رسميا كيا سيراتو الجديدة k3 تبدأ البيع فى كوريا ... المواصفات والأسعار

[ALSHARIEF]

معتقدش إن المواصفات دى كلها هتنزل مصر

ياباشا تفائلوا بالخير تجدوه ............. إن شاء الله تنزل بكل الإمكانيات و بسعر تنافسى ( ده طبعا كلام فى الأحلام ) بس أدينا بنتفءل و إن شاء الله نجد الخير .

[Hosam_Optrawy]

تسلم ايديك يا كبير تقرير روعة زى العادة
واعتقد السعر هيزيد ما بين 5 الى 10 الاف فى كل الفئات لانه لاازم يبعد عن الريو
علشان يعرف يبيع ، فى كلام انها هتنزل خليجى على اول 3 شهور من السنة الجديدة
طبعا التوكيل استحالة غير بعد ما يخلص
ستوك 2013 اللى اعتقد ان اسعاره هتنزل مع بداية السنة الجديدة
انا شخصيا مش عجبنى الشكل الجديد ...مفيش نقلة كبيرة فى الشكل
اختلفت فى الماتور اللى تقريبا بتاع السول ( دعبس فى الحتة دى يا حسام )
نفس العفشة واللعب بس فى السوست
نفس الكماليات اللى هتنزل مصر بالمقارنة ب 2012
معرفش جودة الخامات اختلفت ولا لا عن اللى موجود فى اعلى فئة حاليا
التغير الواضح فى التبلوه وتنسيقه والعدادت
شخصيا شيفها صفقة خسرانة لو لعب فى السعر

حسام محتاجة مقارنة بين 2013 و 2014 على قدر المعلومات المتاحة

حبيبى يابوليلى

يارب السعر مايزدش كتير

بس معقوله مش عاجبك شكلها , دى بقت حاجه تانيه , اى نعم السيراتو الحاليه لسه شكلها حلو بالرغم من انتشارها الغير عادى لكن ماتقدرش تقول شكلها قدم , بس الجديده اكيد اجمد :)

الموتور هايبقى زى بتاع السول والالنترا , والفتيس 6 سرعات بس موديل تانى , العفشه مش هاتبان غير لما تتركب وتتجرب , وكذلك الخامات والتقفيل مش هاتبان غير على الطبيعه

انا شايف ان لو المواصفات والكماليات نزلت معقوله وسعر الهاى لاين 145 هاتبقى جامده

ربنا يسهل فى موضوع المقارنه

يخربيت كده

ايه دى؟!!! عم بيتر مش راحمنا أبداااااا

كده الواحد هيكره سوسو

حساااااااااااااااام اوعى تقولى ان الصورة دى معناها اتو بارك !!!!!!!!!!!!!!

ايون :) ماهو بينزل فى الالنترا برضه بس طبعا مستحيل نشوفه عندنا دا فى كوريا فقط

يا حسام باشا أنا معاكم فى قائمة البايعين و لو إن سوسو متهونش عليا و العشرة ماتهونش بالساهل يعنى

و بالنسبة لأنا عايز أعرف إيه فأنا عايز أعرف كل كبيرة و صغيرة عن العربية ده الله يخليك كل حاجة كل حاجة كل حااااااااااااااااااااااااااااااااااااااااااااااااا اااااجة

ربنا يسهل المعلومات هاتبتدى تبان كل شويه

اللى عرفته دلوقتى

بخصوص الايروداينمك ومقاومة الهواء ان ال drag coefficient بقى 0.27 Cd وبالرقم دا تعتبر الافضل فى فئتها

الموتور الجديد مع الفتيس المفروض انهم هايكونوا موفرين اكتر فى البنزين

قاعدة العجلات الاكبر 2700 هاتدى وسع داخلى افضل

دواسة البنزين اتغيرت بقت Oragn-Type

فيها كماليات اول مره تنزل فى فئة ال Compact زى الكرسى الكهربا بميمورى طبعا مش شرط ينزل مصر واكيد مش هاينزل زى كماليات كتير فيها عشان السعر مايضربش فى العالى اوى

كيا بتقول ان بقالها 3 سنين ونص بتبحث وتطور فى الجيل دا بتكلفة 270 مليون دولار تقريبا , وبتتوقع ان المبيعات خلال 2014 هاتكون نص مليون

