أستلمت الريو 2013 فضى أخيرااااا تقييم مبدأى وعندى شويه أسئله

[Tmhami]

الحمد لله أمبارح أستلمت العربيه
التفاصيل كالتالى

سعرها 113000
و ديه الفئه التانيه من الأوتوماتيك وكيل
1 air bag
فوج لايت ,بلوتوث,جنط 15 (و الستبن كمان جنط 15) ,مرايات كهرباء ظبط فقط,درج الطابلوه فى مخرج للتكييف (ثلاجه),
طبعا تكييف,سنتر,ريموت و فتح الشنطه نم الريموت

العربيه أستلمتها من السبع ألى فى شارع النزهه
و أخدت دواسات , فواحه , مج وعلبه مناديل و كمان عقد صيانه مجانى لحد 20000km أو سنه

طبعا مش حقدر أعمل تقييم غير لما أمشى بيها شويه الأول وكمان لسه حرخصها بكره (حد يعرف حدفع كام؟)

أنطباعى
(أنا كان معايا جيتز 2008
و لسه معايه سيراتو 2008 برضه يعنى بقالى 5 سنين بسوقهم)

الريوعربيه بسم الله ما شاء الله ناعمه و الباور ناعم و جميل جدا و بيتقل مع السرعات الأعلى
عزم العربيه كويس مش حاسس أن فى مشكله فى السحب أو التسارع (طبعا أنا لسه فى الأول لما أمشى بيها شويه حتبان أكتر)
العربيه واسعه و الأضائه الداخليه كويسه
وضع زراير رفع الزجاج الى على الشمال مش مريح شويه
موضوع الرؤيه الأماميه فعلن أنتا أخرك شايف الطابلوه بس ده عادى فى العربيات الجديده
حلو أن المرايات الجانبيه مثبته فى الابواب بيديها مدى أكبر و كمان عملوا زجاج شفاف فى المكان القديم لتسهيل الرؤيه الجانبيه من الأمام ( عند العجل يعنى)

أنطباعى العام :الحمد لله مبسوط جدا و حاسس أنى أخترت صح

نصبحه أخيره لو مش فارق معاك موضوع الضمان هات خليجى
أنا جبت الوكيل علشان كنت خايف من مشاكل العربيه و خصوصا أن العربيه لسه جديده و ممكن يكون فيها مشاكل (زى الزملاء الأفاضل أتكلموا عنها هنا فى المنتدى)


عندى بقه حبه أسئله كده
1-أزاى بتحكم فى ال eco بعنى أزاى بعمل on/off
2-فى طريقه أنى أعمل off ل air bag
3-أول مره أسوق أتوماتيك فلو حد عنده نصائح ليه فى الموضوع ده
4-الsteptronic ممكن أقلب على المانيوال فى أى سرعه؟

[S O P H O S]

الف مبروك يا باشا
ربنا يباركلك فيها ..
وفي انتظار تقيمك الكامل ان شاء الله

[hanykap]

السلام عليكم.انا معايا العربية بقالى تقريبا شهرين هى كويسة و جميلة بس ثباتها مش عاجبنى شوية او يمكن انا لسة مش واخد عليها بالنسبة ﻷيكو ممكن تقفلة من الكمبيوتر فى االطارةوتحت امركم فى اى استفسار انا معايا الفئة الكاملة و جنط 17.بدون اير باج ولا فتحة سقف اﻷون ابيض

[kliken]

ربنا يباركلك فيها ان شاء الله و ايه اخبار استهلاك البنزين حاسس انه عادى و لا زياده شويه

[Hosam_Optrawy]

الف مبروك ربنا يباركلك فيها ويكفيك شرها

[Tmhami]

ألف شكر لكل الى ردوا
بالنسبه للبنزين ف طبعا أنا لسه محسبتهوش
ححسبها و أقولك
العربيه أنا مستلمها عمله 18 km

[kliken]

عقبال 180000 كيلو ان شاء الله ربنا يباركلك فيها

[A.Adel]

عندى بقه حبه أسئله كده
1-أزاى بتحكم فى ال eco بعنى أزاى بعمل on/off
2-فى طريقه أنى أعمل off ل air bag
3-أول مره أسوق أتوماتيك فلو حد عنده نصائح ليه فى الموضوع ده
4-الsteptronic ممكن أقلب على المانيوال فى أى سرعه؟

4- في أي وقت عادي

[Dr.Makram]

الحمد لله أمبارح أستلمت العربيه
التفاصيل كالتالى

سعرها 113000
و ديه الفئه التانيه من الأوتوماتيك وكيل
1 air bag
فوج لايت ,بلوتوث,جنط 15 (و الستبن كمان جنط 15) ,مرايات كهرباء ظبط فقط,درج الطابلوه فى مخرج للتكييف (ثلاجه),
طبعا تكييف,سنتر,ريموت و فتح الشنطه نم الريموت

العربيه أستلمتها من السبع ألى فى شارع النزهه
و أخدت دواسات , فواحه , مج وعلبه مناديل و كمان عقد صيانه مجانى لحد 20000km أو سنه

طبعا مش حقدر أعمل تقييم غير لما أمشى بيها شويه الأول وكمان لسه حرخصها بكره (حد يعرف حدفع كام؟)

أنطباعى
(أنا كان معايا جيتز 2008
و لسه معايه سيراتو 2008 برضه يعنى بقالى 5 سنين بسوقهم)

