حجزت سول و محتاج النصيحة ؟

[shouk_1987]

السلام عليكم يا وحوش و رجالة كيا و خصوصا أصحاب السول,,,,,

أنا الحمد لله توكلت على الله و حجزت سول هاى لاين وكيل 2013 من محمد زكى ( دفعت ألف جنيه فقط ) و المفروض الاستلام فى خلال شهر ان شاء الله ( لما المركب تشّرف المحروسة)
كان عندى كام سؤال مهمين بالنسبالى و ياريت أصحاب السول ما يبخلوش عليّا بالاجابة :

1- أخبار العفشة ايه فى الثبات و الراحة و التحميل ( أكتر حاجة قلقانى عشان تورشن بيم ) علما بأن الوكيل جنط 16 ( اتعلم أخيرا ان 18 فاشل فى مصر )
ياعنى ال 180 و السرعات ديه أخبارها ايه معاها
2- أنا من هوّاه الجرى بس مش كتير بس دايما بحب العربية فايقة و تحت رجلى ( و ده السبب الرئيسى لابتعادى عن الكارينز ) أخوكم فيرناوى على أبوه
أنا عارف ان الماتور 130 حصان ( حد عارف عزم كام و إمتى ) و الفتيس 6 سرعات فمتوّقع أداء محترم جدا
3-أخبار استهلاك البنزين ايه
4-الوسع و مساحة الأرجل الخلفية و مساحة الشنطة ( أنا عارف انها لاتقارن بالكارينز بس نقدر نقول بتشيل زىّ معظم السيدان, صح ؟؟؟
5-أخيرا أسعار السيرفيس و الصيانات و خلافه ( أنا بصيت على الأسعار اللى فى المواضيع المثّبتة لاقيته زىّ السيراتو و باقيت الشلّة )
و سمعت معلومة كدا بس شاكك فى صحتها, ان تيل الفرامل بتاعها ضارب فى السما و بيوصل ل 600 جنيه ( جوه الوكيل طبعا ) و الباقى عادى, ممكن حد يأّكد المعلومة ديه ( أنا كنت بفوّق الفيرنا كلها بال600 دول !!!! )

معلومة أخيرة : الوكيل التييت ده حاطط ال ABS و ال EBD فى الهاى لاين بس و دول أكتر حاجة محتاجهم من الهاى لاين لأنى حرام أدفع و أركب 130 ألف فى تانى فئة و مافهاش مبادئ الأمان
( أنا مش فاهم ياعنى يحطّوا طارة مالتى و بلوتوث و سينسورز و ميحطوش ABS )
دماغهم فيها ايه

تعبتكوا معايا يا رجّالة و ألف شكر على تعبكم معايا و متعشّم فيكم خير يا رجالة
ماتنسونيش يا حسام باشا و انت يا عم شهدى
رأيكم يهمنى برده

[dodopop2]

متاااااااااااااااااااااااابع

[AMRTOTI]

السول عربية جميلة جدا وكنت هشتريها
بس
هل تعلم انها بعد 6 شهور هتبقى عربية قديمة علشان نازل منها شكل جديد محتلف كليا
انصحك تصبر دلوقتى علشان متندمش بعد كدة

[hassanin_lada]

opzzzzzzzzzzzzzz

[ابو ليلى]

السلام عليكم يا وحوش و رجالة كيا و خصوصا أصحاب السول,,,,,

أنا الحمد لله توكلت على الله و حجزت سول هاى لاين وكيل 2013 من محمد زكى ( دفعت ألف جنيه فقط ) و المفروض الاستلام فى خلال شهر ان شاء الله ( لما المركب تشّرف المحروسة)
كان عندى كام سؤال مهمين بالنسبالى و ياريت أصحاب السول ما يبخلوش عليّا بالاجابة :
وعليكم السلام ورحمة الله وبركاته واهلا بيك معانا بأذن الله نمر من نمور كيا
الف مبروك وبأذن الله تستلم على خير ويارب يبارك فيها
انا مش ملاك العربية بس السول اكتر عربية بسوقها من بعد عربيتى


