إستلمت كيا ريو 2013 سيدان

[mohamed moataz]

السلام عليكم بكل المشاركين في المنتدي دي أول مره ليا هنا واحب اني اتشرف بمعرفة كل الأخوه الكرام الي موجودين هنا
انا الحمدلله استلمت عربيه ريو سيدان 2013 من 5 أيام وقبل ماشتريها سمعت كلام وحش جدا عن العربيه سواء من الناس الي موجوده هنا أو في المعارض وكله قالي هات أر بي أنا صليت إستخاره وأتكلت علي الله سبحانه وتعالي وجبت الريو وحبيت أني أوصل تعليقاتي عن العربيه يمكن الناس تستفيد منها
أولا العبيه فعلا شيك جدا من جوه وملفته للنظر وفعلا التابلوه بتاعها تحفه والموضوع ده أذواق بتختلف من شخص لاخر
ثانيا تكيف العربيه بإختصار جيد جدا مش ممتاز ولما بتمشي بالعربيه والتكييف شغال أداءه بيتحسن وفعلا ببرد منه وبرجعه علي المستوي الأول
ثالثا الموتور أكيد أي عربيه بتختلف لما التكييف بيشتغل وبتحس أنها مكتومه شويه بس مش سيئه بتكون جيده في السحب بس من غير تكييف والله ياجماعه إستحاله تقول أنها 1400 فعلا جباره وللعلم انا عربيتي مانيوال 6 سرعات
رابعا البنزين فعلا الموضوع ده مشكله لأن العرييه بتستهلك بنزين بصوره غير عاديه أكتر من أي عربيه 1600 أنا مستني الصيانه بتاعة الألف وهقولهم علي الموضوع ده في التوكيل
خامسا العفشه تقييمها جيد تحس انها ناشفه شويتين
بس ياجماعه الي متردد انه يشتري العربيه دي يتوكل علي الله ويشتريها

[lenovo]

السلام عليكم بكل المشاركين في المنتدي دي أول مره ليا هنا واحب اني اتشرف بمعرفة كل الأخوه الكرام الي موجودين هنا
انا الحمدلله استلمت عربيه ريو سيدان 2013 من 5 أيام وقبل ماشتريها سمعت كلام وحش جدا عن العربيه سواء من الناس الي موجوده هنا أو في المعارض وكله قالي هات أر بي أنا صليت إستخاره وأتكلت علي الله سبحانه وتعالي وجبت الريو وحبيت أني أوصل تعليقاتي عن العربيه يمكن الناس تستفيد منها
أولا العبيه فعلا شيك جدا من جوه وملفته للنظر وفعلا التابلوه بتاعها تحفه والموضوع ده أذواق بتختلف من شخص لاخر
ثانيا تكيف العربيه بإختصار جيد جدا مش ممتاز ولما بتمشي بالعربيه والتكييف شغال أداءه بيتحسن وفعلا ببرد منه وبرجعه علي المستوي الأول
ثالثا الموتور أكيد أي عربيه بتختلف لما التكييف بيشتغل وبتحس أنها مكتومه شويه بس مش سيئه بتكون جيده في السحب بس من غير تكييف والله ياجماعه إستحاله تقول أنها 1400 فعلا جباره وللعلم انا عربيتي مانيوال 6 سرعات
رابعا البنزين فعلا الموضوع ده مشكله لأن العرييه بتستهلك بنزين بصوره غير عاديه أكتر من أي عربيه 1600 أنا مستني الصيانه بتاعة الألف وهقولهم علي الموضوع ده في التوكيل
خامسا العفشه تقييمها جيد تحس انها ناشفه شويتين
بس ياجماعه الي متردد انه يشتري العربيه دي يتوكل علي الله ويشتريها

الف مليون مبروك ... وما تقلقش الاستهلاك حيتحسن جدا عند ال 5000 كم وعن تجربة , وفي صيانة الالف مش حتحس بحاجة غير بس ان صوت الموتور وطي علشان تغيير الزيت لكن غير كده مفيش حاجة تانيه... وبالتوفيق...

[shady_hamdy]

فعلا استهلاك البنزين دة اكبر مشكلة فيها و دة سببة وزن العربية غير مكافء مع ال 1400

[mohamed moataz]

الله يبارك فيكوا يارب ويارب فعلا موضوع البنزين يتحسن وشكرا لردكوا عليا وفعلا وزن العربيه كبير علي قوة الموتور بس فعلا مش مؤثر في سحب العربيه غير لما التكييف يشتغل

[ibizaman]

بدام بياثر فى المانوال يبقى هيبقى وح اوى فى الاوتو ال 1400 ده ولا ايه

[karimshady]

مبروك يا باشا..بس ممكن تقول جبتها منين ؟؟

[hossam_elwani]

مبروك عليك

لكن حضرتك من الملاك الجدد الى اكدو فعلا ان العربيه دى استهلاكها فى البنزين وحش ... عشان محدش يجادل

[karimshady]

مش برده موضوع الاستهلاك ده بيتعدل مع تحديث السوفت وير ؟؟

[Hosam_Optrawy]

الف مبروك

[mohamed moataz]

الله يبارك فيكوا مره تانيه بس بالنسبه لموضوع تأثير التكييف علي السحب انا واحد كنت عايش في دبي وكان معايا كامري يعني محدش يتكلم علي قوة الموتور وكان برده بيأثر في السحب دي حاجه طبيعيه في أي عربيه وانا سالت كذا واحد صاحبي قالولي ان البنزين هيبدا يظبط معاك بعد 3000 كم اما بالنسبه لموضوع السوفت وير ده يخص عربيات الإصدار الاول من 2012 علشان فعلا العربيه كانت بتبقي مكتومه جدا جدا بس الإصدار التاني وموديلات 2013 وصلت م كوريا متعدل ليها السوفت وير والعربيه انا جايبها من السبع الي في شارع النزهه

[Tmhami]

ألف مبروك على العربيه
كنت عايز أسئلك أيه رأيك فى التعامل مع السبع الي في شارع النزهه من حيث المعامله والألتزام أصل أنا ليا تجربه سيئه معاهم
أكيد تعرف أ/هانى و فراس

[thunder_are]

الف مبروك على السيارة ..
ياريت تقول أخبار الفرامل معاك ايه هل بتسعفك وللا مش مدياك إحساس بالثقة وأنت سايق

[moha4tec]

الف مبروك و ربنا يديك خيرها و يكفيك شرها
فى سوفتوير بيظبط استهلاك العربيه من البنزين .
ابقى قولهم فى صيانة ال 1000 كم و هما يظبطوهالك باذن الله
و الله اعلم

[S O P H O S]

الف مبروك يا باشا ..

[mohamed moataz]

أسف لتأخري في الرد لظروف سفري بخصوص السبع أنا بس روحت أستلمت العربيه من السبع لاكن متعملتش مع أي حد فيهم لاني المعرض الي أنا جايب من عندو بعت معايا مندوب للسبع وأستلمت من هناك بس دفعت في المعرض الي انا أصلا جايب منه العربيه وبخصوص الفرامل أنا فعلا حسيت أنها مش مسعفه وخفيفه بس مع الوقت أتحسنت كتير بس أنا كان عندي سوال وياريت ألاقي رد من الساده الأعضاء أنا كنت عايز أغير الفوانيس الي موجوده فيها للفوانيس led في أي حد عارف التكلفه بكام ولو حبيت أركب إنذار في التوكيل التكلفه هتكون كام