إستفسار عن الريو ضرورى جدا

[tarekzein]

كل سنه واحضراتكم طيبين

صديق عزيز جدا عليا عايز يشترى كيا ريو 2012

بس عايز يعرف تجربتكم عن العربيه

وكمان أسعار قطع الغيار الإستهلاكيه

والصيانه أخبارها أيه فى التوكيل

وجزاكم الله خيرا مقدما

[AMRTOTI]

بص يا باشا العربية ماشاء الله جميلة ومحترمة بس هى لما التكييف بيشتغل بتتقل شوية
غير كدة كله تمام لو هيجيب جنط 17 هتبقى ناشفة شوية انما ال 15 كويس جدا ناعم
انصحك بالخليجى مش المصرى خامات ومواصفات افضل
بالنسبة للصيانة والله انا معملتش غير صيانة ال 1000 كم وكانت مجانية
والناس محترمين جدا بصراحة
انا معايا خليجى وشارى ضمان من شركة اسمها ميدل ايست وناس كويسة جدا
بالنسبة لقطع الغيار لسة الحمد لله محتجتشاغير حاجة بس اعتقد ان الحجات بتاعها بشكل كبير موجودة فى التوكيل وبعدين ريو محققة اعلى مبيعات لشركة كيا السنادى فاكيد شوية وهتلاقى قطع الغيار فى كل حته لسة بس العربية نازلة


وربنا يوفق صاحبك للخير ولو فى اى حاجة انا تحت امرك

[tarekzein]

تسلم ياباشا

طب إشتريت الضمان بكام

[MohammedAladel]

شكلها جميل الصراحة

[AMRTOTI]

بص يا باشا الضمان السنة ب 1100 لو سنتين 1600 لو 3 سنوات 2500 دى شركة ميدل ايست وتقريبا ده سعر معظم الشركات زى aaa

[Donzi]

لسة شايفة رسالة حضرتك بخوص الاستفسار عن الريو

كان نفسي افيدك بس انا معايا ريو 2011 الشكل القديم مش الجديد

[MohammedAladel]

كان فيه عضو هنا معاه العربية وبيحذر من مشاكل العفشة وتزييق مستمر وكمان بيحذر من شراء العربية لأن ال توكيل منفضله وعامل عبيط

[tarekzein]

شكرا لذوقكم

هوه قرر يأجل الشراء شويه

[temo85]

كان فيه عضو هنا معاه العربية وبيحذر من مشاكل العفشة وتزييق مستمر وكمان بيحذر من شراء العربية لأن ال توكيل منفضله وعامل عبيط

المشاكل دى فى اول فرز نزل من العربية بالإضافه لمشكلة استهلاك البنزين العالى و لكن فى اللى نزل بعد كده الشركة تداركت الأمر و ظبطوا الدنيا