مسافر لمدة و عايز اركن السيراتو

[Silvermask]

انا مسافر قريبا جدا و عايز اركن السيراتو بس مش عارف لو فيه حاجات معينة اعملها للتخزين

انا هاحطها في جراج نسيبي علشان يبص عليها كل كام يوم بس مش هاسيب مفتاحها اصله شاب و هايقضيها بيها انا عارفه

هل ارفع العربية ؟؟ اشيل البطارية ؟؟ اغطيها و لا لا ؟ و لو اه فين اجيب غطاء للسيراتو و بكام تقريبا ؟

و لو في اي حد عنده ملحوظة يا ريت مايبخلش علينا

منتظر الافادة

[Land_Cruiser]

حسب المده اللى حضرتك هتسافرها. يعنى لو شهر مثلا الموضوع مش مستاهل تعمل اى حاجه غير مثلا انك تغطيها اما لو هتغيب فتره طويله ممكن تشيل البطاريه و ترفع العربيه علشان الكاوتش ما يبوظش و تغطيها طبعا و هات الغطاء التقيل اللى بيبقى مبطن من الداخل و لو هتركنها فى جراج بتاع عربيه واحده يبقى احسن اما لو كان جراج كبير يبقى اركنها فى حته ضل و فى اخر الجراج علشان محدش يقرب منها و لا يخبط فيها

[fineart607]

انا كنت لسه مسافر ايطاليا وركنت سيراتو لمدة شهر كامل وبسم الله ما شاء الله دارت زى الفل ربنا يحفظها بدون ما اعمل اى شىء

[Silvermask]

حسب المده اللى حضرتك هتسافرها. يعنى لو شهر مثلا الموضوع مش مستاهل تعمل اى حاجه غير مثلا انك تغطيها اما لو هتغيب فتره طويله ممكن تشيل البطاريه و ترفع العربيه علشان الكاوتش ما يبوظش و تغطيها طبعا و هات الغطاء التقيل اللى بيبقى مبطن من الداخل و لو هتركنها فى جراج بتاع عربيه واحده يبقى احسن اما لو كان جراج كبير يبقى اركنها فى حته ضل و فى اخر الجراج علشان محدش يقرب منها و لا يخبط فيها

و الغطاء زي ده ممكن تجيبه منين ؟؟
و بكام ؟

أنا تقريبا هسافر فترة طويلة بس هانزل كل 4 شهور اسبوع و أسافر
فمش عارف موضوع ارفعها ديه شغلانه كل نزوله انزلها و ارفعها ؟؟

كده كده الكاوتش في اخر عمره

[salodas]

مش خبير بس أعتقد 4 أشهر كتير عليها .....
وعملية الرفع مش كارثة ... محتاج كوريك وشوية طوب أو 4 حجارة زى بعض وترفع العربيه عليهم فى الجراج ....
وطبعا غطيها كويس
شيل كابل البطارية