هام جدا لكل ملاك ريو الجديده

[mohamed moataz]

السلام عليكم في الأول لكل الساده / الأعضاء
ياجماعه فيه حاجه مفهومه غلط بالنسبه للعربيه وخصوصا الإصدار التاني من 2012 وموديلات 2013 أنا معايا ريو 2013 وحسيت بالخنقه المشهوره في العربيه وإستهلاك البنزين الغير عادي ولما روحت في صيانة الألف أول ماقولتلهم علي المشكله إتفجئت أن الإصدار التاني من 2012 و 2013 فيه عربيات كتير جدا مش متعدل السوفت وير بتاعها وفعلا ظبطوا العربيه والسحب فرق وإستهلاك البنزين فرق من فضلكوا الي معاه الموديلات دي يروح علي التوكيل علشان يراجع علي السوفت وير ويعدلو وهتحسوا فعلا بفرق .
وربنا يحفظ طريقكوا .

[shady_hamdy]

طيب قلنا بعد ما رحت التوكيل معدل استهلاك البنزين بقا اية ياريت ضروروى و ياريت تقلنا انطباعك العام و المميزات و العيوب

[Tmhami]

أنا معايا 2013 و مش حاسس أن فيه مشكله فى السحب
ياريت تقولنا المشاكل كانت أيه و الأستهلاك كان كام و بقى كام
الأستهلاك عندى حوالى 9.5 أو 10 ليتر لكل 100 كم فى الزحمه ,

ياريت تقولنا التفاصيل علشان أنا المفروض رايح أعمل صيانه 1000 ف لو فيه حاجه أقولهم عليها

[Ahmed_Adham]

أنا معايا 2013 و مش حاسس أن فيه مشكله فى السحب
ياريت تقولنا المشاكل كانت أيه و الأستهلاك كان كام و بقى كام
الأستهلاك عندى حوالى 9.5 أو 10 ليتر لكل 100 كم فى الزحمه ,

ياريت تقولنا التفاصيل علشان أنا المفروض رايح أعمل صيانه 1000 ف لو فيه حاجه أقولهم عليها

يعني التنك ال 50 لتر بيعمل 500 كيلو في الزحمه؟ أعتقد في الزحمه ممكت تعمل 12-13 لتر على الاقل لل 100 كيلو .

[shady_hamdy]

يعني التنك ال 50 لتر بيعمل 500 كيلو في الزحمه؟ أعتقد في الزحمه ممكت تعمل 12-13 لتر على الاقل لل 100 كيلو .

عاوزين ارقام واقعية من ملاك السيارة لان الكلام الى بيتقال هنا بياثر على قرارات ناس فى الشراء فياريت الكلام يكون واضح و من الملاك بس من وحى التجارب

[Tmhami]

علشان الكلام يكون واضح
أنا معايا ريو 2013 وكيل و العربيه عمله 920كم
و الأستهلاك زى مقولت قبل كده حوالى 10 ليتر فى الزحمه لكل 100 كم و مع التكييف أحيانا

الى بيبقى مكتوب على الشاشه من 8.8 لى 9.3 ليتر فى ال100 كم بس أنا لما حسبته لقيت أنى لما بمون 29 ليتر بيعملوا معايا حوالى 320 كم و الكلام ده فى الزحمه يعنى بس فى حبه منهم على محور n/a
و طبعا فيهم حبه كيك داون حلوين
حد بقى يقولى كده الأستهلاك يكون كام؟

الكلام الى مكتوب ده أنا مسئول عنه و أنا واثق أنه صح ممكن أكون حسبت غلط ,لو فى حاجه غلط قولولى

[shady_hamdy]

هى كدا فعلا معدل استهلاكها زى اى عربية 1600 و انا شايف ان دة عيب لان فعلا وزن السيارة مش مناسب للمتور 1400 و دة الى بيخلى الناس تفكر ميت مرة قبل اتخاذ قرار فى شراء الريوا بالرغم من تفوق شكلها عن الاكسنت و الصنى و خصوصا ان البنزين حتما هيغلا

[Tmhami]