1- أخبار العفشة ايه فى الثبات و الراحة و التحميل ( أكتر حاجة قلقانى عشان تورشن بيم ) علما بأن الوكيل جنط 16 ( اتعلم أخيرا ان 18 فاشل فى مصر )
ياعنى ال 180 و السرعات ديه أخبارها ايه معاها
العفشة احسن كتير من السيراتو فى احساس بالنشوفيه بس مش كبيرة اللى تتعب
2- أنا من هوّاه الجرى بس مش كتير بس دايما بحب العربية فايقة و تحت رجلى ( و ده السبب الرئيسى لابتعادى عن الكارينز ) أخوكم فيرناوى على أبوه
أنا عارف ان الماتور 130 حصان ( حد عارف عزم كام و إمتى ) و الفتيس 6 سرعات فمتوّقع أداء محترم جدا
من الناحية دى اتاكد تماما انك هتخاف تجرى بيها لانها فعلا سحبها فوق الممتاز مع التجميع بسرعة
3-أخبار استهلاك البنزين ايه
هيكون عالى معاك فى الاول علشان بتتلكك تعمل كيك دون وبعد فترة هيتحسن
4-الوسع و مساحة الأرجل الخلفية و مساحة الشنطة ( أنا عارف انها لاتقارن بالكارينز بس نقدر نقول بتشيل زىّ معظم السيدان, صح ؟؟؟
صح
5-أخيرا أسعار السيرفيس و الصيانات و خلافه ( أنا بصيت على الأسعار اللى فى المواضيع المثّبتة لاقيته زىّ السيراتو و باقيت الشلّة )
و سمعت معلومة كدا بس شاكك فى صحتها, ان تيل الفرامل بتاعها ضارب فى السما و بيوصل ل 600 جنيه ( جوه الوكيل طبعا ) و الباقى عادى, ممكن حد يأّكد المعلومة ديه ( أنا كنت بفوّق الفيرنا كلها بال600 دول !!!! )
لا ما هو انت تعمل حسابك انك متقارنش اسعار الصيانات بالفيرنا علشا هتتعب
هو ممكن يوصل بالسعر ده بس بالضريبة والتركيب

معلومة أخيرة : الوكيل التييت ده حاطط ال ABS و ال EBD فى الهاى لاين بس و دول أكتر حاجة محتاجهم من الهاى لاين لأنى حرام أدفع و أركب 130 ألف فى تانى فئة و مافهاش مبادئ الأمان
( أنا مش فاهم ياعنى يحطّوا طارة مالتى و بلوتوث و سينسورز و ميحطوش ABS )
دماغهم فيها ايه
ده طمع مش اكتر وفعلا بيهرج بس ما باليد حيلة

تعبتكوا معايا يا رجّالة و ألف شكر على تعبكم معايا و متعشّم فيكم خير يا رجالة
ماتنسونيش يا حسام باشا و انت يا عم شهدى
رأيكم يهمنى برده

[Hosam_Optrawy]

ابو ليلى قالك المفيد

ولو يهمك موضوع الشكل فلازم تحط فى الاعتبار ان السنه الجايه فى شكل جديد ان شاء الله

العزم 157 نيوتن @ 4850

ولو انت من النوع اللى بيجرى وبيحرق كتير يبقى ماتسألش على استهلاك بنزين :)

بالتوفيق ان شاء الله

[shouk_1987]

أيواه بأه يا رجالة هوّ ده الكلام ,,,,,

بس لسّه محدش رد عليّا فى الثبات و الملفات بما إنها عالية شويّة ( برده من متطلباتى الأساسية العلوّ عن الأرض عشان عندى مشكلة فى ركبتى )
أنا مش مقديها جرى و غرز و شقلبة أكيد (كانت أيام ) بس أحب أعرف أنا داخل على إيه

نيجى بأه لتغير الشكل, العربية من 2009 ياعنى خمس سنين عشان الشكل يتغير يبقى آخر موديل المفروض 2013 بس ماتنسوش إن كان لسه فيه facelift من أول 2012 مع تغيرات جذرية ( ماتور و فتيس )
ما اعتقدش الموديل الجديد ينزل مصر قبل آواخر 2014
و كمان أنا ماعنديش وقت أصبر تانى ( بنتكلم فى سنة بالميّت )

