موئشر البنزين معلق عند f

[maruti]

اخر يوم رمضان قولت افول علشان ميكونش في زحمة في العيد او يحصل ازمة
العدااد كان فوق النص بشرطة او 2 حطيت 10 ليتر وانا عارف انها هتكون على الشرطة الاخيرة
بعد ما مشيت ببص لقيت المئشر مكانة متحركش
رحت فولت علشان اجيب الاخر حطيت 3 ليتر وكانت بترتطش
لما ضورت العربية المئشر لقيتة بيعلى ببطء شديد مع انة في العادي اول ما بضور العربية بيعلى على طول
من ساعتها وهوا على الفول والكمبيوتر بس هوا اللي شغال اللي بيحسب البنزين يمشيني كاام كيلو
وعماال احرق واعمل كيك دون كتير علشان اشوف المئشر بينزل حتى لو شرطة مفيش اي استجابة ومتشعلق عند حرف f مش بينزل
العربية بيكانتو 2012 عمل 6000 كم
وللعلم انا ركبت زينون من اسبوع
ممكن يعمل حاجة ؟؟

[mazagngi2010]

يابختك حد طايل
فضل ونعمه

[temo85]

العوامة...بسيطة انشاء الله كان فى موضوع مشابه بس فى سيراتو و طلعت العوامة

[ابو ليلى]

العوامة...بسيطة إن شاء الله كان فى موضوع مشابه بس فى سيراتو و طلعت العوامة

تمام الكلام عليك وعلى التوكيل طيب عقبال ما المشكلة تتحل ابقى حط
بنزين كل 3 ايام يعنى 5 لتر او 10 على حسب المسافة اللى بتمشى بيها علشان
البنزين ميفضيش منك .

[salodas]

حصل معايا الموضوع بس كان العكس ان المؤشر مش بيعلى لم اأفول ... الشباب أفادونى انها العوامة وفعلا بعد يومين ظبط المؤشر لوحدة .... ولكن النصيحة كانت دايما بطل العربية قبل ماتمون علشان العوامه مش تبوظ.....وربنا يكرمك

[محمد بدر]

أصبر شوية العوامة هتنزل وده بيكون شئ طبيعى فى حالة التفويل على الآخر - يعنى متستعجلش خالص واسمع كلامى
خاصتا إستهلاك البيكانتو فى البنزين قليل ما شاء الله

[Ahmed_Adham]

خلص نص التنك (امشي 150-200 كيلو كده) وبعدين روح حط فيها 10 لتر وشوف ايه الحوار. لو متظبطتش أعتقد التوكيل يغيرلك العوامه في الضمان بما ان العربيه لسه مش ماشيه كتير.

بالمناسبه انت ركبت زينون في التوكيل ولا بره؟ ولو بره هل عندك معلومه ان كان يطلع العربيه من الضمان ولا لاء؟