تقرير (مش بالصور :-( ) عن سيراتو 2013 اردنى

[Dr.Makram]

السلام عليكم
انا كنت قلتلكم انى جبت العربية دى من 3 اسابيع .. انا عملت بيها 1300 كم لحد دلوقتى
مفيش صور معلش عشان مش عارف اطلعهم ازاى لأنى مصور بريزوليوشن عالى فحجم الصورة كبير
عملت صيانة ال 1000 فى مركز الاقصى اللى فى زهراء المعادى .. زيت توتال كوارتز 10000 كم و فلتر و تربيط عفشة (شفت بعينى
كلفتنى بالتقريب 300 جنيه
المهم : 1- استهلاك البنزين : داخل المدن تعمل 6.5 كم فى اللتر بس ده اتحسن شوية لما عملت النصايح اللى اتكتبت هنا عن طريقة السواقة و بعد ال 1000 كم كمان .. طبعا التكييف بياكل البنزين اكيد
اما على الطرق السريعة فبتعمل مش اقل من 20 كم فى اللتر لما ظبط ال rpm ما يعديش 2.5 و على سرعة 110 ل 120
2- التكييف : عجبنى جدا بشغله اقل من اعلى حاجة بخمس درجات و كان مناسب جدا .. بس انا ماقارنتش مع سيراتو وكيل عشان اقول ان الخليجى اشد و الكلام ده
3- العفشة بتنعم يوم بعد يوم ( انا حاطط نيتروجين )و العربية طلعت عالية عن المطبات بشكل كويس ( جنط 15 طاسات )
4- جبت فرش و ارضية للعربية و الشنطة و ركبتهم من عند سبير كار فرع وسط البلد (كلفونى 750 جم )و ان شاء الله هركب انذار عندهم الاسبوع اللى جاى
5- ال DVD : هو كل حاجة فيه كويسة جدا لحد دلوقتى ما عدا مشكلة الراديو انه بيستقبل اشارات تكون نقية جدا او مش مشوشة ( من الاخر مش شغال ) ودى ان شاء الله هلاقيلها حل قريب .. غير كده الاوبشنز حلوة و السماعات كويسة
6- اللى خلانى اجيبها خليجى مش ال dvd طبعا .. لكن ان فيها ABS و Air bag و استحرمت ادفع 109000 فى عربية من غير ABS
7- حاجة ظريفة: اول مرة اركب عربية يبقى فيها لمبة تنور لما مية المساحات تقل :-)
8- ثبات العربية كويس جدا لحد 140 كم /ساعة (ده عشان انا ما جربتش اعلى من كده :-))

و السلام ختام

[shaddadfalcon1]

هي دي الشكل الجديد ولا الحالي ؟

[Dr.Makram]

هي دي الشكل الجديد ولا الحالي ؟

الشكل الحالى

[ابو ليلى]

اهلا بيك معانا والف مبروك ويارب يبارك فيها
ممكن اعرف الفرق بينها وما بين 2012 كان فى كلام عن ليدات فى الفوجات
موجوده ولا مفيش اى اختلاف من الاصل ؟
على حد معلوماتى ان اللمبة اللى بتنور بتكون للحرارة بس رجعت الكتالوج

[Dr.Makram]

اهلا بيك معانا والف مبروك ويارب يبارك فيها
ممكن اعرف الفرق بينها وما بين 2012 كان فى كلام عن ليدات فى الفوجات
موجوده ولا مفيش اى اختلاف من الاصل ؟
على حد معلوماتى ان اللمبة اللى بتنور بتكون للحرارة بس رجعت الكتالوج

انا مش شايف فرق فى الشكل عن اللى قبلها

[Shehab1337]

جبتها منين؟ عشان مش لائيها خالص.

[CodeBox]

الف مبروك وربنا يبركلك فيها يارب ويكفيك شرها انا بردوا جبت العربيه ديه من اسبوع بس للاسف ركنها لان الافراج لسه مخلصش المهم كنت عايز اسئلك علي حاجه محيراني هو led الي في الفوج بينور مع الكونتاكت ولا لأ اصل انا عندي شغال طول مانا مدور العربيه ومش لاقي ذرار اطفيه منه

[CodeBox]

جبتها منين؟ عشان مش لائيها خالص.

انا جبتها من سمير ريان

[m2nmsn]

الف مبروك وربنا يبركلك فيها يارب ويكفيك شرها انا بردوا جبت العربيه ديه من اسبوع بس للاسف ركنها لان الافراج لسه مخلصش المهم كنت عايز اسئلك علي حاجه محيراني هو led الي في الفوج بينور مع الكونتاكت ولا لأ اصل انا عندي شغال طول مانا مدور العربيه ومش لاقي ذرار اطفيه منه

ياباشا انا معايا سيراتو 2013 هاي لاين وفيها الليدات وطبعا هيه بتشتغل طول ما انت مشغل العربية ليل نهار وملهاش زرار بتتطفي منه دي ميزة جديدة نازله في اغلب عربيات كيا الجديد وكمان هتلاقيها في المرسيدس والبورش
وطالما انك سالت عليها يبقى اكيد صدعت من الناس اللي بتقولك اطفي النور يا بيه :)))))))))))))
انا اتخنقت

[Dr.Makram]

جبتها منين؟ عشان مش لائيها خالص.

معرض القرش .. مصر الجديدة

[CodeBox]

ياباشا انا معايا سيراتو 2013 هاي لاين وفيها الليدات وطبعا هيه بتشتغل طول ما انت مشغل العربية ليل نهار وملهاش زرار بتتطفي منه دي ميزة جديدة نازله في اغلب عربيات كيا الجديد وكمان هتلاقيها في المرسيدس والبورش
وطالما انك سالت عليها يبقى اكيد صدعت من الناس اللي بتقولك اطفي النور يا بيه :)))))))))))))
انا اتخنقت

ههههههههههههه الف شكر لردك وانا شفت الموضوع بتاعك وعرفت معاناتك مع اطفي النور يا بيه

[mohamed_mohsen]

ياباشا انا معايا سيراتو 2013 هاي لاين وفيها الليدات وطبعا هيه بتشتغل طول ما انت مشغل العربية ليل نهار وملهاش زرار بتتطفي منه دي ميزة جديدة نازله في اغلب عربيات كيا الجديد وكمان هتلاقيها في المرسيدس والبورش
وطالما انك سالت عليها يبقى اكيد صدعت من الناس اللي بتقولك اطفي النور يا بيه :)))))))))))))
انا اتخنقت

Day Running LED

[moha4tec]

الف مبروك يا بديك خيرها و يكفيك شاشا و ربنا شرها