نصيحة برده يا رجالة و أنا آسف طوّلت عليكما
الفئة التانية مناسبة بالنسبالى بس ينقصها ABS و EBD زىّ ما قولت قبل كده
طبعا الهاى لاين فيه شوية زيادات أكيد حلوّة بس أنا مستغليها حبيتن ( 130 مقابل 142 )
الفرق فى الآتى :
1- مصابيح أمامية عدسات + LED أمامى و خلفى ( شوفتهم ورا شكلهم وهم ) - فى الآخر منظر مش أكتر بس أكيد العدسات أنضف
2- passenger air bag ( السائق فى الفئة التانية )
3-حساس إضاءة - أكيد فاكس ( مش مقضيها أنفاق ياعنى )
4-مثبت سرعة - و هوّ ده اللى ضرب سعر الهاى لاين - أكيد جميل بس استخدامه محدود جدا - آخره هيبقى فى طريق السخنة أو الصحراوى و ال sales قالى طريق الصعيد الجديد و أنا عمرى ما طلعته و ماليش حد هناك
5-مراية ذاتية التعتيم - مش فارقه كتير و العربية ماتفيمه أصلان
6-كاميرا خلفية - أعتقد جميلة بس أنا ماجرّبتهاش قبل كده بس السينسورز طول عمرها مقضية الغرض ( السينسورز موجودة فى الفئة التانية ) - مركبهم فى الفيرنا على فكرة
7- و أخيرا اللى أنا عايزه و هو ال ABS اللعين

أول حاجة لو جيت تقول لحد العربية ديه ب 130 موديل 2013 و مافهش ABS هيضحك عليك و أنا أولهم
( إيه رأيكوا فى الكلام ده لأن هو ده مربط الفرس- فئة تانية و لا هاى لاين ؟؟؟؟؟؟؟؟؟؟؟؟؟؟ )
هو الحمد لله الفلوس موجودة بس أنا مقلق شوية من إعادة بيع الهاى لاين لأن أعتقد هامش الخسارة فيها هيبقى كبير ( للعلم أنا ان شاء الله مش ناوى أبيع و لا عارف هابيع إمتى بس العلم عند الله برده)

آخر حاجة يا رجالة ( فى المشاركة ديه بس )
أنا لا أفقه شىء عن التأمين و حواراته ( خبرته بالنسبالى = 0000 )
واحد صاحبى ناصحنى ب أروب و واحد قالى alliance نضيفه قوى و قالولى ابعد عن الشركات الحكومية زىّ مصر للتأمين
حد ممكن يقولى أعمل ايه بالظبط من بداية استلام العربية أو موضوع فى المنتدى لامم القصة ديه

نسيت أقول أكيد حد هيعد يقولى ما تركب fluence و لّا كروز و لّا زود و اركب يابانى و لّا غيره
ماينفعش غير إنى أركب عربية عالية و كل دول مايكلوش
أنا فحصت السوق و مش لاقى حاجة مناسبانى زيرو أكتر من السول و آخرى 140 لحلوح ( أنا أول ما شفت العربية ديه على فكرة و هيا داخلة دماغى و معششة)
ماحدش عنده عروسة كده زى التيجوان أوتو ( اللى هى منزلتش غير مانوال أصلا ) ب 140 مثلا

ألف شكر يا رجالة على تعابكوا معاية و عاش يا رجالة كيا

[Hosam_Optrawy]

هو فعلا اهم فرق بين الفئه التانيه والهاى لاين هو ال abs وال ebd والايرباج التانيه , تيجى بعدهم الكاميرا

باقى الحاجات مش هاتفرق غير فى الشكل زى ال led ومثبت السرعه لو بتسافر كتير

بصراحه ان شايف الفرق مايساويش 12 الف خالص

وفى نفس الوقت ال abs مهم وانت مش بتشترى عربيه كل يوم خصوصا انك بتقول مش ناوى تبيع قريب ان شاء الله

