مشكلة في الكيا سيفيا ارجوا المساعدة ضروري

[mshmshm3]

العربية بتاعت واحد صاحبي هي كيا سيفيا موديل 2001
البداية كانت العربية بتبطل لوحدها و الار بي ام مش مظبوط راح نضف الرشاشات و غير بوجيهات و سلك البوجيهات فضلت نفس المشكلة و فجاة جابت جوان وش سلندر ودها لميكانيكي عمل عمرة و نفس المشكلة قالو دي مشكلة كهرباء غير المباين و محصلش اي تغيير بعدها جابت وش سلندر تاني وداها لميكانيكي تاني و غير الموتور بواحد استيراد لاقاها بتسخن قاله الرادياتير مسدود عايز يتسلك سلكه و مبقتش تسخن بس لسة بتبطل و هي واقفة و لما يزود بنزين الشمكان يفرقع
كدة ممكن يكون العيب فين صاحبي دفع كتير اوي عليها قولتله انا هسأل وحوش الكيا هما اللي هيقولو المفيد

[exact]

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

[mshmshm3]

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

قصدك الكنترول بايظ ولا في مشكلة و ممكن تتحل ؟
كمبيوتر العربية ما اتغيرش مع الموتور لا

[the9ranger]

شوف الايدل كنترول والحساس بتاعو كمان شيك عليهم وبعد كده شوف الكنترول ممكن يكون فى مشكله انا عارف واحد بيصلحو لو فى مشكله انا تحت امرك بس شيك الاول على الايدل وحساسه علشان تبقى خفيفه عليك شويه فى الاول وهوه ان شاء الله المشكله مش هتخرج عن الاثنين دول

[the9ranger]

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

مش لازم على فكره يغير الكنترول مع الموتور

[mshmshm3]

شوف الايدل كنترول والحساس بتاعو كمان شيك عليهم وبعد كده شوف الكنترول ممكن يكون فى مشكله انا عارف واحد بيصلحو لو فى مشكله انا تحت امرك بس شيك الاول على الايدل وحساسه علشان تبقى خفيفه عليك شويه فى الاول وهوه ان شاء الله المشكله مش هتخرج عن الاثنين دول

متشكر ليك جدا طيب هاخليه يكشف عليهم ولو طلع فيهم حاجة بعد اذنك ممكن تقولي يتصلحو فين

[shady4800]

بص ياباشا كل الاعراض الى بتتكلم عليها دى احتمال كبير ان يكون قى صمام عندك اسمه egr مسدود وعايز يتنظف هتلاقيه تحت حساس الايدل بيتفك عادى هتلاقى الفيشة بتاعته 5 اطراف وان شاء الله ترجع العربية احسن

[mshmshm3]

بص ياباشا كل الاعراض الى بتتكلم عليها دى احتمال كبير ان يكون قى صمام عندك اسمه egr مسدود وعايز يتنظف هتلاقيه تحت حساس الايدل بيتفك عادى هتلاقى الفيشة بتاعته 5 اطراف وان شاء الله ترجع العربية احسن

تمام اخليه يجربها
بيتنضف بمنظف الحساسات العادي ولا wd-40 ؟

[shady4800]

عادى لو اتنظف ب wd40 وان شاء الله تتظبت

[mowafy]

جرب يا باشا تبص على فلتر البنزين و ضغط الطلمبة

[mshmshm3]

جرب يا باشا تبص على فلتر البنزين و ضغط الطلمبة

صح بردو هاخليه يبص عليهم

احنا هنعمل اي حاجة غير تغيير الكنترول او الحساسات علشان كدة كتير

[sharooo]

السلام عليكم
بخصوص جوان وش السليندر ..انا كنت عامل موضوع بيعالج المشكله ده
http://...........com/vb/showthread.php?t=69266
بخصوص البرجله..
لو بتبرجل وتبطل على طول حتى وهي بارده يبقى حساس الثروتيل TPS,اوحساس الايدل
لو بتبطل بعد ما بتسخن يبقى طلمبه يا معلم
والفرقعه الي بتحصل ده مش من الشكمان ..ده بتكون في المنافولد بتاع الهوا وبتكون نتيجه طبيعيه لبرجله المتور

وفيه احتمال سخيف شويه...لو صاحبك غير سير الكتينه ممكن يكون الميكانيني (سرح) وهو بيركبه و(اخخر) تقسيمه العربيه وده برضه يعمل المشاكل الي انت بتوصفها
في الاخر كلها حجات بسيطه انشاءالله.هي بس تلاقيها واخده عين وللا حاجه

[sharooo]

الموضوع في منتدى مصر موتورز بس هو متشفر هنا تقريبا..انا نقلتهولك اهو
لسلام عليكم
ناس قالتلي قبل كده ان السيفيا فيها عيب انها بتجيب جوان وش سلندر وان وش السلندر بتاعها ضعيف
عرفت مؤخرا اساس الموضوع ايه
وانا ماشي بالعربيه فجأه لقيت الحراره عليت وركنت والحمد لله جت سليمه بس اخدت بالي ان المروحه مش شغاله وقعدت اشوف مش شغاله ليه معرفتش لان الفيوزات والكتاوت وكله سليم...المهم لقيتها اشتغلت لوحدها!!!! قلت خير تلاقيها مكنتش شغاله عشان حساس الحراره مكنش حاسس عشان كان فيه بخار وكده
المهم اتكرر الموضوع تاني بعديها بشهرين وربنا ستر برضه بس المره ده مرضيتش تشتغل ابدا
فشغلت التكييف عشان اعكز على المروحه التانيه لغايه لما اروح واتصلت بجمال مهران وقالي على العيب في التليفون وهو مايلي:
ان علبه الفيوزات بتاعه السيفيا والشوما بتهرب كهربا من عند فيوز المروحه وبتحتاج تتفك وتتلحم من جوه بقصدير بطريقه معينه ...وصلحهالي الحمد لله ومخدتش وقتز
وعشان كده اغلب الناس مش بتاخد بالها ان العربيه سخنت وجوان السلندر بيتلف منهم....والعيب مش بيكون كما ظهر للناس
ارجو تكونو استفدتو يا جماعه وربنا يسترها علينا كلنا.....امين