ملاحظاتى

فيها تسخين مقود ........ ايه الدلع والترف ده الله

وكمان جنط السيراتو ال 17 الحاليه هو نفس شكل الجنط ال16 الى حينزل فيها

اطول 3 سنتى واعرض 2 سنتى وخمسه ملى

وكمان تكييف مقاعد اماميه بلبارد مش تسخين بس

و ياترى التكيف الخلفى اساسى ؟؟

مش عارف والله بس معتقدش

الف شكر ياباشا على التقرير . احنا عايزين نعرف كل حاجه عنها و زى ما قال ابوليلى محتاجين مقارنه بينها و بين 2012 فى ضوء المعلومات المتوفره عنها . بس اللى ملاحظه مبدئيا جوده خامات التابلوه عن الحاليه صح؟

هى كيا عموما كانت قالت من فتره ان الفتره الجايه هايركزوا على جودة الخامات والكواليتى اكتر من الاول , هاتبان لما نشوفها على الطبيعه

الفروق المبدأيه دلوقتى هو الموتور بقى اقوى شويه والفتيس 6 سرعات بس موديل تانى ممكن يبقى احسن وقاعدة العجلات كبرت فهاتدى وسع اكتر ودواسة البنزين اتغيرت بقت Organ-Type والايروداينمك ومقاومة الهوا بقى احسن واستهلاك بنزين المفروض انه هايبقى احسن واللى بيتقال برضه ان العزل والاحساس بالضوضاء هايبقى افضل

اللى هايحسم الموضوع هو المعاينه على الطبيعه وتجربة العربيه , وان التوكيل ينزل مواصفات وسعر معقول كدا يبقى المعادله كملت

[MohammedAladel]

ياباشا تفائلوا بالخير تجدوه ............. إن شاء الله تنزل بكل الإمكانيات و بسعر تنافسى ( ده طبعا كلام فى الأحلام ) بس أدينا بنتفءل و إن شاء الله نجد الخير .

تخيل لو نزلت بكل دا

إلنترا هتروح فين ؟؟؟؟ خصوصا لو كانت بنفس السعر

بعدين هل الوكيل هنا فى مصر لو نزلها بكل الأوبشن دا من سخانات وركن أوتوماتيكى وثبات ألكترونى هيبيعها بأسعار الألنترا ؟؟ لو غلى فى سعرها عن الإلنترا بكل فئاتها الناس هتبعد وتدخل فى الباسات مثلا

هى لو نزلت بالأوبشن الأساسية بس مع الشكل الجديد وبنفس أسعار الإلنترا هتحط ع الإلنترا ومتوقع إن مبيعات إلنترا هتقل بعد نزول السيراتو

خصوصا إن شكلها أفضل بكتير بس مننساش إن هيونداى وكيا واحد فأكيد هما حاطين خطة موازنة لأن فى نفس الوقت وكيل هيونداى غير وكيل الكيا طبعا وكيل الكيا أفضل ودى حاجة فى صالح السيراتو

[eng_maged]

شكرا ليك ولمجهودك

[Mohamed.Ramah]

ياباشا الحسبه دى مش ثابته ولو حسبتها على كل العربيات هاتلاقى كل التوكيلات بقى بتسرقنا مش كيا بس , وبعدين الاسعار والمواصفات بتختلف من كوريا لامريكا لمصر

ربنا يستر وماتنزلش غاليه عشان مايجيليش احباط لانى بصراحه مش متفائل بعد مالاقيتها بنفس اسعار الالنترا فى كوريا , بس ارجع واقول الاسعار اللى انا قولتها تقريبيه والمواتير والاوبشنز مختلفه ربنا يسهل

الكلام دة لو انا مقارن بين سعر الكيا وباقى السيارات لاكن انا جايب سعرها تحديدا فى الخارج ويعتبر اعلى سعر ومقارنة بالامكانيات والسعر العندنا فى مصر للعلم كل البيفرق عن هنا ان الافضلية ليهم فى الموتور ودة لية عامل كبير لو بتنزل ب 2.0 فى الخارج طبعا السعر حيكون زى ما انا كتبت وحسبت لاكن التوكيل اصلا بينزل العربية باقل موتور 1.6 يعنى بيدفع سعر اقل جمارك ومع ذلك سعرها فى مصر اغلى والتجهيزات الاساسية الامان بتنزلنا 2 ايرباج او ايرباج واحد اول فئة ومع ذلك تباع اقل من سعر الموجودة هنا كما وضحت الزيادة لاول فئة واعلى فئة
سعر السيارة محدد من 15.400 ل 16.035 ودة اعلى سعر لاول فئة عالميا ومع ذلك حتلاقى ان سعر اول فئة بمصر موديل 2013 103.000 هل تعتقد ان الفارق دة بيكون فى اية غير انة سرقة نفس الحال باقى التوكيلات بتنزل باسعار مبالغ فيها الموضوع هنا اننا لازم ناخد بالنا علشان لاقيت كلام بيقول ان سعرها
حينزل على الاقل ازيد يصل ل 115.000 دة على اساس اية !

