سؤال عن الريو ...ومشكلة مع سمير ريان !!

[karimshady]

سلام عليكم....

بعد مستقريت على الريو اخيرا..وبعد ماشفت الألوان وكله تمام ...حصل موقف غريب ...

الرجل بتاع سمير ريان كلمني بيقوللي الفئة ده نازلة من غير استبن !!...

1) هو أصلا فيه عربية من غير استبن ؟؟
2) أنا العربية جنوط ...الاستبن بيبقى جنط برده ولا عادي ؟
3) أنا لو حبيت اجيب جنط على حسابي ...هلاقي نفس الشكل ولا لأ ؟؟

عايز رأيكم يا رجالة :))

شكرا

[temo85]

ايه الكلام الفاضى ده !!! لازم بيكون فيه استبن و جنط كمان زى كل الكاوتش

[hassanin_lada]

لو قفلت خالص ماتوقفش البيعه علي جنط وانزل واسئل في الاجنصات لو كلامه مظبوط اتكل علي الله .. وهو الجنط مش هيكلفك اكتر من 800 جنيه

[2CODE]

لو قفلت خالص ماتوقفش البيعه علي جنط وانزل واسئل في الاجنصات لو كلامه مظبوط اتكل علي الله .. وهو الجنط مش هيكلفك اكتر من 800 جنيه

دي سرقة عيني عينك اي عربية بييجي معاها جنط وانا لو منك اوقف معاه على جنط الريو مش هتلاقي شبه ولا زيه وفي التوكيل اسعاره غالية ليه اتكلف تاني هي ناقصة كمان على سعر العربية ؟

يا جماعة احنا اللي بنعود التجار علينا بنتساهل في كل حاجة خلاص ناخد على دماغنا بقى ومنزعلش

[karimshady]

أنا الصراحة ناوي اوقفها على الجنط ..علشان أنا مبحبش حد يضحك عليا...وكمان قلتله طب نزلي في السعر...يقولي لأ...اقوله هاتلي طيب الجنط وهدفعلك نفس التمن ..يقولي لأ...طب حضرتك اتفضل قل لي وجهة نظرك فالمشكلة ...يقولي خد الأعلى منها...أنا مش معايا فلوس للأعلى منها...يقولي طيب خلاص هنزللك 250 جنيه...على أساس إنه مثلا بعطف عليا ولا بيديني صدقة !

[Abo.Moazz]

أنا معرفش أيه نظام الكيا الريو .. بس أنا أعرف إن فيه عربيات مبتنزلش بإستبن
أنا أخويا معاه فولفو s80 مو 2012 جنوط سبور طبعاً .. ولسه إمبارح بس بالصدفة ببص على الإستبن صعقت ...
الإستبن أولاً طاسة مش جنط سبور ومقاس غريب جداً .. رفيع زى كاوتش الموتوسيكل بالظبط !!!!!!!!

[salodas]

صعبه أوى عربية من غير استبن .... عموما الله أعلم .... بس زى ما زميلنا رد عليك أسأل فى أكترمن مكان ولو الكل أكد على الموضوع ده ..... أشترية من أى مكان ولو حتى مش شبه المتركب فيها ....عموما ده أستبن

[Mohamed.Ramah]

أنا الصراحة ناوي اوقفها على الجنط ..علشان أنا مبحبش حد يضحك عليا...وكمان قلتله طب نزلي في السعر...يقولي لأ...اقوله هاتلي طيب الجنط وهدفعلك نفس التمن ..يقولي لأ...طب حضرتك اتفضل قل لي وجهة نظرك فالمشكلة ...يقولي خد الأعلى منها...أنا مش معايا فلوس للأعلى منها...يقولي طيب خلاص هنزللك 250 جنيه...على أساس إنه مثلا بعطف عليا ولا بيديني صدقة !

السرقة شغالة الله ينور ولسة حيعتبرو كراسى العربية اوبشن ويحاسبونا علية اية البلد دة !!

[2CODE]

أنا الصراحة ناوي اوقفها على الجنط ..علشان أنا مبحبش حد يضحك عليا...وكمان قلتله طب نزلي في السعر...يقولي لأ...اقوله هاتلي طيب الجنط وهدفعلك نفس التمن ..يقولي لأ...طب حضرتك اتفضل قل لي وجهة نظرك فالمشكلة ...يقولي خد الأعلى منها...أنا مش معايا فلوس للأعلى منها...يقولي طيب خلاص هنزللك 250 جنيه...على أساس إنه مثلا بعطف عليا ولا بيديني صدقة !

