حقيقة الاطارات الصينى والجنوط الغير ملائمة .. تقرير لكل السبورتاجوية

[Youssef.Awad]

السلام عليكم ورحمة الله وبركاته
-------------------
كيفكم يا اخوانى نمور كيا الكرام ؟

اليوم قررت انى اعمل تقرير عن "حقيقة اطارات وجنوط السبورتاج" اللى اكتشفتها منذ فترة فى سيارتى مو 2012 خليجى 2400 سى سى AWD عداد 12500 كم

وحبيت اشارككم المعلومة والصور لأهميتها القصوى وحرصا على سلامتك ولتسليط الضوء على استهانة الصانع الكورى (كيا) بالمواصفات القياسية المفروض أن تتوفر بيها السيارة..
-------------------
اولا: الجنوط ..

ومقاساتها كما يلى من واقع البيانات المثبتة على شاسيه السيارة:

6.5JJ * 16 inch .. بالنسبة لفئة الستاندارد

6.5JJ * 17 inch .. بالنسبة لفئة النص فل

7.0JJ * 18 inch .. بالنسبة لفئة الفل كامل

وطبقا للمواصفات القياسية العالمية بالجدول التالى .. هناك حد ادنى وحد اقصى ومتوسط لعرض الاطارات الملائم لكل جنط وهو ما لا يتوفر فى السبورتاج

فالجنوط 16 و17 *6.5JJ اقصى عرض للاطارات يركب عليها هو 215 وليس 225 مثلما فى النص فل ..

والتى يلزمها جنوط عرضها 7JJ

والجنوط 18*7.0JJ اقصى عرض للاطارات يركب عليها هو 225 وليس 235 مثلما فى الفل كامل ..

والتى يلزمها جنوط عرضها 7.5JJ

وهذا مخالف للرموز الموجودة على جوانب الاطارات (STANDARD RIM 6.5J) كمايلى:

مع الاخذ فى الاعتبار عند تعديل الجنوط من 6.5 الى 7.0 .. يرجى تقليل 6 درجات من رقم OFFSET

بمعنى لو الجنط 6.5 اوفست 41 .. يكون الجنط 7 اوفست 35 حتى تكون زيادة عرض الجنط 0.5 بوصة او 12 مللى كلها جهة الخارج بارزة عن السيارة لكن الجنط مثبت على نفس الطنبورة واجزاء نظام التعليق

وللعلم بالشىء هذه مقاسات جنوط السبورتاج من موديلات 2004 وحتى الآن:

PCD 5*114.3mm
OFFSET (ET) 35-45
CENTER BORE 67.1mm
Wheel Nut 12*1.5

ثانيا: الاطارات ..

ومقاساتها كما يلى بما يتجاوز الحد الاقصى العالمى لمقاسات الجنوط السابق ذكرها:

215/70 R16 فى الستاندارد

225/60 R17 فى النص فل

235/55 R18 فى الفل كامل

ولا أدرى ما السبب الرئيسى الذى دفع شركة كيا لتزود السبورتاج بمثل تلك المقاسات مخالفة بذلك المقاييس العالمية المتعارف عليها فى الاطارات او الجنوط ؟!!!

وهذا يفسر لماذا تكون الاطارات بارزة بعض الشىء عن حافة الجنوط لكنها غير ملحوظة بسبب انتفاخ الرفارف وجسم السيارة الخارجى ..

والمفترض ان تكون مقاسات الاطارات كما يلى اذا التزمت كيا بالمقاييس العالمية:

205/65 R17 فى الستاندارد والنص فل

215/60 R18 فى الفل كامل

طبعا الكل عارف ان الاطارات نوعية كومهو موديل Solus KL21

لكن المفاجآة انها صناعة صينى وليس كورى
كما تفضل مشكورا الاخ حسام ونوه عنه فى موضوعه التالى بالقسم هنا قبل اسبوع تقريبا عن تجربة قيادة فى قطر
http://www.nilemotors.net/Nile/30877...-0-2012-a.html

TEMP A .. طبعا الحمد لله انها ليست B

TRACTION A .. والافضل انها تكون AA

TREADWEAR 500 .. وده انا شايفه رقم كبير على سمك طبقات المداس لسيارات ركوب وليس سيارات نقل والتى من المفترض الا تزيد عن 420 !!!

