أجيب ريو ولا إيجاد قطع غيارها بعد كده هيسبب مشكلة ؟

[h_askalany]

السلام عليكم
أنا كنت عايزة أجيب ريو بس خايفة من موضوع قطع غيارها لإن العربية مش منتشرة أوى ، لأن ده أول عربية لى _وطبعآ خبرتى محدودة جدآ بالعربيات -و ناوية العربية تظل معى فترة طويلة إن شاء الله ،فيا ترى هلاقى قطع غيارها بسهولة بعد فترة فى التوكيل و إذا لم يوجد به هل ممكن الاقيها بره بسهولة لأنى خايفة بعد فتره الموضوع ده يسبب مشكلة لى و أيهم ممكن تكون أكثر إنتشار فى موضوع قطع الغيار السيدان و لا الهاتشباك ولا مبتفرقش ، ولا أفكر فى حاجة تانية أحسن
وشكرآ وعذرآ للإطالة

[SaimOnatoR]

في رأيي الشخصي طالما هتجيبيها زيرو يبقى مفيش خوف من الموضوع دة

[Tmhami]

بالنسبه للشكل فأنا بعتقد أن الهاتشباك مناسبه أكتر ليكى لو مش محتاجه شنطه كبيره
بالنسبه لقطع الغيار أنا مسألتش بصراحه عليها بس الأكيد أن العربيه بدأت تنتشر و ده أكيد حيخلى فى توافر فى قطع الغيار
حاجه تانيه أعتقد كيا من الشركات المحترمه الى بتوفر قطع الغيار ( ده عن تجربتى للسيراتو 2008 الشكل القديم و دايما بلاقى كل حاجه أنا عايزها فى التوكيل لحد دلؤتى)

[h_askalany]

شكرآ جدآ للردود ،،هو بس أنا كنت قلقانة من موضوع إنى ملاقيش قطع غيارها بعد فترة لأنى معنديش حد ممكن يقعد يلف لى على قطع الغيار زى ما بيحصل مع الناس اللى عرابياتها مش منتشرة علشان كده كنت حابة أطمن قل ما أجيبها

[h_askalany]

فى إنتظار المزيد من الآراء :)

[temo85]

بالنسبة لقطع غيار الكيا فهى منتشرة بشكل كبير سواء جديد او استيراد لا داعى للقلق من النقطة دى

[lenovo]

في واحد زميل ( ولد) برده بيسال سوءال عن الريو ايهما افضل وكيل ولا خليجي .. ياريت حد يفيده !!!!

[h_askalany]

معلش ممكن أسأل هو لو قررت أبيع بعد فترة طويلة إن شاء الله ، يا ترى سعر إعادة البيع هيفرق ما بين السيراتو (مثلآ) و الريو ولا الموضوع مش هيفرق لأن هيكون عدى فترة كبيرة على العربية

[Tmhami]

موضوع سعر أعاده البيع أعتقد حيبقى كويس

أولا أن العربيه كيا و أكيد قطع غيارها حتكون موجوده و ده عامل مهم فى سعر أعاده البيع
ثانيا شوفى الكيا سيفيا و سبيكترا موجودين أزاى و برضه ليهم قطع غيار و كمان ليهم سعر أعاده بيع كويس

بس يمكن بالنسبه للريوالهاتشباك مع أنها أغلى فى الزير ومن السيدان بس ممكن تتباع أرخص من السيدان لو مستعمله ,للأسف ديه قواعد سوق المستعمل فى مصر

من رأيى سيبك من كل ده لو عاجباكى العربيه ديه أو أى عربيه تانيه هاتيها و خلاص علشان لو جيبتى عربيه أنتى مش عايزاها برضه حتبقى ماشيه و عينك على التانيه و مش حتكونى مبسوطه

[h_askalany]

أولا متشكرة جدآ لردود حضرتك لأنها فادتنى
الحقيقة انا قرأت مواضيع حضرتك المتعلقة بريو ولفت نظر أن فى موزع معتمد لكيا قال لحضرتك بلاش الريو + المشاكل اللى حصلت مع romagti يا ترى ده مخوفش حضرتك ،،و يا ترى إيه اللى اقنعك بيها رغم الحاجات ده و ياريت تقولى أخبار العربية إيه معاك و معلش إنى بتقل على حضرتك لأنى خبرتى محدودة جدآآآآآآآآآآآآ و يعنى مش كل يوم هشترى عربية :) و خاصة إن ده أول عريبة لى فلو طلع فيها حاجة هزعل أوى :(

