عربية سيئة السمعة

[romagti]

السلام عليكم يا احلى منتدى

انا اشتريت الكيا ريو 2012 فى شهر 5 يعنى من 3 شهور رحت التوكيل على العيوب اللى هقولهالك دى 15 مرة فى 3 شهور
العفشة الامامية بايظة وتم تغيير علبة دريكسيون 3 مرات
استهلاك خيالى للبنزين مع العلم انا عملت السوفت وير دة و ظبطت جدا معايا لمدة 3 اسابيع بعد كدة رجعت هبلت تانى
وعملت سوفت وير للمرة 3 وبردة مش عايزة تزبط
السخونة الداخلية اللى فى الكونسول و تحت الكنبة ودخل شنطة العربية لم يتم الاصلاح حتى الان

اخير بعد كم هائل من الشكاوى ومقابلة ناس كتتتير منهم الخبير الكورى Mr. cha وتغيير معظم اجزاء العفشة الصوت مازل موجود والمفاجئة بقى ان المهندس هنالك جاب عربية زيرو من المخزن لتجربة صوت العفشة وطلع نفس العيب والتوكيل ردة ان الصوت دة طبيعى لما تمشى على ارض مش كويسة على اساس ان احنا الطرق عندنا حرير فى حرير وان اللى حمار او مكنش معايا عربيات قبل كدة

الخلاصة و انا مسئول عن كل الكلام اللى بقولوة العربية حلوة لكن فيها عيوب تجعلها اسوء من العربيات الصينى التى تصنع تحت السلم

انا النهارة 28/8/2012 كنت فى حماية المستهلك مع منودبى الشركة أ/ خالد شرف و أ/ وائل
لكيفية حل المشكلة و تصادف وجود 2 غيرى عندهم نفس المشاكل من كيا ريو 2012 و وسوف يتم العرض على لجنة فنية من كلية الهندسة يوم 13/9 للتحقق من وجود عيوب صناعة فى هذا الموديل


((((((((( برجاء الابتعاد )))))) انت مش لاقى فلوسك فى الارض و استخير ربنا قبل كل شى وانا اقسمت بالله انى مش هسكت على حقى واخدت رقم الاخ اللى كان معايا فى حماية المستلهك لتحريك دعوى قضائية فى المحكمة الاقتصادية ضد شكرة كيا وتعنتهم فى عدم استرجاع السيارات وحتى عدم المقدرة على الاصلاح بسرعة وبدون تكرار محاولة الاصلاح.

[Ahmed_selmy]

ربنا يوفقك وتقدر تسترد فلوسك او يغيروهالك بحاجه تانيه خالص

[temo85]

حضرتك كده ماشى على الطريق السليم و جهاز حماية المستهلك بيستجيب لحد كبير للمستهلك فعلا و كان فى قسم تويوتا موضوع ناس عملاه بخصوص عيوب كورولا 2008 و واحد كان كاتب ان خد تعويض بتمن العربية فعلا , فياريت تكمل عشان يبدأوا يحترموا العميل و يبطلوا شغل الهطل و المسكنات اللى بيضحكوا بيها على الناس عشان أغلب اللى بيروح بيكون معندوش خلفية كويسة بالعربيات , ربنا معاك و يوفقك و لو محتاج اى مساعدة احنا معاك هنا فى القسم انشاء الله

[hossam_elwani]

السلام عليكم يا احلى منتدى

انا اشتريت الكيا ريو 2012 فى شهر 5 يعنى من 3 شهور رحت التوكيل على العيوب اللى هقولهالك دى 15 مرة فى 3 شهور
العفشة الامامية بايظة وتم تغيير علبة دريكسيون 3 مرات
استهلاك خيالى للبنزين مع العلم انا عملت السوفت وير دة و ظبطت جدا معايا لمدة 3 اسابيع بعد كدة رجعت هبلت تانى
وعملت سوفت وير للمرة 3 وبردة مش عايزة تزبط
السخونة الداخلية اللى فى الكونسول و تحت الكنبة ودخل شنطة العربية لم يتم الاصلاح حتى الان

اخير بعد كم هائل من الشكاوى ومقابلة ناس كتتتير منهم الخبير الكورى mr. Cha وتغيير معظم اجزاء العفشة الصوت مازل موجود والمفاجئة بقى ان المهندس هنالك جاب عربية زيرو من المخزن لتجربة صوت العفشة وطلع نفس العيب والتوكيل ردة ان الصوت دة طبيعى لما تمشى على ارض مش كويسة على اساس ان احنا الطرق عندنا حرير فى حرير وان اللى حمار او مكنش معايا عربيات قبل كدة

الخلاصة و انا مسئول عن كل الكلام اللى بقولوة العربية حلوة لكن فيها عيوب تجعلها اسوء من العربيات الصينى التى تصنع تحت السلم

انا النهارة 28/8/2012 كنت فى حماية المستهلك مع منودبى الشركة أ/ خالد شرف و أ/ وائل
لكيفية حل المشكلة و تصادف وجود 2 غيرى عندهم نفس المشاكل من كيا ريو 2012 و وسوف يتم العرض على لجنة فنية من كلية الهندسة يوم 13/9 للتحقق من وجود عيوب صناعة فى هذا الموديل


((((((((( برجاء الابتعاد )))))) انت مش لاقى فلوسك فى الارض و استخير ربنا قبل كل شى وانا اقسمت بالله انى مش هسكت على حقى واخدت رقم الاخ اللى كان معايا فى حماية المستلهك لتحريك دعوى قضائية فى المحكمة الاقتصادية ضد شكرة كيا وتعنتهم فى عدم استرجاع السيارات وحتى عدم المقدرة على الاصلاح بسرعة وبدون تكرار محاولة الاصلاح.

