مركز كيا السبع

[Tmhami]

السلام عليكم
إن شاء الله عايز أعمل صيانه 1000 ريو 2013
أنا كنت دايما بتعامل مع محمد زكى الى على الدائرى فى السيراتو القديمه بس دلؤتى أنا لما كنت بشترى العربيه من السبع فى المعرض أدولى عقد صيانه مجانى لحد 20000 شامل كل حاجه (ده كلامهم)
المهم دلؤتى أنا عايز أروح مركز كيا السبع الى هوا ورا كارفور

فى موضوع مثبت فى القسم بيتكلم عن المركز بس ده من فتره كبيره
سؤالى بقى حد جربه قبل كده ؟ورأيكم فيه أيه؟

[Tmhami]

أسف قصدى مركز كيا السبع

[tarek27]

مركز حلو قوى وشاطرين جدا

[M.ABDEEN]

المركز كويس ومعقول ومدير الصيانة هناك مهندس شاب اسمه شريف حسن شاطر وممتاز وعنده ضمير وبيتدخل في المشاكل المعضلة

[medoab_2008]

انا روحت المركز ده هو حلو بس بصراحة متواضع شوية عن باقي التوكيلات الكبيرة بس احسن ميزة فيهم السرعة الرهيبة وبصراحة محترمين عيبهم الوحيد ان الطريق بتاعهم وحش جدا بصراحة

[Youssef.Awad]

هو السبع فتح مركز خدمة مؤخرا لكيا
بس من زمان وهو معاه نيسان ومستواهم ممتاز
واهم ما يميز طاقم عمل السبع فى اى مكان سواء مراكز خدمة او مبيعات هو رضاء العملاء بأى شكل .. وأدائهم فى كيا كل يوم بتزداد خبرتهم فى الصيانة والضمان والاصلاح
والمكان بالتحديد زهراء المعادى من الاتوستراد منزل القرية التكنولوجية والدخول حتى المرور ونادى وادى دجلة ومحمية وادى دجلة هتلاقى المركز عالطول ..

[salodas]

أنا حاجز صيانة 15000 سيراتو خليجى 2011 ورايح بكرة وكان شاء الله أقول الأخبار وخصوصا دى أول مرة

[Tmhami]

ألف شكر لأهتمامك و مستنى رأى حضرتك
أنا المفروض أروح السبت الى جاى بس لسه محجزتش

[temo85]

ألف شكر لأهتمامك و مستنى رأى حضرتك
أنا المفروض أروح السبت الى جاى بس لسه محجزتش

ياريت حضرتك تنقلنا تجربتك معاهم

[salodas]

الحمد لله
عملت صيانة ال 15000 اليوم وكانت كالتالى :
1 - تربيط عفشة .
2 - كشف كمبيوتر (لاسلكى) .
3 - كشف سوائل .
4 - غسيل العربية جوة وبرة .
5 - تبديل الكاوتش حرف أكس .

التكلفة = 108 جنية

سألت عن التالى :
س - صوت الكركرة على السرعات المنخفضة مع تشغيل التكييف ؟
جـ - ده صوت الكومروسور عادى جدا (طبعا مش مقتنع )

س - الفرامل ساعات بتحجر والعربية مبتدورش (سمارت كى) إلا لما اضغط على الزر لمدة 10 ثوانى . والكلام ده على فترات متباعدة يعنى كل شهرين مرة ؟
جــ ده السويتش تحت الفرامل والمفروض يتغير (حوالى 110 جندى) ... وأنا أجلت الموضوع للصيانة الى جاية .

عموما :
ناس محترمة
مواعيد مضبوطة
فنيين شاطريين
تخفيض 15 جنيه على كل مشروب ... مثال .... أنا طلبت نيسكافية ب 16 ج ونصف ... بعد التخفيض دفعت جنيه ونصف ..هههههههههههههه

[Tmhami]

ألف شكر لأهمامك و لرد حضرتك
طب حد يقولى الطريق أزاى أنا جاى من الدائرى من عند التجمع