[2CODE]

طالما اول عربية وخصوصاً الريو يبقي اشتري الريو هاي لاين توكيل علشان الفرامل لان العربية دي بتجري بجد وانا حسيت بالفرق من العربية اللي فيها فرامل abs و ebd من العربية اللي من غير نصيحة لوجه الله

علشان متخربش في عربيتك مع الناس برا خليك في التوكيل وهم عندهم قطع الغيار الاصلية وداوم على الصيانات كلها في التوكيل ده في حالة اذا عايز تحافظ على العربية

واي شئ يحصل اتصل بـ 19542 بجد انا اتصلت بيهم وانا على الطريق وكانوا في قمة التعاون

وسألوني انا في الكيلو كام ولو عايز عربية الصيانة تجيني قلت لهم لا الحمد لله العربية تمام وبتمشي انا بس سامع صوت في ديسكات الفرامل قال لي متخفش دي كلها تراب على الديسكات عايز تنضف مش اكتر وفعلاً الحمد لله كانت تراب مش اكتر

[h_askalany]

شكرآ لرد حضرتك بس الحقيقة أنا إمكانياتى لا تسمح إلا بأول فئة أوتوماتيك و أنا كمان ماليش فى الجرى زى ما إنت عارف البنات بتخاف شوية من موضوع الجرى ده :)) الحقيقة أنا برده لسة محتارة بينها و بين السيراتو بس حاسة إن السيراتو كبيرة على بس هى فيها ميزة توافر قطع الغيار و إعادة بيع كويس مش عارفة أرسى على إيه

[Tmhami]

فى الأول أنا أسف على الأطاله بس حبيت أكتب كل الى أعرفه

أولا عايز أوضح أن مفيش عربيه مفهاش عيوب حتى برضه فى الألمانى و اليابانى برضه بيظهر بعض العيوب و ديه حقيقه مش كلام
ثانيا أنا لما بشترى كيا (كورى) فى الفئه السعريه ديه بكون عارف أنى مش حاخد كل حاجه و ده الأساس فى الأختيار
يعنى مثلا العربيات التانيه الى فى نفس الفئه السعريه هما (الكلام ده من وجه نظرى الشخصيه محتمل الصواب أو الخطأ فبلاش ضرب خلوها شتيمه بس )

الأكسنت : شكلها حلو من بره بس من جوه مش عاجبانى و كرسى السواق مش مريح و كمان مش حاسس أن فيه أختلاف عن النيو أكسنت و فيه مشكله أكيده أن العربيه من وراه ناشفه بسبب المساعدين و للأمانه هما فى التوكيل لما حد بيشتكى من الموضوع ده بيغيروا المساعدين الخلفيه بس العميل لازم يستنى شويه بس مقابل كده هى عربيه بياعه و قطع غيارها أكيد موجوده و ليها أسم فى السوق

النيسان: الشكل الخارجى و الداخلى و الخامات مش عاجبنى بس مقابل ده الصالون واسع و السعر أرخص (من غير الأفر برايس بس لازم حجز و الأستلام بعد 3 شهور) بس مقابل كده العربيه فيها ال ABS & Air Bags و كمان يابانى ( بس تقفيل مصرى أنا فى نظرى ده عيب كبير)

سيراتو : العربيه ديه مجننانى فى كميه ناس بيشتموا فيها و رغم ذلك فهى منتشره جدا, و طبعا فيه ناس أكتر بيشكره فيها و التقيمات الى فى المنتدى فى مجملها بتقول أنها كويسه
مش حتكلم عن المييزات علشان أنا ركبتها مره واحده و معرفش عنها حاجه بس ألى أعرفه أنها غليت اليومون دول , كمان الشكل الجديد حينزل أخر 2013 يعنى أجيب عربيه و أقعد بيها كام شهر و بعد كده تبقى قديمه