يبقى يا تختار التوفير وتستغنى عن الحاجات دى

او تجيب الكامله وانت كدا كدا لو جيب تبيع بعد 5 سنين او اكتر الخساره هاتبقى هى هى فى كل الفئات تقريبا بس انت هاتبقى استمتعت وخدت العربيه كامله

الاختيار التالت انك تشترى خليجى

القرار ليك

[shouk_1987]

فكرت فى الخليجى بس للأسف مش جايلى قلب
أولا الخليجى كله جنوط 18 و ده أثبت فشل عظيم من دبدبة عفشة و نشوفية و ماقولكش عالبقاليل
ثانيا بيجى مثلا ب start/stop engine و esp .و دول أكيد تحفة بس ماقدرش أضمنهم من غير ضمان
ياعنى لو حصلهم حاجة هاعيط جنبهم
و على فكرة ب 138 ياعنى أرخص من الوكيل
أنا بسمع قصص عن مواتير و فتيس فى عربيات زيرو فمقلق قوى فى الخليجى

ممكن يا حسام باشا تفهمنى ياعنى إيه بعد خمس سنين مثلا كلهم واحد
ياعنى هى حاليا من 123 ل 142 ، بعد خمس سنين مثلا يبقوا بكام افتراضا ياعنى ؟؟

[Hosam_Optrawy]

فكرت فى الخليجى بس للأسف مش جايلى قلب
أولا الخليجى كله جنوط 18 و ده أثبت فشل عظيم من دبدبة عفشة و نشوفية و ماقولكش عالبقاليل
ثانيا بيجى مثلا ب start/stop engine و esp .و دول أكيد تحفة بس ماقدرش أضمنهم من غير ضمان
ياعنى لو حصلهم حاجة هاعيط جنبهم
و على فكرة ب 138 ياعنى أرخص من الوكيل
أنا بسمع قصص عن مواتير و فتيس فى عربيات زيرو فمقلق قوى فى الخليجى

ممكن يا حسام باشا تفهمنى ياعنى إيه بعد خمس سنين مثلا كلهم واحد
ياعنى هى حاليا من 123 ل 142 ، بعد خمس سنين مثلا يبقوا بكام افتراضا ياعنى ؟؟

دى حاجه صعب تقديرها لان السوق بتاعنا كل سنه بحال

بس انت مثلا ممكن تشوف اى عربيه كانت بتتباع من 5 سنين ب 120 الى 140 الف وشوفها بتتباع بكام دلوقتى

مع الوضع فى الاعتبار ان السول عربيه مش سيدان ومش منتشره وقليله ومميزه فسعرها هايبقى اقل من الطبيعى

عشان كدا قولتلك كله فى المستقبل هايخسر كتير

[shouk_1987]

يا ريت لو حد من ملاك السول يدخل يقلى العربية عامله إيه معاه و يقولى رأيه برده

[K_E]

انا معايا العربيه وماشي بيها 15 الف كيلو خليجي هاي لاين استبترونك 4 سرعات واسمارت كي و esp و2 اير باج و abs
الي خلاني اجيب الخليجي وسائل الحماية لانها في نظري اهم حاجه فالعربية
بس زي مابتقول لانها جنط 18 المطبات صعبه اوي وبتحس باصغر نقره عالطريق
العربية ماشاء الله ثابته جداً في الملفات وعلى سرعات كمان وبتجري بس اخرها 175 مش 180 يمكن علشان بتاعتي موديل 2011 قبل مايعدلوا الموتور
بس وانا جايب ال 175 كانت ثابته جداً والتحكم طبيعي جداً
استهلاك البنزين في متوسط 10 لتر لكل 100 كيلو
الكاميرا الخلفية ممتازة وبتشتغل فالعتمه وشايف انها مهمه في العربيه لان الازاز الي ورا صغير وعالي والعمدان الي في الجمب ورا كبيره اوي والسنسور مش بيجيب حاجات كتير

