كيا ريو بدون مؤشر حراره

[Marokhafagy]

انا معايا ريو ٢٠١٢

ازاي اعرف ان الحراره عاديه بدون مؤشر حراره

و لو حد يعرف لو ممكن اشتري العدادات الفئه الاعلي

انا معايا ريو خليجي الي قبل الهاي لاين علي طول

[haissam24h]

على ما سمعت وقريت ان العربيه ديه فعلا مفهاش موثر حرارة لكن فيها لمبه بالتابلوة
لو الحرارة عليت بتنور

[Tmhami]

عادى متقلقش
أنا برضه معايا ريو و برضه مفهاش عداد حراره و كان معايا ( جيتز 2008و لأكسنت 2010 و برضه مفهمش عداد حراره) لما الحراره تعلى اللمبه بتنور و كمان مكتوب فى الكاتالوج أن لما اللمبه تنور حاول تقف و خلاص

[the9ranger]

انا مش عارف ايه المقدر الجديد الى طالعلنا بتاع السيارات الى من غير مؤشر حراره دى انا برضو كان معايا اكسنت 2011 نازله من غير مؤشر برضو مش عارف ايه الهبل الى عملوه ده منك لله ياهيونداى هما الى بداو الاختراع الى زى وشهم ده

[akmm]

فعلا حاجه غريبه ... عداد الحراره مش مطلوب منه فقط انه يكون لمبه تنور وبس لأنه فى تلك الحاله معناه وصول درجه الحراره للأحمر بالنسبه للعداد ولكن العداد بيعطيك على طول قراءه او مؤشر سريان لأرتفاع الحراره ولو بقدر بسيط وبالتالى بتكون متابع للأسباب اول باول وتستطيع المعالجه وتفادى الأخطار ... قبل الوصول للمنطقه الخطر .

[2CODE]

صحيح مفيش عداد بس فيه لمبه واللمبه دي لما بتنور بيكون درجو الحرار ارتفعت ولكن ليست للدرجة اللي تحدث تلف للعربية يعني هو بينور قبل ماتحصل للعربية اي حاجة علشان انت تقف

[Ahmed_Adham]

مش عارف ليه مش بيعملو انذار بالصوت للحراره فى كل العربيات زى اللى بيشتغل لما تزيد السرعه عن 120 مثلا لأن ممكن حتى لو فيه مؤشر الواحد مياخدش باله منه فى وقت معين ويكون فات الأوان.

[temo85]

هو المفروض يكون فى مؤشر للحرارة انا مش مقتنع بفكرة اللمبه دى خالص حتى فى اغلى العربيات بيكون فيها مؤشر مش لمبه !!

[Dr.M_baz]

في الأوبل أكثر مؤشر بنتعامل معاه هو مؤشر الحراره.