سيراتو 2010 مشكلة كركرة الموتور مع زيادة السرعة من 40 الى 60

[ahmedhappy]

أنا معايا سيراتو 2010 وبسمع صوت كركرة فى الموتور و أنا بزود السرعة من 40 الى 60 وقلت للتوكيل على المشكلة ديه مرة فى صيانة ال30000 ومرة فى صيانة 40000 و محدش بيعمل حاجة و مازالت الكركرة موجودة ومش عارف المشكلة فين؟

انا عايز اقولهم يعملوا ايه بالظبط عشان اراجع عليهم بعد كده
ارجو المساعدة

[walidadel81]

طيب الكركره دي بتسمعها وانت مشغل التكيف ركز كده معاها وعرفنا ؟
بتستعمل بنزين ايه ؟؟

[kliken]

على اد معلوماتى المتواضعه اعرف ان لها علاقه بنوع البنزين و جودته و الله اعلم

[ahmedhappy]

أنا تقريبا كده مش بقفل التكيف خالص وبحط بنزين 92 دايما ولو مفيش بحط 95 وهي مرة تحصل و 10 لأ عشان كده مش عارف اقفشها مع انهي نوع بنزين من انهي محطة بس حاجة تضايق جدا

[ahmedsrs]

حط العربية على سكانر وشوف اخبار حساس التسقيف ودا رابط عنه

http://www.nilemotors.net/Nile/62136-a.html

[moha4tec]

مشكله معروفه فى السيراتو او كل الكيا عموما و ملهاش حل .دا لو الصوت كركره اثناء تشغيل التكييف .
و هو صوت فقط و ليس مؤثر على اى شىء
و الله اعلم
و بيتم تغيير بيليه شداد تكييف و سعات +كباس .
و الله اعلم
و الصوت بيرجع تانى بعد شهر او اتنين .

[ahmedhappy]

حط العربية على سكانر وشوف اخبار حساس التسقيف ودا رابط عنه
http://www.nilemotors.net/nile/62136-a.html

يعنى ايه احط العربية على سكانر ممكن توضحلى اكتر؟؟

[ahmedhappy]

مشكله معروفه فى السيراتو او كل الكيا عموما و ملهاش حل .دا لو الصوت كركره اثناء تشغيل التكييف .
و هو صوت فقط و ليس مؤثر على اى شىء
و الله اعلم
و بيتم تغيير بيليه شداد تكييف و سعات +كباس .
و الله اعلم
و الصوت بيرجع تانى بعد شهر او اتنين .

أنا معتقدش إن ده حاجة في التكيف عشان ده بيحصل أثناء المشي والتكيف بيكون شغال قبلها بفترة ده حاجة ممكن فعلا يكون ليها علاقة بالتسقيف بس عايز أعرف لو استخدمت السائل اللي بينضف دورة البنزين هيعمل حاجة ؟؟

[hassanin_lada]

بص ياباشا انا هقول اللي عندي واالله اعلم .. محطات كتير من بعد الازمه وهي بتخلط بنزين 80 علي 90 علي 92 .. انا واحد قريبي قبل كده دخل بنزينت التعاون عشان يحط 92 وكان طالع علي سفر .. العربيه عطلت بيه في الطريق بعد ماجه الميكانيكي اكتشفو ان اللي في التانك ده سولار :d .. اه سولار مع انه كان محاسب الراجل علي ان 92 تخيل انت سولار في نيسان صني .. انعدمت الضمائر .. نصيحه مني ركز علي بنزينه محترمه ومجربها انها مش بتعمل معاك كركره .. انا بحط 80 في لادا لو حطيت من عند التعاون مثلا يبقي وش هروح انضف الكاربرتير .. لكن لو حطيت من موبيل بلاقي العربيه بتطير مني وسحبها روعه والله الموفق واسف للاطاله

[ahmedhappy]

بص ياباشا انا هقول اللي عندي واالله اعلم .. محطات كتير من بعد الازمه وهي بتخلط بنزين 80 علي 90 علي 92 .. انا واحد قريبي قبل كده دخل بنزينت التعاون عشان يحط 92 وكان طالع علي سفر .. العربيه عطلت بيه في الطريق بعد ماجه الميكانيكي اكتشفو ان اللي في التانك ده سولار :d .. اه سولار مع انه كان محاسب الراجل علي ان 92 تخيل انت سولار في نيسان صني .. انعدمت الضمائر .. نصيحه مني ركز علي بنزينه محترمه ومجربها انها مش بتعمل معاك كركره .. انا بحط 80 في لادا لو حطيت من عند التعاون مثلا يبقي وش هروح انضف الكاربرتير .. لكن لو حطيت من موبيل بلاقي العربيه بتطير مني وسحبها روعه والله الموفق واسف للاطاله

أنا شاكك إن ده موضوع بنزين فعلا وعشان كده أنا هافضل فترة امون من بنزينة واحدة وأراقب الموضع لو اتكرر تاني

شكرا لحضرتك

[temo85]

لوحطيت منظف الدورة هيفرق معاك لحد ما يخلص و بعد كده الصوت هيرجع تانى

[moha4tec]

بالظبط كده

[hassanin_lada]

أنا شاكك إن ده موضوع بنزين فعلا وعشان كده أنا هافضل فترة امون من بنزينة واحدة وأراقب الموضع لو اتكرر تاني

شكرا لحضرتك

العفو ياباشا .. بالنسبه لمنظف دورة البنزين انا حطيت نوع صناعته امريكي بس مش فاكر اسمه ومحستش بأي فرق يمكن لانك كنت لسا منضف الوش بس بحس ان الحاجات دي اشتغالات

[temo85]

العفو ياباشا .. بالنسبه لمنظف دورة البنزين انا حطيت نوع صناعته امريكي بس مش فاكر اسمه ومحستش بأي فرق يمكن لانك كنت لسا منضف الوش بس بحس ان الحاجات دي اشتغالات

منظف stp من اى on the run موجود من 25 جنيه حتى 65 جنيه ازازة سودا برقبه طويلة بيضيع الصوت ليومين بالكتير و يرجع تانى
افضل البنزينات خليك مع وطنية او امارات مصر بس

[moha4tec]

موبيل اللى فى الرحاب جامده جدا
سحب افضل و استهلاك اقل بكتير