استفسار لملاك السبورتاج

[Mohyeldin1974]

الساده الافاضل ملاك وخبراء السبورتاج
لى استفسارين
لاحظت وجود اختلاف فى الجريل الامامى لبعض موديلات سبورتاج فمنها عباره عن جريل عرضى مسطره واخر عباره عن شبكه مش مسطره هل هذا له علاقه بالفئات ام سنة الصنع؟
كما لاحظت ان فى بعض الموديلات فوانيس الفوج لايت فى بعض الانواع تملئ مكنها بالكامل مع وجود كماله بلاستيكيه زجاجيه لملئ باقى مكان الفوج لايت مع عدم وجودها والاكتفاء بمكان الفوج لايت فقط فى موديلت اخرى ، هل هذا ايضا له علاقه بالفئات او سنة الصنع؟
مش عارف عرفت اوصل الاستفسارين ولا لأ ياريت حد يفيدنى ولكم جزيل الشكر

[Youssef.Awad]

ازاى حضرتك يا استاذ محيى ؟

بصراحة اسئلتك غير واضحة ولكنى ها أرد على حسب ما فهمت من كلامك ..

اولا: الشبكة الامامية (الجريل)
الشكل التقليدى للسبورتاج من اول ما تم طرح الجيل الثالث فى 2010 وحتى الان هو التالى
وهى اما مطلية بلون فضى (فى فئة الاستاندارد) او نيكل كروم (فى فئات النص فل والفل كامل)

وأى تغيير فى شكل الشبكة الامامية بيكون تعديل شخصى او النسخة سبورتاج R وليس استوك

ثانيا: فوانيس الضباب (الفوجات)
الشكل التالى ده خاص بالسبورتاج اللى بتنزل اوروبا وعلى ما اعتقد امريكا ايضا

أما الشكل المستطيل التالى فخاص باسواق الشرق الاوسط واسيا

[Mohyeldin1974]

فعلا بوفيسور جوابتلى على اللى انا عايزه
بارك الله فيك
بس حضرتك الوحيد اللى مقلقنى من السبورتاج مش عارف ليه

[Youssef.Awad]

فعلا بوفيسور جوابتلى على اللى انا عايزه
بارك الله فيك
بس حضرتك الوحيد اللى مقلقنى من السبورتاج مش عارف ليه

ههههههههههههههههههههههههه معلش اصلى حساس اوى مع ركوبى لأى عربية وباخد بالى من كل صغيرة وكبيرة فيها وانا سايقها
لا قلق ولا حاجة .. هى هاتفرق على حسب البلد اللى هاتركبها فيها
اوروبا غير مصر غير الخليج .. لأن كل سوق وله متطلباته ومش شرط تكون ملائمة لكل الاسواق
وعشان تقطع الشك باليقين .. أجرها يوم واحكم بنفسك عليها وعلى غيرها وخسارة فلوس ايجار احسن من ندم بعد الشراء

على فكرة انا لسه منتظر رد حضرتك بخصوص مقاسات اطارات وجنوط السبورتاج اللى بتنزل اوروبا عامة وانجلترا خاصة

[Mohyeldin1974]

والله يا بروف الشغل واخدنى اوى بس انشالله هجيبلك المقاسات اللى انت عايزها عذرا
بس انت مقلقنى من العربيه مع انى بفكر فيها بنسبه كبيره لما انزل مصر ومش عايز اقلك من زمان وانا نفسى فى عربيه عاليه بس مش اكتر من 1600 لانى ولا بتاع جرى ولا غرز كل اللى عايزه عربيه عاليه مريحه وعائليه وتعيش وربن يكفينا شر الطريق

[Youssef.Awad]

والله يا بروف الشغل واخدنى اوى بس انشالله هجيبلك المقاسات اللى انت عايزها عذرا
بس انت مقلقنى من العربيه مع انى بفكر فيها بنسبه كبيره لما انزل مصر ومش عايز اقلك من زمان وانا نفسى فى عربيه عاليه بس مش اكتر من 1600 لانى ولا بتاع جرى ولا غرز كل اللى عايزه عربيه عاليه مريحه وعائليه وتعيش وربن يكفينا شر الطريق

ولا يهمك ربنا يعينك ..
نصيحتى فى مصر اسم ومكانة نيسان تكسب كيا بمراحل فى كل النواحى
وفعلا السبورتاج عربية متميزة لكن فيه الاجدر منها وهى القاشقاى وابصم بالعشرين على كده وهات العربيتين وقفهم جنب بعض واطلعلك الفروقات بينهم بحق ربنا
ومش متحامل على كيا ولا باحابى لنيسان .. انا كونت رأيى ده بعد تجربتى للعربيتين وفعلا فيه فرق كبير بين الاتنين (مش مهم لمصلحة مين) وده للى بيحسوا اوى بالعربية مش بيسوقوا وخلاص ..