عموما انا من راى ا / ابو ليلى لما تنزل ونشوف اية الحيفرق عن الموديل الحالى وعلى الاساس دة نقول لية حق يزود لان الملاحظ ان كل الكماليات المذكورة نفسها المحددة لهيونداى ومع ذلك مشفناش منها اى حاجة فى مصر غير ايرباج واحد وفتحة سقف وهكذا :) وعذرا على الاطالة

الحسبه دى فيها خلل لان استحاله تنزل اول فئه بلسعر ده .....

ولا خلل ولا حاجة ياريت حضرتك تقولى بتحسبها ازاى ممكن يكون ليك وجهة نظر تانية لو بتحسبها ان التوكيل حيرفع السعر عن الكيا ريو يبقى اصلا الحسبة لازم حتكون شايف فيها خلل لان توكيل كيا سارق فى سعر الكيا ريو وانا كاتب السعر التقريبى والاعلى على مستوى العالم الاختلاف بيكون بسيط فى الخارج مش زى عندنا
سعر الكيا ريو على مستوى العالم محدد من 13.400 ل 13.600 دولار والتجهيزات واحدة ولاول فئة هنا تباع بكام ؟ زيادة لاول فئة بعد مكسب التوكيل والجمارك تصل ل 97.000 جنية بفارق 15.300 جنية هل دة كلام خاطىء ممكن تراجع السعر التباع بية دة بغض النظر ان الفارق فى التجهيزات لصالح الخارج طبعا عذرا
بس انا مش بحسبها بالشكل وبس ..

[devil_storm]

عربية شكلها جامد, و مشتركه مع الالنترا فى معظم الحجات... لو منزلتش باوبش زياده عن الالنترا يبقى كده مفيش جديد عن الالنترا و هى هى تقريبا مع اختلاف الشكل... بس انا شايف انها حتنزل بمواصفات اعلى من الالنترا و شوفوا مواصفات الريو مقارنتا بال rb و انتو تفهموا قصدى.

[MohammedAladel]

عربية شكلها جامد, و مشتركه مع الالنترا فى معظم الحجات... لو منزلتش باوبش زياده عن الالنترا يبقى كده مفيش جديد عن الالنترا و هى هى تقريبا مع اختلاف الشكل... بس انا شايف انها حتنزل بمواصفات اعلى من الالنترا و شوفوا مواصفات الريو مقارنتا بال rb و انتو تفهموا قصدى.

هى الريو موتورها أصغر من موتور الآربى يعنى الريو 1400 سى سى بيطلع 109 حصان

الآربى نفس موتور السيراتو الحالية وبيطلع 124 حصان طبعا الشكل أذواق بس الريو أفضل بالنسبة لى

والآربى بحس إنها شكلها أفضل من الإلنترا أنا حاسس إن الإلنترا مضروبة فى خلاط مولينيكس

بس هى عربية كويسة طبعا والشكل أذواق وهى أفضل من الآربى برضه :)

[moha4tec]

الف شكر على التقارير الجميله .

[ahmad--ezzat]

الاربي بي سفقه رابحه جدا وموتور اقوه من الريو
الالنترا اجمل من السيراتو واحلي واحدث

طبعا الكلام ده وجهه نظر بحتيه :)

[Hosam_Optrawy]

الف شكر على التقارير الجميله .

العفو ياباشا

الاربي بي سفقه رابحه جدا وموتور اقوه من الريو
الالنترا اجمل من السيراتو واحلي واحدث

طبعا الكلام ده وجهه نظر بحتيه :)

عادى الشكل دايما بيبقى اذواق مستحيل حاجه تعجب كل الناس

[SAMEH_FOUAD]

معرض كان منزل اعلان فى ملحق سيارات جريدة الاهرام وحاطط صورة السيراتو الشكل الجديد

وكاتب انتظروا السيراتو 2013 الشكل الجديد الاسعار تبدأ من 104900 الف جنية

[Amr_Moh]

بصراحة حلوة

[Hany_Bek]

شكرا ع المعلومات....بس شكلها فعلا حلوة

[MohammedAladel]

أعتقد سعرها هيبقى زى الإلنترا

[Hosam_Optrawy]

معرض كان منزل اعلان فى ملحق سيارات جريدة الاهرام وحاطط صورة السيراتو الشكل الجديد

وكاتب انتظروا السيراتو 2013 الشكل الجديد الاسعار تبدأ من 104900 الف جنية

انا شوفت الاعلان ومش مصدق السعر بصراحه

أعتقد سعرها هيبقى زى الإلنترا

ربنا يسهل وتبقى ارخص بفارق