يا استاذ كريم انا معايا ريو 2012 توكيل ومعاها نفس الجنط اللي راكب فيها دي حركة من المعرض تلاقيه باعها ولا اخدها ليه هو او حد من اللي شغالين معاه

انت ليه بتشتري من معارض ماتذهب للتوكيل مباشرتاً هتلاقي العربية معاها الجنط الاصلي نفس اللي راكب عندك ومفيش عربية كيا مش معاها ستبن نهائي دي المعرض سارقها من العربية

[د. علاء ابراهيم]

السرقة شغالة الله ينور ولسة حيعتبرو كراسى العربية اوبشن ويحاسبونا علية اية البلد دة !!

هههههه يا لهوى هى ممكن توصل لحد كده

[الغزالى]

هوا ممكن الاستبن يبئى امريكانى الى هوا لسرعه 80 كيلو .. اه
وممكن تكون العريبه جنوط بس الاستبن حديد ... انما عربيه تنزل من غير استبن ... مش بى ام هيا عشان تصدق .. انما الريو ... انا كا واحد شغال فى معرض عربيات مفيش عريبه بتنزل من غير استبن الا لو الكاوتش Run flat tire زى البى ام مثلا

[moha4tec]

متشتريش منه اصلا
دايما بيلعوا فى حته الكوتش دى
الجنط فاضى من غير الكوتش هيعمل 2000 جنيه فرده وحده فقط و الكوتش هتلاقيه من 1100 الى 1300 يعنى الحوار بيتكلم فى 3000 جنيه تقريبا
لو هتشترى العربيه نزل ال 3000 جنيه دول لو وافق تمام جدا و لو موافقش متشتريش

[engaass]

لازم يكون فيه استبن وممكن يكون حديد مش جنوط وممكن يكون رفيع عشان مياخدش مكان فى الشنطة
فى الريو الخليجى بينزل جنط زى اللى راكبين
انت عربيتك خليجى ولا وكيل

[AMRTOTI]

عن تجربة مع سمير الريان انا مش بدافع بس ده الى حصل معايا
كنت عايز الريو اعلى فئة خليجى ومكنتش موجودة وقالولى هتيجى يو الاحد وكنا ساعتها سوم الثلاثاء الى قبلة
وكنت شفت العربية فى مكان تانى وحجزتها بس اللون مكنش عاجبى واجلت الاستلام ليوم الاتنين بحيث اشوف العربيات الى هتيجى لسمير ريان على كلام الناس بتوع المعرض
كلمونى فعلا يوم الاحد الصبح قالولى العربية جت بس هتستلمها بعد يومين علشان هى لسة عند المستورد بس خلاص انت اوكى نجيبهالك
قلتلهم احنا معادنا النهاردة لو مشفتهاش بعنيا النهاردة مش عايزها
فعلا رحت المعرض وطلع معايا واحد من المندوبين
ورحنا عند المستورد وشفت العربية فى المخزن هو كان مشوار بس معلش ولاقيت المستورد نفسه هو الى بيقولى والله يا بشمهندس كل العربيات الى جت فى اللوت ده من غير طفاية
انا اصلا مش بدخن فالموضوع مش فارق معايا فقلت اوكى

الى انا عايز اقوله بلاش نتهم الريان لان الموضوع من تجربتى مكنش بايدة المستورد هو الى ماخدش بالة ودى مشكلته هو مش مشكلة المعرض الى يادوب بيبيع

واعتقد هتلاقى المشكلة دى فى كل المعارض مش عنده بس

بس نصيحة لو الجنط ال 17 هات الفئة الاعلى لانك مش هتلاقية ولو لاقيته هتلاقيه غالى جدا

[Formulator]

الحالتين الوحيدين اللى مايكونش فيهم إستبن:

1- كاوتش Run-flat زى الـBMــات.
2- الكاوتش اللى راكب عـ الجنوط يبقى Re-inforced sidewall.. (بيبقى مكتوب ZR-17 مثلا مش R17)
وفـ الحالة دى لاااااااااااااااازم فـ العدة-الشنطة يبقى فيه kit إسمها Fix&Go
(كومبريسور بمقياس ديجيتال وممكن يبقى معاهم Fast-Fit)
غير كده إنســــــــــــــــــــى.. ده حرامى وبيشتغلك؟!!

عـ الأقل إستبن أمريكانى الرفيع 80 كم/س، أو عجلة Steel (مش جنط سبور) عليها كاوتش بنفس المقاس اللى راكب عـ الجنوط الـ4

btw: نادر أوى حكاية الـ5 عجلات (4+الإستبن) يبقوا جنوط Alloy-wheels؟؟!!!
موجودة بس قليل، وبترفع فـ ثمن العربية كتييييييييييير!!