فرش السيراتو والارضيات

[mido9telecom]

ياجماعه بالله عليكم محتاج مساعدتكم بكرة ان شاء الله هستلم عربيتى من الوكاله كيا سيراتو 2013 اللون فضى وهى طبعا رقم 2 مش رقم 1 الفرش بتاعها عادى فياريت حد يفيدنى ايه احسن لون للفرش الجلد انا بقول اسود هيبقى حلو على الفضى واعمل الارضيات ايه فى مشمع شفاف خمسه ملى وايه الكمليات الحلوة اللى بتقترحوها عليا منتظركم ياشباب

[temo85]

فرش جلد و اسود فى الصيف مش هتطيق تلمسه و كفائة التكييف هتحس انها قليلة وده عن تجربه عند واحد صاحبى هات فرش قماش خامة نضيفة تحمى بيها الكراسى و خلاص
بالنسبة لموضوع فرش الأرضية ده اسمحلى انا بعتبره شغل تكاسى اوى مهما كان نضيف انا شايف انه ملوش لازمة حط دواسات كبيرة تملى الارض لو خايف من وساخه الارضية و خلاص بالإضافة انى بشوف انهم بيفكوا الكراسى عشان يعملوا الحوار ده وانا الصراحة مبحبش حد يفك حاجه فى الصالون مفيش حاجه بترجع زى ما كانت

[salodas]

أنا أول ماشتريت عربيتى فكرت أركب فرش جلد على الجلد الى العربية نازلة بيه (يعنى جلد على الجلد ) علشان أحافظ عليها وكده .... لغاية مواحد بن حلال قالى (أنت أحق أنك تستعمل جلد بلادها ) مش الى هيشترى العربية بعد 5 سنين مثلا ...وفعلا لغيت الفكرة خالص والحمد لله مستمتع جدا بالجلد الفابريكة وكمان محافظ عليه

[salodas]

معلش أنا حكيت قصتى من غير مقول قصدى أيه ....
أنا قصدى متركبش فرش خالص واستمتع بالفرش الفابريكة وحافظ عليه وخلاص لأن أى فرش هتركبة مش هيبأه بكفاءة بتاع بلادها ...

[m2nmsn]

مع احترامي للجميع انا عربيتي هاي لاين وكيل ونازل فيها فرش عادي مش جلد ولما ركبت الجلد حسيت بفرق جامد جدا
وادي موضوع انا عامله وشارح فيه كل حاجه بالخطوات وبالنسبة للكراسي انها ترجع زي الاول ولا لا فده بيعتمد على الصنايعيه اللي شغالين انا وديت عربيتي عند جينز كار الحمد لله مستلم العربية كانها طالعه من المصنع كتقفيل وشد الجلد على الكراسي .
تابع الموضوع ده وحضرتك هتفهم كل حاجه

http://www.nilemotors.net/Nile/309412-a.html