وبالنسبة لباقى الرموز على الاطارات من الحد الاقصى للوزن على كل اطار .. يُنصح بألا يكون اقل من رمز 99 او 775 كجم

وفيما يلى جدول بالرموز ودلالاتها:

اما رمز السرعة فيُنصح بألا يقل عن H او 210كم/س

وفيما يلى جدول بالرموز ودلالاتها:

والمثير للعجب ان اطارات وجنوط السبورتاج الحالية متوفرة بالحد الادنى من المواصفات

ودلوقت ياريت تشاركونى بانطبعاتكم بعد قراءة هذا الموضوع

وفى النهاية .. للمهتمين بالتعديلات فى مقاسات الكفرات والجنوط ، فيما يلى روابط بعض المواقع التى توضح أهم الفوارق التى تطرأ على السيارة عند التعديل:

Kia guide for correct wheel fitment, PCD, and offset of your car | Alloy Wheel Fitment

Wheel Offset Calculator

Visual Tyre Size Calculator | Kouki Tech

Car Bibles : The Wheel and Tyre Bible Page 4 of 4

وأخيرا .. يتبقى عدة أسئلة هامة ومحيرة بالنسبة لى شخصيا
ومنتظر اجاباتها من كل ملاك السبورتاج فى المنتدى او من تسنى لهم قيادة السبورتاج فى اى بلد فى العالم .

1. ماهى مقاسات الاطارات والجنوط فى سياراتكم ؟
2. وهل نفس المواصفات المذكورة او لا ؟
3. وما هو انطباعكم ورد فعلكم عند قراءتكم لمحتوى هذا الموضوع الان ؟

=================================
اعداد وتنسيق / يوسف عوض
المنسق المساعد لقسم نيسان

[moha4tec]

كلامك كله مظبوط يا استاذ يوسف

[lanos2004]

يا حلاوة

[moha4tec]

فعلا الجنط ال 7 انش اخره 225 و ال recommended 215

[moha4tec]

بصراحه انت عامل تقرير هايل و شامل
تسلم ايدك .
مجهود متميز بصراحه و معلومات ممتازه
بس مش كل الكيا كده
يعنى مثلا السيراتو الجنط ال 17 عندى 7 انش و الكوتش كورى و مقاسه 215 و يشيل لحد 225 عادى جدا

[د. علاء ابراهيم]

موضوع دسم
طول عمرك استاذ يا قلب الاسد
بس ابقى عدى علينا فى نيسان ( ما تنساناش القديمة تحلى)

[Youssef.Awad]

بصراحه انت عامل تقرير هايل و شامل
تسلم ايدك .
مجهود متميز بصراحه و معلومات ممتازه
بس مش كل الكيا كده
يعنى مثلا السيراتو الجنط ال 17 عندى 7 انش و الكوتش كورى و مقاسه 215 و يشيل لحد 225 عادى جدا

تسلم يا فندم ..
انا عارف ان مش كل الكيا كده لأنى فصصت العربيات كلها فى السعودية ولقيت ان السورينتو والموهافى والسيراتو والاوبتيما والكادينزا وكل العربيات عادى الا السبورتاج !!!!!!!!!!!!
ليه ... مش عارف بس أكيد هاعرف السبب الحقيقى ان شاء الله

موضوع دسم
طول عمرك استاذ يا قلب الاسد
بس ابقى عدى علينا فى نيسان ( ما تنساناش القديمة تحلى)

تسلم يا دكتور علاء ..
هههههههههههههه يا راجل يا طيب انا بايت ليل نهار فى نيسان طبعا
بس قولت ادحرج التماسى على نمور كيا واناغشهم شوية

لكن مش عارف فين محبى وعشاق وملاك السبورتاج فى مصر .. عاوز اعرف انطباعاتهم وهل نفس المقاسات المذكورة بتنزل فى كل العربيات ولا المشكلة دى فى الخليجى وبس ؟!!!

فى انتظار الfeedback ... والدليل يكون بالصور

[Hosam_Optrawy]

تسلم لمجهودك يادكتور

رأيى فى نوعية الكاوتش قولته قبل كدا ان مفيش كاوتش كورى سواء كومهو او هانكوك او نيكسن مواصفاته احسن من اللى بينزل فى السبورتاج حاليا , غير ان دا النوع الوحيد المخصص لل Light Truck و ال SUV , تعليقى الوحيد انه ماينفعش يبقى Made in China المفروض يبقى Korea

بخصوص المقاسات انا شايف ان مفيش مشكله فيها , لان حسب معلوماتى ال 215/70/16 ممكن يركب على جنط عرضه من 5.5 الى 7 إنش , وال 225/60/17 يركب على جنط عرضه من 6 الى 8 إنش , وال 235/55/18 يركب على جنط عرضه من 6.5 الى 8.5 إنش

دا من موقع 1010tires

[Youssef.Awad]