يعنى لو بتدور على اعتمادية وتوكيل واسعار صيانات وقطع غيار تنساها واعطال نادرة ونعومة وثبات وأمان ليك ولعائلتك ومساحة داخلية مناسبة وارتفاع عن الارض وشكل معقول وكماليات متوسطة يبقى قاشقاى

الحجم بالنسبة لك ضرورة وبتحتاج مساحات تحميل وتنقل وسفر كتير بالعربية افراد وحمولة شنطة وشكل خارجى ملفت وعندك استعداد تدفع 20-40 الف ج زيادة عشان شوية كماليات لو محتاجها ضرورى ممكن تركبها فى اى عربية يبقى السبورتاج

[Mohyeldin1974]

الموضوع محتاج قعده
ان شاء الله لما ننزل اجازه ياريت اتشرف بحضرتك

[Youssef.Awad]

الموضوع محتاج قعده
ان شاء الله لما ننزل اجازه ياريت اتشرف بحضرتك

وانا كمان باذن الله .. تحت امرك
بس ياريت تأجر الاتنين وتجرب سواقتهم بنفسك قبل ما تقرر تشترى ايه

[Mohyeldin1974]

انا جربتهم هنا الاتنين بنفس المواصفات المصريه
القشقاى 1600 مانيوال وسبورتاج 1600 مانيوال (الاتنين اتوماتيك فى مصر)
اولا احنا مش مختلفين على الصانع و التوكيل فى مصر فى صالح القشقاى بس بصراحه القشقاى قديمه اوى من جوه يعنى التصميم الداخلى فقير جدا وحتى الخارجى واصغر كمان حتى فتيس المانيوال لا يقارن بمانيوال السبورتاج حتى السحب والعفشه بخلاف بقه الكماليات اللى مبتفرقش معايا قوى انا عايز اركب عربيه محترمه وتحافظ عليا واحافظ عليها ، حسيت بالهيبه وانا فى السبورتاج اكتر من القشقاى. ربنا يسهل ان شاء الله انا نازل فى ابريل 2013 اتمنى يكون فى شكل جديد للقشقاى يحسم الموضوع ويريحنى.
اخر مازهق ولا فكر فى دى ولا فى دى وهرجع امشى جنب الحيط واجيب كورولا تانى او اشوف الاوكتافيا

[محمد بدر]

دكتور يوسف
خالص تحياتى لمعاليك .
واسمح لى ان اختلف معك أى معايير حضرتك جآت بها لتجعل هذا التفوق المبالغ فيه يصب فى كافة نيسان مع كامل احترامى لشخصك الكريم
وحضرتك اوضحت انك (مش متحامل على كيا ولا باحابى لنيسان) طيب جميع مداخلات معاليك تأتى بالعكس تماما اسمح لى يا صديقى العزيز ان اكون صريح معك إلى ابعد حد
وتعالى من الناحية العملية وبما انك جربت السيارتين اطلب منك الشهاده امام الله فى نقطتين فقد لاغير
1- قوة الموتور وبالتالى التسارع يحسب لأى من السيارتين
2-العفشة والثبات تحسب لأى من السيارتين
وارجو من شخصك الكريم تحملى
واشكرك على سعة صدرك

[Youssef.Awad]

انا جربتهم هنا الاتنين بنفس المواصفات المصريه
القشقاى 1600 مانيوال وسبورتاج 1600 مانيوال (الاتنين اتوماتيك فى مصر)
اولا احنا مش مختلفين على الصانع و التوكيل فى مصر فى صالح القشقاى بس بصراحه القشقاى قديمه اوى من جوه يعنى التصميم الداخلى فقير جدا وحتى الخارجى واصغر كمان حتى فتيس المانيوال لا يقارن بمانيوال السبورتاج حتى السحب والعفشه بخلاف بقه الكماليات اللى مبتفرقش معايا قوى انا عايز اركب عربيه محترمه وتحافظ عليا واحافظ عليها ، حسيت بالهيبه وانا فى السبورتاج اكتر من القشقاى. ربنا يسهل ان شاء الله انا نازل فى ابريل 2013 اتمنى يكون فى شكل جديد للقشقاى يحسم الموضوع ويريحنى.
اخر مازهق ولا فكر فى دى ولا فى دى وهرجع امشى جنب الحيط واجيب كورولا تانى او اشوف الاوكتافيا

اتفق معاك ان تصميم القاشقاى كلاسيكى وقديم عن السبورتاج خاصة فى الداخل زى ما حضرتك ذكرت
ولكن دى اذواق ومسالة نسبية .. مع الاخذ فى الاعتبار ان ثقل الابواب وجودة بلاستيك التابلوه والكونصول وفرش الابواب وازرار الابواب والزجاج كلها تصب لمصلحة القاشقاى
وعلى فكرة دى اول ملاحظة اخدت بالى منها اول ما استلمت العربية وقبل ما ادورها حتى !!!