تيدا : أنا دخلتها فى المقارنه علشان هى أوتو أول فئه ب 115000 و طبعا يابانى تقفيل مكسيكى و التقفيل و الخامات جميله من جوه و من بره عيبها الوحديد من نظرى أن الشكل بقى قديم كمان الفتيس أوتو عادى مش ستب ترونيك و الشكل الجديد المفروض ينزل قريب ( معرفش أمتى) هوا نزل فى السوق الأوروبى بس الدول العربيه لأ

لانسر شارك :فى عرض موجود أن أول فئه أوتو ب 125000
بس طبعا الفئه ديه نادره و مش موجوده كتير منها كمام عندى تحفظ على الشكل

الريو :أنا بعتبرها عربيه شيك جدا من جوه و من بره .الخامات الداخليه كويسه جدا , شكلها لسه جديد و ده أنا بعتبره ميزه أن لسه شويه كتير لحد متتغير
مشاكلى معاها أنى كنت خايف من السحب و المشاكل ألى ظهرت مع بعض الأعضاء الى فى المنتدى و ده الى خلانى أستنى ال2013 و مجبش 2012 مع أنها كانت قدامى و أستلام فورى بس قولت أكيد لو كان فيها عيوب صناعه أكيد حيصلحوها فى 2013 و ده فعلن الى حصل فى مشاكل السحب و أستهلاك البنزين
المهم أنى صليت أستخاره و حجزتها و أستلمت بعدها بأسبوعين ( وكيل)
النتيجه أنى مبسوط بيها و الحمد لله مفيش أى مشاكل عندى بس فيه شويه حاجات لازم أوضحها

1-أستهلاك البنزين حوالى 9.5 liter لكل 100 كم جوه البلد و أنا شايف أن ده كويس و مش وحش كمان أن فيه أعضاء هنا قالوا أنه بيتحسن أكتر بعد 3000
2-الثبات: انا معدتش ال 120 بس أنا شايف أن العربيه ماسكه نفسها فى الملفات كمان أنا مش متوقع منها ثبات خرافى علشان أنا عارف أنى شارى city car
3-العفشه : شايف أنها كويسه ( جنط 15) هى مش ناعمه أوى و مش ناشفه هى متوسطه (بس أنا بسمع صوت كده من قدام لما باكون ماشى فى طريق مش كويس (حقولهم عليه فى التوكيل فى صيانه الألف)
4-فى سخونه بسيطه من عند الفتيس كده (حقولهم عليه فى التوكيل ) و ده على فكره عادى أنا كان معايت جيتز 2008 و و معايا سيراتو 2008 فيهم نفس المشكله
غير الحاجات ديه العربيه بسم الله ما شاء الله العربيه جميله و سحبها حلو أوى و معنديش مشاكل الحمد لله
على فكره العزل الصوتى من رأيى أنه ممتاز و كمان صوت الموتور مش عالى خالص

دعوه عامه أى حد عايز يجيب العربيه ديه و عنده أسئله أو عايز يجربها
أنا تحت أمره
م/تامر محمد
01226409814

[h_askalany]

فى الأول أنا أسف على الأطاله بس حبيت أكتب كل الى أعرفه

أولا عايز أوضح أن مفيش عربيه مفهاش عيوب حتى برضه فى الألمانى و اليابانى برضه بيظهر بعض العيوب و ديه حقيقه مش كلام
ثانيا أنا لما بشترى كيا (كورى) فى الفئه السعريه ديه بكون عارف أنى مش حاخد كل حاجه و ده الأساس فى الأختيار
يعنى مثلا العربيات التانيه الى فى نفس الفئه السعريه هما (الكلام ده من وجه نظرى الشخصيه محتمل الصواب أو الخطأ فبلاش ضرب خلوها شتيمه بس )

الأكسنت : شكلها حلو من بره بس من جوه مش عاجبانى و كرسى السواق مش مريح و كمان مش حاسس أن فيه أختلاف عن النيو أكسنت و فيه مشكله أكيده أن العربيه من وراه ناشفه بسبب المساعدين و للأمانه هما فى التوكيل لما حد بيشتكى من الموضوع ده بيغيروا المساعدين الخلفيه بس العميل لازم يستنى شويه بس مقابل كده هى عربيه بياعه و قطع غيارها أكيد موجوده و ليها أسم فى السوق

