سيراتو 2008 ex

[creative_art]

السلام عليكم ورحمة الله

كيفكم ياشباب .. ان شاء الله تكونو بصحه وخير جميعا

استفساري بسيط جدا كنت عايز رأي الكياويه عن السيراتو 2008 .. الى هو الشكل القديم .. فئة EX .. اتوماتيك و من غير ABS ولا جنوط سبور الى بينزل بره بإسم spectra sedan



انا كان معايا كيا شوما من حوالي 10 شهور ودي كانت مواصفات امريكي مفيش زيها فتحة سقف ABS EBD وكل حاجه حلوه فى الدنيا وعربيه اسد عالطريق تتقارن بالألمانى بجد



دلوقتى انا كنت عايز اعرف السيراتو 2008 دى ايه اخبارها عالطريق ياجماعه ... بالنسبه للثبات وال HANDLING عالسرعات العاليه هي افضل ولا زي الشكل الجديد .. مع العلم انا كنت اسمع ان الشكل الجديد فيه مشكله فى تصميم العفشه الخلفيه وانه على دونجل مش مستقل زي الالمانى ..



وكمان بالنسبه للخامات الداخليه .. ال durability والموتور بيطلع كام هورس باور ... واية مدي امكانيتها فى التعديل الرياضي لو حبيت العب ... ياريييييييييت كل حاجه عن العربيه مميزات عيوب الى يعرف معلومه ميبخلش بيها عن اخوه

[temo85]

اللى اعرفه ان الموديل ده حلو جداااا و ممتاز وحسن من النيو سيراتو

[Abohmaid]

بص يا سيدى الفاضل العربيه دى معايا من اربع سنوات والعربيه بالنسبالى ممتازه وزى الفل وثابته على الطريق بما يتناسب مع متطلباتى .... الخامات الداخليه جيده جدا ... بالنسب للتعديلات ماقدرشى افيده فيها خالص

[M.ABDEEN]

العربية فوق الممتازة قوة وسحب وتسارع وعفشة ووسع صالون ومتانة صاج الابواب وتكييف واستهلاك البنزين كويس جدا ....
الثبات بس بعد 150 او 160 مش قوي بس شغال