استفسار فى لنسور الكارينز

[mseldin63]

السلام عليكم
ليا سؤال لنسور الكارينز
عربيتى عامله1800كم انهارده الطريق كان فاضى العربيه سحبها رائع وصل المؤشر ل120كم فى لمبه نورت للحظات فى التابلو فى الشمال فوق لونها اصفر المهم مالحقتش اعرف لمبه ايه؟
وخففت السرعه بصراحه ماحدش يعرف لمبه ايه؟؟؟؟؟

[moha4tec]

لمبه صفراء مدوره و مكتوب عليها 120 و حواليها دايره
دى بتنزرك انك عديت ال 120 كم ساعه
تحزير يعنى مش اكتر
متقلقش دى عادى

[mseldin63]

لمبه صفراء مدوره و مكتوب عليها 120 و حواليها دايره
دى بتنزرك انك عديت ال 120 كم ساعه
تحزير يعنى مش اكتر
متقلقش دى عادى

يافندم متشكرين على الاهتمام والرد انت طمنتنى طيب انا اسمع ان فى ناس بيوصلو الى180كم /ساعه فى الحاله دى تفضل منوره ولا ايه؟؟؟؟؟؟؟؟؟؟

[Domestix007]

دي لمبة تحذير بتنور لما تعدي 120 متقلقش :) .. لو فضلت فوق الـ 120 كم/ساعة هتفضل تنور و تطفي على طول مع طبعاً صوت الجرس المتقطع

[Ahmed_Adham]

اللمبه بتشتغل على سرعه 120 للتنبيه لحد السرعه وبيبقى معاها انذار خافت بيضرب 4-6 مرات كده ويسكت لكن اللمبه مبتفصلش الا لما تنزل عن 120.

على فكره أنا سألت فى التوكيل لو فيه امكانيه لتعديل السرعه اللى عليها بيشتغل الانذار من 120 الى 90 كيلو بس قالو مش موجود اوبشن في السوفتوير لكده وعملت شكوى لموقع كيا الكوري وقالو نفس الكلام وبعدين اتصل بيا واحد من التوكيل في مصر (تقريبا بتوع كوريا بلغوهم بالشكوى) وقلتله اني نفسي يطلبو من المصنع التعديل ده بما ان معظم الطرق في مصر حدها في السرعه 90 وطرق قليله جدا اللي 120 وقالي صعب ده يحصل بدون الدخول في فنيات.

البي ام الجديده فيها اوبشن تعديل انذار السرعه من اعدادات الشاشه في العربيه. ربنا يكرم...............

[mseldin63]

اللمبه بتشتغل على سرعه 120 للتنبيه لحد السرعه وبيبقى معاها انذار خافت بيضرب 4-6 مرات كده ويسكت لكن اللمبه مبتفصلش الا لما تنزل عن 120.

على فكره أنا سألت فى التوكيل لو فيه امكانيه لتعديل السرعه اللى عليها بيشتغل الانذار من 120 الى 90 كيلو بس قالو مش موجود اوبشن في السوفتوير لكده وعملت شكوى لموقع كيا الكوري وقالو نفس الكلام وبعدين اتصل بيا واحد من التوكيل في مصر (تقريبا بتوع كوريا بلغوهم بالشكوى) وقلتله اني نفسي يطلبو من المصنع التعديل ده بما ان معظم الطرق في مصر حدها في السرعه 90 وطرق قليله جدا اللي 120 وقالي صعب ده يحصل بدون الدخول في فنيات.

البي ام الجديده فيها اوبشن تعديل انذار السرعه من اعدادات الشاشه في العربيه. ربنا يكرم...............

شكرا على الافاده والاهتمام