النيسان: الشكل الخارجى و الداخلى و الخامات مش عاجبنى بس مقابل ده الصالون واسع و السعر أرخص (من غير الأفر برايس بس لازم حجز و الأستلام بعد 3 شهور) بس مقابل كده العربيه فيها ال abs & air bags و كمان يابانى ( بس تقفيل مصرى أنا فى نظرى ده عيب كبير)

سيراتو : العربيه ديه مجننانى فى كميه ناس بيشتموا فيها و رغم ذلك فهى منتشره جدا, و طبعا فيه ناس أكتر بيشكره فيها و التقيمات الى فى المنتدى فى مجملها بتقول أنها كويسه
مش حتكلم عن المييزات علشان أنا ركبتها مره واحده و معرفش عنها حاجه بس ألى أعرفه أنها غليت اليومون دول , كمان الشكل الجديد حينزل أخر 2013 يعنى أجيب عربيه و أقعد بيها كام شهر و بعد كده تبقى قديمه

تيدا : أنا دخلتها فى المقارنه علشان هى أوتو أول فئه ب 115000 و طبعا يابانى تقفيل مكسيكى و التقفيل و الخامات جميله من جوه و من بره عيبها الوحديد من نظرى أن الشكل بقى قديم كمان الفتيس أوتو عادى مش ستب ترونيك و الشكل الجديد المفروض ينزل قريب ( معرفش أمتى) هوا نزل فى السوق الأوروبى بس الدول العربيه لأ

لانسر شارك :فى عرض موجود أن أول فئه أوتو ب 125000
بس طبعا الفئه ديه نادره و مش موجوده كتير منها كمام عندى تحفظ على الشكل

الريو :أنا بعتبرها عربيه شيك جدا من جوه و من بره .الخامات الداخليه كويسه جدا , شكلها لسه جديد و ده أنا بعتبره ميزه أن لسه شويه كتير لحد متتغير
مشاكلى معاها أنى كنت خايف من السحب و المشاكل ألى ظهرت مع بعض الأعضاء الى فى المنتدى و ده الى خلانى أستنى ال2013 و مجبش 2012 مع أنها كانت قدامى و أستلام فورى بس قولت أكيد لو كان فيها عيوب صناعه أكيد حيصلحوها فى 2013 و ده فعلن الى حصل فى مشاكل السحب و أستهلاك البنزين
المهم أنى صليت أستخاره و حجزتها و أستلمت بعدها بأسبوعين ( وكيل)
النتيجه أنى مبسوط بيها و الحمد لله مفيش أى مشاكل عندى بس فيه شويه حاجات لازم أوضحها

1-أستهلاك البنزين حوالى 9.5 liter لكل 100 كم جوه البلد و أنا شايف أن ده كويس و مش وحش كمان أن فيه أعضاء هنا قالوا أنه بيتحسن أكتر بعد 3000
2-الثبات: انا معدتش ال 120 بس أنا شايف أن العربيه ماسكه نفسها فى الملفات كمان أنا مش متوقع منها ثبات خرافى علشان أنا عارف أنى شارى city car
3-العفشه : شايف أنها كويسه ( جنط 15) هى مش ناعمه أوى و مش ناشفه هى متوسطه (بس أنا بسمع صوت كده من قدام لما باكون ماشى فى طريق مش كويس (حقولهم عليه فى التوكيل فى صيانه الألف)
4-فى سخونه بسيطه من عند الفتيس كده (حقولهم عليه فى التوكيل ) و ده على فكره عادى أنا كان معايت جيتز 2008 و و معايا سيراتو 2008 فيهم نفس المشكله
غير الحاجات ديه العربيه بسم الله ما شاء الله العربيه جميله و سحبها حلو أوى و معنديش مشاكل الحمد لله
على فكره العزل الصوتى من رأيى أنه ممتاز و كمان صوت الموتور مش عالى خالص

دعوه عامه أى حد عايز يجيب العربيه ديه و عنده أسئله أو عايز يجربها
أنا تحت أمره
م/تامر محمد
01226409814

بجد مش عارفة اشكر حضرتك إزاى ،،،و شكرآ على هذا التحليل الرائع و على الأمانة فى العرض و ربنا يجعله فى ميزان حسناتك :))))

[Tmhami]

تحت أمر حضرتك