استفسار عن الزينون مع السيراتو ....

[kofta]

اولا : كل سنة و انتم طيبين

ثانياً : انا كنت عايز اعرف لو انا ركبت زينون فى السيراتو هل هيبقى فيه مشاكل ؟؟ و لا هيبقى تمام ؟؟

و انا بسأل على الزينون ده واحد قالى السى دي هيعلق و كل ما تفتح النور او تقفله السى دي هيعمل ريستارت كل شوية ..

فالكلام ده صح ولا ايه ؟؟؟

[kofta]

ارجو الافاااادة يا اهل الخبررررة

[temo85]

متابع

[moha4tec]

ايوه صح عندى عمل كده
و باذن الله بحاول احل المشكله لما الاقى حل هكتبه باذن الله قريب جدا

[kofta]

طب لو غيرنا البطارية بواحدة امبير اعلى شوية هينفع الموضوع ده ولا ايه المشكلة ؟؟؟

[moha4tec]

طب لو غيرنا البطارية بواحدة امبير اعلى شوية هينفع الموضوع ده ولا ايه المشكلة ؟؟؟

هو طبعا البطاريه الاكبر افضل للعربيه كلها .
و لكن الله اعلم هيحل المشكله و الا لا

[kofta]

هو طبعا البطاريه الاكبر افضل للعربيه كلها .
و لكن الله اعلم هيحل المشكله و الا لا

اة .. و فيه صديق لية برضو قالى بيركبوا مقاومة على الزينون بتخليه مش يأثر على الكهربا فمش عارف برضو ايه الحل بالظبط .. انا كدة مش هجيب حاجة و هخليها زى ما هى و خلاص لحد ما نلاقى حل

[احمد المصرى]

الحل بسيط يا شباب المشكله ان الفلاشه بتعمل ريستارت مع الزينون وحلها بقا معروف جدا بيركب مقاومه او جهاز مش غالى مع الزينون وبتتحل المشكله نهائيا الموضوع مش صعب يعنى

[moha4tec]

http://www.nilemotors.net/Nile/213645-a.html

http://www.nilemotors.net/Nile/173300-a.html

[moha4tec]

الحل بسيط يا شباب المشكله ان الفلاشه بتعمل ريستارت مع الزينون وحلها بقا معروف جدا بيركب مقاومه او جهاز مش غالى مع الزينون وبتتحل المشكله نهائيا الموضوع مش صعب يعنى

انا ركبت الجهاز ده و محلش الموضوع و سعات يرستر و سعات لا ؟؟؟؟؟؟؟
مش عارف اه الحل بقى ؟؟؟؟
هل انت ركبت زينون و حليت المشكله دى و هل ممكن تصورلنا الجهاز ده و تقولنا على مكان بيعه وسعره و كده

[Ahmed.Fahmy]

أعتقد ارابكوم بيبيع زينون متكود لكل عربية عشان الحاجات دى ما تحصلش

[ramyhekal]

المشكله دى بتحصل فى الاوبل واللانسر القرش وكذا عربيه جديده حلها انك تشترى زينون متكود
مش بيبقى غالى ولا حاجه بس اللى هاتشتريه منه هايضمنلك انه مش هايعمل مشاكل

[احمد المصرى]

انا مركبتوش بصراحه بس اعرف من زمان ان المشكله دى اتحلت ومعدش فى اى مشكله فى الزينون دا كل السيراتو فى الشارع مركب زينون حاليا

[yasserelsayad]

المشكلة دى مش فى كل السيراتو بس عشان الزينون يشتغل تمام بدون اى مشكلة لازم الاجهزة بتاعته تكون digital وتكون CAN-bus عشان متعملش مشاكل فى الكومبيوتر بتاع العربية

وفيه اجهزة بتركب على الزينون العادى بتعمل الكلام دا
بتحتاج جهازين الواحد تقريبا بـ 100 جنيه بس مش فاكر اسمه ايه للاسف

[kofta]

المشكلة دى مش فى كل السيراتو بس عشان الزينون يشتغل تمام بدون اى مشكلة لازم الاجهزة بتاعته تكون digital وتكون CAN-bus عشان متعملش مشاكل فى الكومبيوتر بتاع العربية

وفيه اجهزة بتركب على الزينون العادى بتعمل الكلام دا
بتحتاج جهازين الواحد تقريبا بـ 100 جنيه بس مش فاكر اسمه ايه للاسف

طب و اعرف منين ان الزينون ده Digital ؟؟؟ و يعنى ايه CAN-Bus ؟؟؟
و بالنسبة للاجهزة اللى بـ 100 جنيه ديه بتركب على كل زينون جهاز ولا ايه ؟؟ لانى كنت عايز اجيب 6 مكنات