بخصوص سرقة السيراتو

[Rsarabia]

يا شباب انا حاليا بخلص فى سيراتو بصمة
و بسأل هل اللى بتتسرق اللى بسمارت كى ولا اللى بمفتاح ايموبليزر ؟؟
لانى سمعت كلام ان الكود بيتسرق بأجهزة و بيرجع يبعت الكى تانى يفتح العربية
كلام يبدو صعب لكنه غير مستحيل و ساعتها هتبقى كل العربيات معرضة للسرقة بالطريقة دى
هل حد هنا عربيته اتسرقت و كانت بصمة ؟؟ حد يأكد المعلومة من فضلكم

[temo85]

بص ياباشا كله بيتسرق خليها على الله و لو العربية عاجباك و سعرها كويس هاتها و توكل على الله و أعمل اللى عليك , طبعا لازم تأمن طبعا عليها و تجيب قفل للدركسيون كويس و تركن فى أماكن مش مهجورة

[MohammedAladel]

عشان كدا أنا بقول ميجان نعمة

[SAMEH_FOUAD]

سيبها على ربنا

توكل على الله وماتفكرش فى اى حاجة

اعمل اللى عليك وربنا هو الحارس

[D/FARID CERATO]

تمام

[ma7med]

حدرتك تركنها في جراج و الله هو الحافظ

[Rsarabia]

بص ياباشا كله بيتسرق خليها على الله و لو العربية عاجباك و سعرها كويس هاتها و توكل على الله و أعمل اللى عليك , طبعا لازم تأمن طبعا عليها و تجيب قفل للدركسيون كويس و تركن فى أماكن مش مهجورة

ايوة بس لو العربية فعلا بتتسرق بسهولة يبقى بلاش منها :)
دى حاجة عاملة زى ما يكون كراك البرنامج اللى بتنزله يضرب لك البرنامج :d

[Rsarabia]

عشان كدا أنا بقول ميجان نعمة

للأسف انا بعت ميجان بعد سنتين و نص عشرة و دى سنة الحياة

[Rsarabia]

انا كدا كدا بركن فى جراج بالليل بس بالنهار بسيب العربية فى الشارع لما بروح المستشفى أو خروجة و المصيف طبعا بسيب العربية فى الشارع :s

[MohammedAladel]

طيب سؤال لحضرتك إنت بعد ما ركبت الميجان طبعا أكيد عارف قيمتها كويس
حضرتك هتركب سيراتو ليه أنا عن نفسى لما أنزل من عربية لازم أركب عربية أحسن منها

ولا حضرتك بتفكر بشكل عملى حاجة تأدى الغرض وفى نفس الوقت مش وحشة وامكانياتها معقولة برضه ؟

[2CODE]

مش الايموبليزر هو اللي بيتسرق سعادتك في اصدارت من السيراتو نزلت من غير ايموبليزر ومكتوب ان فيها ايموبليزر والفرزه دي هي اللي بتتسرق علشان كده مش كل السيراتو بيتسرق لو دورنا كويس على تواريخ اصدار العربيات دي عن طريق vin هنلاقي ان العربيات اللي بتتسرق نفس الفرزه

انما مش كل فرزات السيراتو اللي المفروض فيها ايموبليزر مش موجود فيها لا دي فرزه واحده بس

[D/FARID CERATO]

مش الايموبليزر هو اللي بيتسرق سعادتك في اصدارت من السيراتو نزلت من غير ايموبليزر ومكتوب ان فيها ايموبليزر والفرزه دي هي اللي بتتسرق علشان كده مش كل السيراتو بيتسرق لو دورنا كويس على تواريخ اصدار العربيات دي عن طريق vin هنلاقي ان العربيات اللي بتتسرق نفس الفرزه

انما مش كل فرزات السيراتو اللي المفروض فيها ايموبليزر مش موجود فيها لا دي فرزه واحده بس

ممكن حد يفهمني إيه هو ايمبوليذر ده؟

[D/FARID CERATO]

عاوز اعرف موجود في عربيتي ولا لا؟

[محمد بدر]

عاوز اعرف موجود في عربيتي ولا لا؟

المفروض عند فتح الكونتاك فى لمبة تضاء عليها رسمة مفتاح
وللتأكيد ممكن تعمل مفتاح أصطناعى عند اى حد _ المفروض المفتاح يفتح العربية بس مينفعش يدورها

[D/FARID CERATO]

المفروض عند فتح الكونتاك فى لمبة تضاء عليها رسمة مفتاح
وللتأكيد ممكن تعمل مفتاح أصطناعى عند اى حد _ المفروض المفتاح يفتح العربية بس مينفعش يدورها

اه اللمبة ده عندي بس محتاج شرح للامبلويزر ده طريقه عمله و كده؟