الموضوع مش وزن بس ,لازم تأخد فى أعتبارك ال horse power & torque
109 hp & 138 n.m
و أعتقد أن الأرقام ديه توازى وزن العربيه
فى حاجه أسمها power to weight ratio و ده الى بتحدد مدى كفائه التسارع و السحب لأى عربيه
جرب تقارن الريو 1400 ب opel corsa & ford fiesta
كلهم 1400 و حتشوف ال horse power & torque حتلاقى أنهم أقل كمان من الريو مع أن وزن العربيات ديه تقريبا نفس وزن ال ريو و ده يأكد كلامى أن الموضوع علاقه ال power ,torque و ال losses مش مجرد وزن العربيه و السىسى و خلاص

[Tmhami]

الموضوع بأختصار الريو سحب و تسارع و وزن1600
و كمان أستهلاك بنزين 1600

[lenovo]

الموضوع مش وزن بس ,لازم تأخد فى أعتبارك ال horse power & torque
109 hp & 138 n.m
و أعتقد أن الأرقام ديه توازى وزن العربيه
فى حاجه أسمها power to weight ratio و ده الى بتحدد مدى كفائه التسارع و السحب لأى عربيه
جرب تقارن الريو 1400 ب opel corsa & ford fiesta
كلهم 1400 و حتشوف ال horse power & torque حتلاقى أنهم أقل كمان من الريو مع أن وزن العربيات ديه تقريبا نفس وزن ال ريو و ده يأكد كلامى أن الموضوع علاقه ال power ,torque و ال losses مش مجرد وزن العربيه و السىسى و خلاص

ياسلام على الناس اللي فاهمه ، تمام كده انت جبت الخلاصه .

[moha4tec]

تسلم على النصايح و المجهود

[mohamed moataz]

أول حاجه ياجماعه أنا مبسوط جدا من كميه المشاركات علي موضوعي وفعلا دي حاجه إيجابيه جدا منكو وفعلا أنا أتشرفت بيكوا وياريت لو يكون بينا لقاءات وإتصالات اكيد هزداد شرف
بالنسبه بقي لريري السحب قبل تعديل البرنامج كان فعلا غريب انا عربيتي مانيوال وطبعا سحبة المانيوال حضرتكوا أكيد عارفين شاكلها أنا لما كنت بكبس بنزين بحس أن العربيه في غيبوبه وتفوق منها بعد 3 ثواني وتتكسف علي دمها وتبدا تستجيب ده غير تقل العربيه في الجري فعلا العربيه كانت كسلانه جدا وبعد التعديل والله العربيه مختلفه تماما سريعة الإستجابه بقيت خفيفه في جريها فعلا فرق يتحس وخصوصا مع التكييف
بالنسبه لإستهالك البنزين أنا لما كنت بفول العربيه والله كانت بتعمل 320 كيلو والتكييف مش شغال بإستمرار وساعتها طنشت أي أرقام بتظهر علي الشاشه لإنها كلها أرقام غير واقعيه وبعد التعديل فولت العربيه ولسه بشوف وهقولكوا ساعتها عملت كام بالظبط بس من الواضح أن فعلا فيه فرق لأن ربع التانك خلص وعامل 123 كيلو الي كان بيعمل 80 قبل التعديل

[Tmhami]

طب ممكن تقولنا عملت التعديل ده فين؟
أنا عندى ال29 ليتر بيعملوا حوالى 320 كيلو عايز أعرف أنا كده محتاج أعمل التعديل ده ولا كده كويس

[som3ety]

طيب يا جماعة انا معايا ريو 2012 الاصدار الثانى الفئة اللى قبل الهاى لاين سيدان اللى فيها اير باج ... متوسط الاستهلاك عندى بيبقى 13 لتر لكل 100 كم . مع العلم ان سواقتى مبعديش 2 فى rbm . دا يبقى كتير ؟

[Tmhami]

som3etyبصراحه مش عارف بالظبط بس أنا أخر مره حسبتها كانت 10.5 ليتر لكل 100 كم
بس ده كان من مده
ححسبها تانى ولأقولك
على فكرها أنا معايا نفس الفئه بتاعتك

حد لاحظ أن أستهلاك العربيه بالتكييف زى من غير تكييف