احسن لون كيا كارينز

[ramymt]

السلام عليكم ورحمة الله وبركاته
يا ترى هو ايه احسن لون لكيا كارينز
انا محتار بين البترولى والبنى وفيه لون زى الابيض اللولى او اوف وايت مش فاكره اوى
ياريت لو حد عنده صورة واضحة للبنى ويقولى ان الابيض اللولى او الاوف وايت اسمه ايه فى البروشور وبرده لو صورة واضحة لعربية باللون ده يبقى الف شكر
ولكم منى جزيل الشكر ومستنى ارائكم
والسلام عليكم ورحمة الله وبركاته

[Domestix007]

الموكا (البني) من أحسن الألوان من وجهة نظري و يا سلام لو مع فرش بيج يبقى حاجة عنب :) .. الأبيض اللي حضرتك بتتكلم عليه إسمه في الكاتالوج Vanilla Shake بس معرفش بيقولوا عليه ايه عندنا في مصر إنت عارف كل حاجة بتتغير :)

[شريف حجازي]

السلفر او الفضي يعني وفية كمان فرش بيج حاجة اخر حلاوة جمعت بين اللون الفاتح من برا العربية الي بيتحمل الاتربة وشكلة شيك وفخم وبيدي للعربية حجم اكبر وكمان لون الصالون بيج بيكون اوسع واجمل في المنظر انا عن نفسي ناوي علي كدة ان شاء الله سلفر وفرش بيج

[hossam_elwani]

الكريمى او الحليبى او المشروم حسب المسمى هو احلى لون عليها مع جنطها الاصلى الــ16 مع صالون بيج

بتبقى تحفه

[Khaled_Nowaihy]

أحلى لون شفته هو البترولى Moon Light Blue
ودى كل الألوان بتاعتها

[MMMERO]

أحلى لون شفته هو البترولى moon light blue
ودى كل الألوان بتاعتها

يا سلام عليك يا استاذ خالد جبت من الاخر :) (دة علشان هو دة لون عربيتي)
ياباشا الالوان دى اذواق ومش ممكن تلاقى حد هيتفق على حاجة بس فية حاجة عاوز اقولك عليها بلاش البيج للصالون لو عندك اطفال علشان هيتبهدل

[Ahmed_Adham]

معتقدش ان في حاجه اسمها أحسن لون لأن كل واحد بيحب لون على ذوقه بس لو هنتكلم على الاعتماديه يبقى خارجي فاتح مع داخلي غامق زى أبيض بره مع رمادى أو اسود جوه وده عشان بره يعكس الحراره وجوه ميبقانش فيه البقع والبهدله خصوصا لو عندك أطفال.

أنا عربيتي موكا (شبه بني) خارجي وبيج داخلي - شيك جدا بس بنتىي مبهدله الكرسي اليمين وبفكر أركب فرش جلد لسهوله التنضيف بس خايف انه يبهدلني في الشمس.

[محمد بدر]

موكا - فيرانى

[NoRmAl]

هي أزواق بس بالنسبالي الابيض :)
ربنا معاك

[MANDO87]

Moon Light Blue

[adelghanem]

اللون ازواق ,انا اشتريت اللون الفضى مع فرش اسود والمدام كان نفسها فى لون فيرانى والاولاد واحد كان عايز ابيض والتانى كان عايز اسود مش قلتلك ازواق ,انت شوف الالوان واللى تستريحله اشتريه وربنا يوفقك

[aly_moh]

هات اللون اللى يعجبك انت , انت اللى هتركب العربية بس نصيحة هات الفرش الداخلى غامق عشان الاطفال و الاكل جوة العربية بيبهدلها

[khaled_legend]

البترولي و لكن انا بفضل البتنجاني لانه في الكيا روعه

[yasserelshakwe]

يا شباب انا ناوي اشتري الكارينز موديل 2015 هاي لاين
واللون ها اجيبه بترولي لاني بحب اللون ده
ولكن عاوز نصيحة الخبراء الاعزاء في العربية نفسها هل هي عربية كويسة من حيث سعر قطع الغيار وجودة العربية والموتور
وهل اصلحها عند التوكيل ولا عند ميكانيكية صقر قريش مثلاُ لأني ساكن في المعادي

[houseiny]

فضي حلو ومش بيبان فيه الخرابيش والتراب وبيكبر حجم العربية ، الابيض شيك جداً واحلي لون عليها وخاصة مع السق الاسود بانوراما بيكون تحفة فنية يعيبه الخرابيش بتبان فيه وشكل العربية بيبوظ لو فيها خربوش واحد ، البترولي رائع ومخلى العربية شكلها فخم جداً لكن يعيبه التراب اللي بيبان فيه وعايز تنضيف على طول ومسح العربية كل شوية
انا معايا افضي من بره اسود من جوه بصراحة مريحني جداً من عناء النضافة كل شوية