تسلم على التحذير وده تأكيد على عدم الانبهار بأى عربيه الا بعد تجربتها وخصوصا فى الاراضى المصريه

وربنا معاك ويقويك

[ahmad--ezzat]

معلش ان شاء الله كله هيبقى تمام

بس مشكله البنزين تم حلها فى الريو الجديد (اسمع كده)

وبالنسبه للصوت...هوشديد اوى ولا ممكن تتعايش معاه

[sakr_skoda]

ربنا معاك ويعينك على دفع الظلم ويباركلك فى التحزير نادر من يسلك سلوكك النبيل هذا فالكثير من تعرض لمنحة ما يتمنى لو كل الناس جميعا وقعوا مثل ما وقع ربنا يهدى........

[eng.m7md.ali]

خطوة 100 100
احييك على ايجابيتك وعدم السكوت على حقك اللي ضايع

[Youssef.Awad]

ربنا معاك ويصبرك على مصابك ..
فعلا مش اى عربية شكلها حلو تبقى بالضرورة بدون اعطال
والمشكلة فى حالة حضرتك اكبر لما قريت فى بياناتك الشخصية امتلاكك او سواقتك لعربيات جامدة زى البورا او الفاروميو .. طبيعى لما تركب كورى وكيا تحس بفرق السما والارض بغض النظر العربية بها عيوب صناعة ولا لأ !!!

[SAMEH_FOUAD]

ان شاء الله تاخد حقك , ياباشا

بس فعلا سيارات 2012 كلها عيوب مش عارف لية

[t_bmw7]

انا معايا ريو 2012 ماشاء الله زى الحلاوه العفشه تمام وموضوع استهلاك البنزين ده لانها 109 حصان ﻻكنى شايف
انها موفره جدا بعد تعديل السوفت وير .. يمكن عربيتك بس اللي فيها المشكله دى واى واحد معرض لها عادى .. ماتضايقش نفسك المهم انك تشوف حل .

[Ahmed_Adham]

للافاده الاكتر ياريت تطلب تغيير اسم الموضوع وتضيف اسم العربيه عشان اللي بيفكر فيها يتابع الموضوع ده ويشوف هينتهي على ايه.

بالمناسبه قبل حمايه المستهلك عرضت عليهم يغيرو العربيه؟ والحج الكوري ده كان رأيه ايه؟ كلمته بنفسك يعني وسمعت رأيه ولا لاء؟

[2CODE]

انا معايا ريو 2012 ماشاء الله زى الحلاوه العفشه تمام وموضوع استهلاك البنزين ده لانها 109 حصان ﻻكنى شايف
انها موفره جدا بعد تعديل السوفت وير .. يمكن عربيتك بس اللي فيها المشكله دى واى واحد معرض لها عادى .. ماتضايقش نفسك المهم انك تشوف حل .

سبحان الله اانا عندي كيا ريو 2012 هاي لاين توكيل وبسم الله ما شاء الله على اعلي مستوى ومعنديش اي من المشاكل دي نهائي نهائي

[AHMED1718]

فيه حاجات مش واضحة بس ياريت توضيح

انتا رحت حماية المستهلك مع خالد شرف الزاى ؟؟ هوا راح يتابع يعنى حوار الشكوى ولا ايه ؟


وعمتن انا شايف ان لو ليك حق مع كيا او رينو مصر بتاخده والله يرحمه محمد نصير محدش اشتكا من حاجة ايامه

[lenovo]

انا معايا ريو 2012 ماشاء الله زى الحلاوه العفشه تمام وموضوع استهلاك البنزين ده لانها 109 حصان ﻻكنى شايف
انها موفره جدا بعد تعديل السوفت وير .. يمكن عربيتك بس اللي فيها المشكله دى واى واحد معرض لها عادى .. ماتضايقش نفسك المهم انك تشوف حل .

والله وانا زيك معايا الخليجي ومش بشتكي من حاجة خالص والعربية والحمدلله كويسة جدا معايا وثبات عالي على الطريق. انا في الساحل الشمالي بقالي اكتر من عشر ايام وعملت فيهم حوالي ٣ الاف كم واخد الطريق رايح جاي والعربية ممتازة .

[medoghaly]

خطوة ايجابية متسكتش علي حقك انت مش بتلاقي الفلوس و لازم تتزبط و تطلب تغييرها طالاما مش عارفيين يحلوهالك