هي دي اول عربية ليا فمش قادر اقارنهالك بعربية تانيه لو في اي سؤال انا تحت امرك

[2CODE]

شوف انا ركبت العربية دي مع المبيعات بتاع التوكيل في كيا واحنا رايحين نشوف الريو بتاعتي في المخزن لانه رفض يجيبها المعرض علشان محدش يدخل عنده يشوفها كل شويه فكان يعني مخبيها لان دلوقتي في اوفر برايس وكلام كتير علي الاسعار في الريو والسبورتاج والله المستعان

عموماً واحنا ماشيين قلت له ممكن اجرب العربية قال لي اتفضل المهم ركبت وصدقني العربية من غير abs و ebd على سرعتها هتلاقي الفرامل مش بالشكل اللي في بالك بس حلو

يعني احنا كان قدامنا الشارع فاضي لان المخزن برا البلد فقررت اجري شويه وحبيت اهدي اخدت وقت عكس ما هيكون عندك abs و ebd اقل فرامل هتأثر على سرعة العربية في اقل من ثانيتين او ثانية

انا عن نفسي مش بحب امشي بسرعة بالعربية انا ببقي براحتي على الاخر ومشغل الايبود والتكيف وماشي براحتي :)
ولكن فعلاً الـabs و ebd مهمين عموماً لانها اصبحت "أ ب" وسائل امان في اي عربية فئة عالية والسول طبعاً من العربيات الفئة العالية هي والسيراتو الريو ... الخ

نصيحتي اذا معاك المبلغ توكل على الله واشتري الهاي لاين توكيل علشان متتعبش نفسك وتدخل في حوارات فلوس كتيره مع التوكيل لو كان في العربية مشكلة لاقدر الله وانت خليجي هتلف حوالين نفسك مليون مره على الشكاوي
وانا اشتريت الهاي لاين بس علشان الـABS و EBD مابالك انت عندك كاميرا وليدات زيادة ؟ انا لو منك من غير تردد اخد الهاي لاين

[ابو ليلى]

فعلا الفرامل ضعيفة من غير abs بالمقارنة بالسيراتو ولكن لو اتعودت عليها هتستغنى عن ال12 الف الفرق وفى النقطة دى بالتحديد الراى الاخير ليك
خلينا فى التأمين طبعا معروف ان التأمين فى القسط بيكون اجبارى وفى حالة الكاش بيكون اختيارى وشرعا حرام طبعا
التوكيل متعاقد مع مصر للتامين النسبة تقريبا 3.5 % ، العربية عملت حادثة تروح توديها التوكيل يتصلو بيك تعالى استلم وادفع 10 % نسبة تحمل بالاضافة الى خصم نسبة 25 % فى حالة السرقة لا قدر الله وده معمم على كل شركات التامين وبالمناسبة الموضوع ده هيقررو فى شهر 12 اذا كان هسيتمر ولا لا
كل ما نسبىة الشركة عليا يبقى المميزات اعلى والخدمة ممتازة
محتاجة بحث شوية منك علشان النسب بتتغير كل فترة

[shouk_1987]

فعلا الفرامل ضعيفة من غير abs بالمقارنة بالسيراتو ولكن لو اتعودت عليها هتستغنى عن ال12 الف الفرق وفى النقطة دى بالتحديد الراى الاخير ليك

أولا شكرا يارجالة على الردود الحلوة ديه و معلش أنا كنت ملخوم فى الشغل جامد اليومين دول و مدخلتش على المنتدى تقريبا

ثانيا كنت عايز أعرف ما علاقة قوة أو ضعف الفرامل بوجود abs أو بعدم و جوده
لأن ال abs فكرته أنه ما يخليش العجل يقفش و يعمل نبضات
لكن مشوار الفرامل و قوتها واحد فى الحالتين
هو ال ebd ممكن اللى يفرق لأنه بيوزع قوة الفرامل على الاربع عجلات فممكن فى الحالة ديه تحس بقوة فرامل مختلفه عن عدم وجوده

يا ريت حد يأكد كلامى و يصححلى معلوماتى لو أنا غلطان