استفسار ضروري بخصوص السيراتو

[Madovicc]

السلام عليكم ..

دلوقتي انا محتار قدامي كيا سيراتو 2013 اوتوماتيك lX بضمان الوكيل ب 113.500 و فيه نفس الفئة خليجي بس فيها زيادة فرامل abs و كاميرا خلفية و كاسيت سي دي تاتش بشاشة و ب 110.000 بس ..

و محتار جدا خصوصا ان الخليجي في اوبشنز اعلي و سعرها اقل 3000 جنيه كمان .. افيدوني يا جماعة لو سمحتوا ....

و شكرا

[temo85]

هات الخليجى طبعا بس تكون يا سعودى يا كويتى و هات معاها ضمان من اى شركة من شركات ضمان الخليجى الوكيل بيستهبل فى الفئات يتاعته و اسعارها فئة زى دى المفروض متعديش ال 105 بأى حال !!!

[elpasha1]

خليجى طبعا

[Madovicc]

شكرا يا جماعة علي رايكم انا ميال اكتر للخليجي . بس فيه ناس بتقول انهم بيلعبوا فيها و بيغيروا الساوند سيستم و كده و بيشتكوا من الشركات اللي بتبيع الضمان و بيقولوا ملوش لازمة و انها زي البطيخة المقفولة و الكلام ده .....

[temo85]

حتى الوكيل زى البطيخة المقفولة , فى مشاكل فى الوكيل و الخليجى موصلوش لحل فيها ضمان الوكيل مش مطالب انه يتشقلب عشان يلاقولك حل و خلاص الفكرة انهم لو مثلا كوبلن باظ , علبة دركسيون باظت , الحاجات هيغيرهالك فى الضمان و ده هتلاقيه مع شركات الضمان للخليجى برضه و الوكيل هيقرفك زيهم بالظبط على ما يغيرهالك
حوار الساوند سيستم اللى بينزل فى السيراتو هو الكاسيت العريض بدايه من ال ex و الكاسيت الرفيع فى ال lx و الكاسيت التتش و الحوارات دى كلها مضروبة خش على الويب سايت بتاع كيا و شوف الساوند سيستم بتاع العربية اللى بتنزل فيه من بلدها

[salodas]

أنا اشتريت خليجى من سنتين وكمان طلعت عمانى وزى الفل وعموما الخليجى كله واحد مبيفرقش كتير ولكن مقارنه بالوكيل طبعا سعر أقل وكمان أوبشنس أكتر

[Hosam_Optrawy]

الكاميرا والكاسيت التاتش غالبا راكبين هنا , اتأكد من وجود ال abs دا اللى هايحسم الموضوع لان لو مفيهاش يبقى خليك فى الوكيل

[temo85]

الكاميرا والكاسيت التاتش غالبا راكبين هنا , اتأكد من وجود ال abs دا اللى هايحسم الموضوع لان لو مفيهاش يبقى خليك فى الوكيل

مش فاهم قصدك ياباشا ازاى الabs هيحسم الموضوع ؟؟
انا اللى معايا من غير abs و كتير قالولى انها من غير abs أفضل و جربت دى و دى لقيت انها بالabs فيها دبه مع الضغط المفاجىء على الفرامل لكن اللى من غير بتقف تقريبا فى نفس المسافه بس مفيش الدبه و الحمد لله الفرامل من غير الabs بتعمل بكفائه كويسة

[Hosam_Optrawy]

مش فاهم قصدك ياباشا ازاى الabs هيحسم الموضوع ؟؟
انا اللى معايا من غير abs و كتير قالولى انها من غير abs أفضل و جربت دى و دى لقيت انها بالabs فيها دبه مع الضغط المفاجىء على الفرامل لكن اللى من غير بتقف تقريبا فى نفس المسافه بس مفيش الدبه و الحمد لله الفرامل من غير الabs بتعمل بكفائه كويسة

انا بقى اللى مش فاهم ازاى من غير ABS افضل :) يعنى ايه عيوبه

انا عارف ان فرامل السيراتو كويسه كفرامل سواء فيها ABS او لأ , بس لو هانتكلم على اى عربيه بشكل عام اكيد اللى فيها ABS احسن من اللى مفيهاش لان دا نظام بيساعدك انك تتحكم فى العربيه اثناء الفرمله خصوصا لو فى ميه او رمله فى الارض , فحتى لو العربيتين بيقفوا فى نفس المسافه يبقى اكيد اللى فيها abs احسن

[temo85]

انا بقى اللى مش فاهم ازاى من غير ABS افضل :) يعنى ايه عيوبه

انا عارف ان فرامل السيراتو كويسه كفرامل سواء فيها ABS او لأ , بس لو هانتكلم على اى عربيه بشكل عام اكيد اللى فيها ABS احسن من اللى مفيهاش لان دا نظام بيساعدك انك تتحكم فى العربيه اثناء الفرمله خصوصا لو فى ميه او رمله فى الارض , فحتى لو العربيتين بيقفوا فى نفس المسافه يبقى اكيد اللى فيها abs احسن

ياباشا انا بقول ده عن تجربتى للأتنين و احساسى بالعربية أكيد الabs ك technology أعلى من الفرامل العادية و أكثر تقدما مفيش كلام بس انا كنت مضايق بصراحه من موضوع الدبه اللى بحسها تحت رجلى انا كنت بسوق أوكتافيا قبل كده محستش فيها الدبة دى , انا مشفتهاش غير فى السيراتو و الكورولا ممكن يكون فرق تقنية بين الشركات الله أعلم

[Madovicc]

هيا اكيد فيها abs و الكاميرا و السي دي التاتش مش راكبين في بتاعت الوكيل ... و ده شفته بعيني . و بما ان كله بيقولي خليجي فنا هتوكل علي الله و ربنا يكرم بقا ادعولييي و الف شكر يا شباب