أفيدوني من فضلكم في عربية سيراتو 2012 خليجي....

[Abo-Islam]

أولا كل عام جميعا و أنتم بخير بمناسبة عيد الفطر المبارك أعاده الله علينا و عليكم بكل خير و يمن و بركه.

ثانيا: عربية سيراتو 2012 خليجي بالمواصفات دي تبقى أنهي فئه بالضبط و بيبقى مكتوب فين الكلام ده.

المواصفات هي:

سعة المحرك 1600 سي سي
ناقل الحركة ستيبترونيك
عدد النقلات 6
وسائد هوائية للسائق يوجد
وسائد هوائية للراكب الأمامي يوجد
كراسي كهرباء لا يوجد
نظام فرامل abs يوجد
جنوط رياضية لا يوجد
مقاس الجنط (جنط عادي - طاسات) 15
فوانيس ضباب أمامية يوجد
مرايات كهربائية يوجد
طي المرايات كهربائيا لا يوجد
مرايات حساسة للضوء لا يوجد
إشارات بالمرايا لا يوجد
زينون لا يوجد
مصابيح أمامية حساسة للإضائه يوجد
تحكم بالمصابيح الأمامية لا يوجد
النظام الصوتي يوجد
سي دي يوجد
مدخل aux يوجد
مدخل usb يوجد
بلوتوث يوجد
مساند رأس أمامية و خلفية يوجد
زجاج كهرباء أمامي و خلفي يوجد
التحكم بالزجاج بلمسة واحدة لإنزال زجاج السائق فقط
سنتر لوك يوجد
وحدات رفع لا يوجد
تحكم في إرتفاع الكراسي لا يوجد
مفتاح بصمة لا يوجد
فتحة سقف كهرباء يوجد
كاميرا لا يوجد
طارة مالتي لا يوجد
مثبت سرعة لا يوجد
إنذار لا يوجد
حامل أكواب أمامي فقط
مساند يد أمامي و خلفي لا يوجد

ياريت حد يفيدني لأنها معروض على واحد صاحبي و صاحبها طالب فيها 105000 جنيه و عاملة 24500 كيلو في العداد و باقي في الضمان 10 شهور

[temo85]

أظن 100 كويس اوى عليها , وبعدين ضمان ايه وهيا خليجى ؟؟!!

[Abo-Islam]

هو مشتري لها ضمان لمدة سنتين و لسه غامل لها صيانة 20000 في التوكيل، بس برضه معرفناش هي أنهي فئه؟؟؟

[ghazy12]

المفروض ان دي الفئة المماثلة لفئة الـ ex في المواصفات المصري يا فندم...

[m2nmsn]

غاليه اوي

[temo85]

الخليجى مفهوش فئات أصلا الوكيل بس هو اللى بيكون فئات يعنى lx , ex , sx

[ابو ليلى]

الخليجى مش فيه فئات ده كولكشن وانت بتختار وشكلها خليجى اردنى وشاكك انه كان فيه جنوط
الغريبة ان فيها بلوتوث والدركسيون مش مالتى
مواصفات غريبة جدا الصراحة بس هقول ايه هو الخليجى كده
السعر طبعا مبالغ فيه تقريبا شريها 110 يعنى اخرها فى حدود 95 الف
ضمان السنة خليجى ب 800ج

[Abo-Islam]

الخليجى مش فيه فئات ده كولكشن وانت بتختار وشكلها خليجى اردنى وشاكك انه كان فيه جنوط
الغريبة ان فيها بلوتوث والدركسيون مش مالتى
مواصفات غريبة جدا الصراحة بس هقول ايه هو الخليجى كده
السعر طبعا مبالغ فيه تقريبا شريها 110 يعنى اخرها فى حدود 95 الف
ضمان السنة خليجى ب 800ج

معلهش أنا كتبتها غلط هي فعلا طارة مالتي، المهم أنا عاوز أعرف أتاكد منين إنها أردني و لا خليجي و أنهي الأحسن و سعرها جديدة كام و إيه هي أسعار كل كوليكشن........... معلهش تقلت عليكم بأسئلتي بس عاوز أفيد الراجل إفاده صح

[ابو ليلى]

معلهش أنا كتبتها غلط هي فعلا طارة مالتي، المهم أنا عاوز أعرف أتاكد منين إنها أردني و لا خليجي و أنهي الأحسن و سعرها جديدة كام و إيه هي أسعار كل كوليكشن........... معلهش تقلت عليكم بأسئلتي بس عاوز أفيد الراجل إفاده صح

صاحبها بيقول خليجى ايه ؟
وتكيف بكر ولا تاتش ؟
سهل نعرف من خلال ال vin بس مش هى دى المشكلة دلوقتى
سعرها جديد فى حدود 107 او 108 الاردنى او الشرق اوسط
والاحسن طبعا السعودى امارتى قطرى من الاخر تكون مجلس التعاون الخليجى
الخليجى ملوش سعر محدد على حسب الكماليات بيتحدد السعر
الافادة النهائية من وجه نظرى السعر عالى لو عرف يخلص ما بين 95 : 98 الف
تعتبر كويسة متنساش العربية ماشية 25000 الف كيلو مش قليل يعنى