تقريري عن تركيب فرش جلد لعربيتي عند شركة جينز كار

[m2nmsn]

السلام عليكم ورحمه الله وبركاته
طبعا انا عربيتي سيراتو 2013 هاي لاين بس جايبها وكيل فمش نازله فيها فرش جلد وده كان منكد عليا جامد وكنت شايل هم الفرش اللي هركبه بس بعد البحث الطويل على الانترنت الحمد لله وجدت ضالتي في منتدنا العزيز نايل موتورز ولقيت شركة جينز كار وشوفت شغلهم بالصور طبعا انا اتوهمت بالصور وقلت معقولة الفرش هيطلع كده ؟؟؟
طبعا لازم ادي كل ذي حق حقه الكلام على الحاج احمد مشعل هان في المنتدى كتير اوي انه راجل كريم وجدع وطيب وذوق والكلام ده انا قلت يمكن مبالغة او شغل دعايا بس فعلا لما روحت الكلام اللي متقال عليه في المنتدى هنا قليل اوي عليه والله العظيم الراجل ذوق لابعد الحدود كريم جدا وابن بلد اوي وفعلا ربنا يباركله في شغله وفي عياله .
طبعا انا من محافظة المنيا فمكنش هينفع اني اروح اختار الفرش وارجعله بعد 4 ايام علشان التركيب الراجل طبعا يشكر قالي تعالى وهتمشي في نفس اليوم فعلا اداني معاد على يوم الخميس 20/9/2012 الساعه 10 الصبح وفعلا كنت عندهم بالدقيقة وقعدت استنيت لغايه لما جه ابنه عبدالله بيه اللي اول ما شوفته حسيت اني اعرفه من زمان جدا والله وقعدنا وهزرنا مع بعض شاب زي العسل للامانه تحس اننا كنا بنلعب كورة في الشارع مع بعض واحنا صغيرين :)))))))))
المهم اخترت الفرش اللي انا عايز والتطريز وكمان اخترت فرش الارضيه معلش انا طولت عليكم واسيبكم مع الصور

دي العربية بعد فك الكراسي منها


ودي مرحلة فرش الجلد للجانب الايسر


وده الاسطى عمرو وهو بيفرش الجلد صنايعي ومحترف بجد



ده الجانب الايسر بس ما خلص



وده الجانب لاايمن وهو لسه بيبتدي فيه





الصورة دي بتبين الفرش الاصلي " القماش " والجلد اللي بيركب على فكرة انا مركب جلد الارضيه المستور مش المصري



وده الكرسي بعد ما اتعمل جلد وجنبه كرسي بالفرش الاصلي للعربية وبصراحه الكرسي كانه فعلا طالع فابريقه زي السيراتو الخليجي بالضبط واللي كان نفسي فيها بسبب فرشها




دي العربية بعد ما خلصت خالص بس للاسف الصورة مش واضحه اوي علشان بالليل وباين فيها المخادع اللي ادهالي الحاج احمد هديه غير الفوط طبعا لتنظيف العربية والمعطر كل دي هدايا وحاجات نظيفة جدا على فكرة يعني الراجل مش بيطلع هدايا اي كلام



الحمد لله العربية طلعت تحفة بجد بعد الفرش ما ركب عليها وفعلا الناس اللي شغاله ناس محترفة جدا جدا وعلى اعلى مستوى وعلى فكرة الحاج احمد مش ذوق وكريم مع العملاء بس واضح كمان ان مع الصنايعيه جدع وكريم جدا ومريحهم على الاخر والله العظيم الصنايعيه كانوا بيشكروا في الحاج احمد من ورا ظهره وبيقولوا عليه احلى كلام طبعا كلنا عارفين ان اغلب علاقه اصحاب العمل بالصنايعيه مش لطيفة بس بالامانه في شركة جينز كار عكس كده تماما تحس ان الصنايعيه شغالين في مكانهم مش عند حد
معلش انا عارف اني طولت عليكم بس علشان ادي للشركة دي حقها ومهما اتكلمت برده مش هوفي :))))
اه صح نسيت ندمت ندم عمري اني مخدتش صورة مع الحاج احمد بس كنت هموت من التعب لاني كنت طالع من المنيا في الفجر ومشيت من عنده الساعه 10 بالليل :((( خيرها في غيرها ان شاءالله
طبعا الشغل كله عليه ضمان 4 سنين يعني صبااااااااح الفل :))))

[m2nmsn]

معلش شوية صور نسيت احطهم :)))

[ibn_seena]

الف مبروك الفرش يا باشا وربنا يدك خيرها ويكفيك شرها.
بس السؤال الذي يطرح نفسة
اتكلفت كاااااام ؟؟

[Hosam_Optrawy]

الف مبروك

بس العربيه بتصعب عليا وهى قرعه كدا :)

بس الشغل يستاهل مبروك عليك

[m2nmsn]

الف مبروك الفرش يا باشا وربنا يدك خيرها ويكفيك شرها.
بس السؤال الذي يطرح نفسة
اتكلفت كاااااام ؟؟

الله يبارك فيك يا باشا
بص أنا اخترت الفرش ابو ١٤٠٠ + ٢٠٠ جنيه تطريز دبل + فرش جلد ارضيه مستورد ب ٤٥٠ يعني الحسبة كلها قطعت ٢٠٥٠ بس كانها طالعه من المصنع

[m2nmsn]

الف مبروك

بس العربيه بتصعب عليا وهى قرعه كدا :)

بس الشغل يستاهل مبروك عليك

الله يبارك فيك ياباشا بص أنا قلبي كان بيتقطع مع كل مسمار كان بيتفك من العربية بس بعد ما خلصت كل حاجه رجعت مكانها وأحسن ماشاء الله العمال اللي هناك محترفييييين جداً واهم حاجه ان واحد صاحبي انهرده شرفني بالصدفة وَبَارِكْلي على العربيه وقالي بس شلت الأكياس اللي على الكراسي ليييييه :))))) الكلمه دي بصراحه حللت المبلغ اللي دفعته لان العربية فعلا اللي يشوفها يقول ده فرش المصنع

[moha4tec]

الف مبروك

[temo85]

مبروك والناس دى معروفه انهم اعلى شغل فى مصر

[ibrahim kshanh]

ألف مبروك لحضرتك ربنا يكفيك شرها
سؤال
هو الجلد اللى راكب على الابواب دة العربية نازلة بية ولا هما اللى عملهولك

[sherif omar]

مبرووووك يا كبير