويس و غلط تمشى بيها كده كتير

[moha4tec]

ممكن تكون عوزه زرجينه فقط
و لكن المقص لو اتعوج ممكن يحتاج يتغير
و الله اعلم
و ممكن الافضل تخلى حد تانى يبصلك عليها

[ahmedsrs]

ارفع العربية بالكوريك وبص على المقص لو الحكة او الخبطة فيه يبقى المقص وعلى فكرة لو العوجة او التجميعة فى المقص لا تظهر بالنظر

[tarek_rcc]

اولا : جزيل الشكر لكل الأخوة الزملاء على ردودهم ....
ahmedsrs وyasserelsayad و assaf khalid_adel وtemo85 و moha4tec ...
انا بالفعل اشتريت مفص يمين جديد ب 320 جنية وبيضة دركسيون ( يمين وشمال) مارضيش يدينى يمين بس قال لازم الاتنين ب 150 جنية ومصنعية 50 جنية والحمد لله تمام ....وبعد العصر بأذن الله هاروح اضبط زوايا ....
ملحوظة : فعلا المقص ضعيف جدا عشان يتنى من خبطة على سرعة بطيئة كدة

[temo85]

كل العربيات الجديدة ضعيفة

[tarek_rcc]

انا رحت اضبط الزوايا وانا ماشى سمعت صوت ( تزييق ) اول مرة اسمعة بالسيارة تقريبا من المساعد الخلفى اليمين وخصوصا لما اجى انزل اواركب السيارة باسمع الصوت دة ... رحت دلوقتى للعفشجى قالى دة رمل دخل فى جلد المساعد .... اغسل السيارة كويس وهات لى w4 وتعالى ...
يا ترى اية ال w4 دة يا جماعة لو حد يعرفة واية فايدته ؟؟؟ ....
طبعا انا ماسالتش العفشجى زى ما الزملاء قالو لى ما تحسسش الصنايعى انك مش عارف ...

[ahmedsrs]

هو ده المقصود
http://www.wd40.com/