الريوعربيه بسم الله ما شاء الله ناعمه و الباور ناعم و جميل جدا و بيتقل مع السرعات الأعلى
عزم العربيه كويس مش حاسس أن فى مشكله فى السحب أو التسارع (طبعا أنا لسه فى الأول لما أمشى بيها شويه حتبان أكتر)
العربيه واسعه و الأضائه الداخليه كويسه
وضع زراير رفع الزجاج الى على الشمال مش مريح شويه
موضوع الرؤيه الأماميه فعلن أنتا أخرك شايف الطابلوه بس ده عادى فى العربيات الجديده
حلو أن المرايات الجانبيه مثبته فى الابواب بيديها مدى أكبر و كمان عملوا زجاج شفاف فى المكان القديم لتسهيل الرؤيه الجانبيه من الأمام ( عند العجل يعنى)

أنطباعى العام :الحمد لله مبسوط جدا و حاسس أنى أخترت صح

نصبحه أخيره لو مش فارق معاك موضوع الضمان هات خليجى
أنا جبت الوكيل علشان كنت خايف من مشاكل العربيه و خصوصا أن العربيه لسه جديده و ممكن يكون فيها مشاكل (زى الزملاء الأفاضل أتكلموا عنها هنا فى المنتدى)


عندى بقه حبه أسئله كده
1-أزاى بتحكم فى ال eco بعنى أزاى بعمل on/off
2-فى طريقه أنى أعمل off ل air bag
3-أول مره أسوق أتوماتيك فلو حد عنده نصائح ليه فى الموضوع ده
4-الsteptronic ممكن أقلب على المانيوال فى أى سرعه؟

مبروك يا باشا
هرد على رقم 3 و 4
انا كان معايا دايو مانيوال من 13 سنة و كنت خايف برضه.. كنت فاكر المشكلة فى ايدى عشان الفتيس .. الاخطر كانت رجلى الشمال لانى لو استخدمتها غلط مع فرامل abs هتبقى كارثة .. انا كنت بحط دراع الدريكسيون الحديد على رجلى الشمال عشان افتكر
اما نقل الستبترونك فانا فى السيراتو بنقل عادى بين الاتنين

[karimshady]

ألف مبروك يا باشا...وحضرتك كنت حاجز ولا استلمتها فوري ؟؟؟
شكرا ليك ومبروك تاني:)

[ehab78]

الف مبروك الكيا ريو فائقة الجمال
وربنا يديك خيرها ويكفيك شرها
وفي انتظار التقرير التفصيلي

[SaimOnatoR]

عندى بقه حبه أسئله كده
1-أزاى بتحكم فى ال eco بعنى أزاى بعمل on/off
الإيكو ممكن تقفله عن طريق انك تدخل على شاشة ال ECO ON من زرار الـ Trip و بعد كدة تدوس دوسة طويلة على زرار Reset هتلاقيها اتحولت لـ ECO OFF
2-فى طريقه أنى أعمل off ل air bag
افتح الباب اليمين قدام و بص على جنب الطابلوه لو لقيت مكان لمفتاح يبقى ينفع تقفله لو ملقيتش يبقى مفيهاش الاوبشن دة و هي لو وكيل مش هيبقى فيها لان انا معايا هاي لاين وكيل و مفيهاش
3-أول مره أسوق أتوماتيك فلو حد عنده نصائح ليه فى الموضوع ده
1-مفيش حاجة مهمة اوي بس اهم حاجة تخلي بالك متجيبش الريفيرس او الباركينج و انت ماشي
2-متجيبش الـN على المنازل لأن العربية كدة كدة فيها حساس للمنازل و بتجيب نقلة اقل عشان تربط السرعة
3- الكيك داون بيحرق بنزين كتير فخد بالك منه
4-الsteptronic ممكن أقلب على المانيوال فى أى سرعه؟
أه عادي راحتك لانها هتحطك على نقلة تناسب سرعتك و تنقل لوحدها قبل ما توصل لـ 7 في الـ RPM
و أخيرا ألف مبروك و ربنا يديك خيرها و يكفيك شرها

[Tmhami]

ألف شكر لأهتمامكم و مباركتكم ليا

بالننسبه للحجز فأنا كنت حاجز من أول 9 عند السبع أوتوموتيف ألى فى شارع النزهه
ب 3000 جنيه
و نصيحه للى عايز يتعامل معاهم
هما ناس محترمه فى التعامل بس فى نقتطين حصلوا معايا

1-ال sales و المدير كمان ميعرفوش حاجه خالص عن مواصفات العربيات و أنا الى كنت بقولهم العربيه ديه فيها كذا و كذا ,الكلام ده لكل العربيات الكيا مش بس الريو
2-لازم وأنتا بتكلمهم تسأل على كل حاجه بالتفاصيل و تسأل حيسلموك العربيه أمتى و الورق أمتى بالظبط و تأكد كمان على ده علشان أنا كنت متفق على حاجه و لما جه وقت التسليم حصل حاجات تانيه خالص و ده بسسب أنى مكنتش متكلم معاهم فى كل التفاصيل

[thunder155]

الف مبروك , ربنا يعطيك خيرها و يكفيك شرها

[montasereliraq]

الف مبروك و ربنا يكفيك شرها و خلي بالك عليها لانها عربيه فوق الممتازة و انا معايا بردو الـ 2013 خليجي

عندى بقه حبه أسئله كده
1-أزاى بتحكم فى ال eco بعنى أزاى بعمل on/off
من الدركسيون قلب في الاوبشن لحد متلاقي نظام الايكو قدامك و خليك دايس على زرار الـ reset دوسة طويله حتلاقيه اتغير من الاون او الاوف و العكس

2-فى طريقه أنى أعمل off ل air bag
مش عارف بصراحة

3-أول مره أسوق أتوماتيك فلو حد عنده نصائح ليه فى الموضوع ده
بيبقى عايز نعومية شويه في السواقه

4-الsteptronic ممكن أقلب على المانيوال فى أى سرعه؟
مش عارف دي بصراحة