شكرا يا حسام باشا على ردك واضافتك ..
لكن الرينج اللى مذكور فى مصدرك كبير والادق هو الجدول اللى انا ضايفه فى اول الموضوع

وفيه ملاحظة مهمة جدااااااااا ان ال3 مقاسات لل3 فئات للسبورتاج بينهم اختلافات ملحوظة فى كل من:
1. القطر الكلى للاطار مع الجنط
2. المحيط الخارجى للاطار
3. بروز الكاوتش عن حافة الجنط ب1-2 سم تقريبا .. وهو غير آمن على السرعات العالية واحتكاكات الرصيف حيث ان الضغط يكون اكبر على الجوانب وهى اضعف جزء فى الاطارات مما يهدد سلامة راكبيها
4. ثقل الباور فى السبورتاج عن السورينتو الفل كاملة بجنوط 235/55 r19 لما سوقتها !!!

[kliken]

موضوع هايل و معلومات غزيره
شكرا على مجهودك يا دكتور

[moha4tec]

تسلم لمجهودك يادكتور

رأيى فى نوعية الكاوتش قولته قبل كدا ان مفيش كاوتش كورى سواء كومهو او هانكوك او نيكسن مواصفاته احسن من اللى بينزل فى السبورتاج حاليا , غير ان دا النوع الوحيد المخصص لل light truck و ال suv , تعليقى الوحيد انه ماينفعش يبقى made in china المفروض يبقى korea

بخصوص المقاسات انا شايف ان مفيش مشكله فيها , لان حسب معلوماتى ال 215/70/16 ممكن يركب على جنط عرضه من 5.5 الى 7 إنش , وال 225/60/17 يركب على جنط عرضه من 6 الى 8 إنش , وال 235/55/18 يركب على جنط عرضه من 6.5 الى 8.5 إنش

دا من موقع 1010tires

كلام مظبوط بردوا
100%

[ابو ليلى]

فى الاول طبعا موضوع ممتاز من شخصية محترمة وفعلا كسبنا عضو
جديد انضم لنمور كيا

كنت حابب اناقش بس بصراحة اخر حاجه ممكن اتكلم فيها هى الكوتشات
بس مش ممكن تكون دفعة هى اللى نزلت كده اصل صعب تنزل صح فى جميع
الموديلات وتيجى فى الاسبورتاج وتنزل غلط
اللى هيرد علينا فعلا ملاك العربية فى مصر

[Youssef.Awad]

فى الاول طبعا موضوع ممتاز من شخصية محترمة وفعلا كسبنا عضو
جديد انضم لنمور كيا

كنت حابب اناقش بس بصراحة اخر حاجه ممكن اتكلم فيها هى الكوتشات
بس مش ممكن تكون دفعة هى اللى نزلت كده اصل صعب تنزل صح فى جميع
الموديلات وتيجى فى الاسبورتاج وتنزل غلط
اللى هيرد علينا فعلا ملاك العربية فى مصر

تسلم يا ابو ليلى .. وزى ماقولت قبل كده انا نيساناوى حتى النخاع
بس ده ما يمنعش انى ادخل عندكم اناغشكم شوية

وبالنسبة لتساؤلاتك عن كون الموضوع دفعة وخلاص اتغيرت .. احب اقولك لحد الان الحال كما هو عليه
وانا متاكد ان كل السبورتاج فى السوق الخليجى نفس المواصفات رغم الاشتراطات الصارمة من هيئات وحكومات دول الخليج كافة
وفيه عضو فاضل عايش فى انجلترا .. سألته على المواصفات المتوفرة عنده فى الاسواق للتأكد وفى انتظار الرد ..
وباضم صوتى ليك فعلا انى حابب اسمع اصوات ملاك السبورتاج فى مصر اللى مش عارف اختفوا فين فجآة !!!

[Youssef.Awad]

ازيكم يا رجالة ؟

النهاردة بعد البحث والتدقيق وبالمقارنة مع اقرب منافسى السبورتاج وجدت الآتى فى النيسان قاشقاى:


عرض الجنوط: 6.5jj سواء كان المقاس 16 او 17 بوصة

مقاسات الاطارات:
215/65 r16
215/60 r17
215/55 r18

أنواع الاطارات (حسب السوق):
بريدجستون / كونتيننتال / ميشلان

بصراحة بعد ما شوفت كده .. عرفت واقتنعت ان فيه فرق جوهرى بين اليابانى والكورى خاصة فى جزئية عدم الاستهانة بأدق التفاصيل حتى لو كان مللى متر مش سنتيمتر فى عرض كاوتش او جنط !!!