بالنسبة للمواتير ال1600 .. ما تنساش حضرتك ان السبورتاج بتنزل بموتور GDI ليس THETA3 زى اللى معايا فى 2.0 و2.4 لتر يعنى فرق تقنية واحساس بالسحب والاستجابة هايكون فى مصلحة الاول بغض النظر عن السعة اللترية

للاسف مفيش شكل جديد هاينزل للقاشقاى قبل آخر 2014 اول 2015 حيث سيتم طرح الجيل الثانى منها .. وسيكون التعديل فقط فى الكماليات المزودة بها السيارة وليس تغيير جذرى فى الشكل الداخلى او الخارجى

نصيحتى لحضرتك ما تشتريش اى عربية الا وانت مقتنع بيها 100% حتى لو نظريا او بناءا على اراء الناس احسن عربية فى الوجود لأن الموضوع نسبى وراحة نفسية واحساس بالامان والثقة وانت سايقها

دكتور يوسف
خالص تحياتى لمعاليك .
واسمح لى ان اختلف معك أى معايير حضرتك جآت بها لتجعل هذا التفوق المبالغ فيه يصب فى كافة نيسان مع كامل احترامى لشخصك الكريم
وحضرتك اوضحت انك (مش متحامل على كيا ولا باحابى لنيسان) طيب جميع مداخلات معاليك تأتى بالعكس تماما اسمح لى يا صديقى العزيز ان اكون صريح معك إلى ابعد حد
وتعالى من الناحية العملية وبما انك جربت السيارتين اطلب منك الشهاده امام الله فى نقطتين فقد لاغير
1- قوة الموتور وبالتالى التسارع يحسب لأى من السيارتين
2-العفشة والثبات تحسب لأى من السيارتين
وارجو من شخصك الكريم تحملى
واشكرك على سعة صدرك

ازيك يا استاذ محمد ؟
اختلف براحتك خالص ولا يهمك من اى حاجة باقولها
اقسم بالله العظيم ان ما يلى هو بناءا على رأيى الشخصى واحساسى عند سواقتى لكل سيارة على حده مع الاخذ فى الاعتبار ان السبورتاج 2.4 لتر دفع رباعى والقاشقاى 2 لتر دفع رباعى

1. قوة الموتور بالارقام:
- السبورتاج 176 حصان عند 6000 لفة فى الدقيقة و 228 نيوتن متر عزم / 4000 لفة فى الدقيقة وزمن تسارع (0-100) فى 9.8 ثانية وسرعة قصوى 193 كم/س
- القاشقاى 141 حصان عند 6000 لفة فى الدقيقة و196 نيوتن متر عزم / 4800 لفة فى الدقيقة وزمن تسارع (0-100) فى 11.3 ثانية وسرعة قصوى 181 كم/س
- الاحساس بالفارق ال1.2 ثانية فى التسارع بين الاتنين مش ملحوظ على ارض الواقع لأنه فى النهاية احنا سايقين على طرق عادية وليس حلبة سباق .. ولكن وجود الفتيس الCVT المتواصل فى القاشقاى بيعطى احساس للسائق انه أخذ وقت كبير لحد اما وصل لسرعة 60 كم/س فما فوق عكس فتيس السبورتاج ال6 سرعات المتتالى وكل نقلة بتحس بيها بتضيفلك شعور بالتسارع (ده تفسيرى)

الخلاصة الاداء بالارقام فى مصلحة السبورتاج لفرق السعة اللترية لكن بالتجربة العملية هنلاقى القاشقاى مش بطة ع الطريق ولا السبورتاج فيرارى يعنى بتطير اول ما تدوس بنزين لأن فيه عوامل ثانية منها السائق ووزن السيارة ومقاومة الهواء وانسيابية التصميم الخارجى والارتفاع عن الارض و..... الخ !!!

2. العفشة والثبات:
- بدون مبالغة عفشة وثبات ورشاقة القاشقاى على الطريق وفى الملفات رغم ان الباور كهرباء وعرض الكاوتش اقل 1 سم افضل بشكل ملحوظ لخبراء العربيات عن السبورتاج .
- ثبات السبورتاج كويس اوى فى الخطوط او الطوالى (سرعة + خط مستقيم) حتى 160 كم/س لكن فى الملفات آخرك 50 كم/س (اقصد هنا كمثال للملفات طلعة ونزلة الدائرى على اى محور) ولو اكتر من كده هاتحس بUNDER STEERING كبير وملحوظ عكس ثبات القاشقاى كتلة واحدة ومسمار فى الاسفلت مش عارف ليه ولا ازاى ؟!!!

3. الفرامل والامان:
دى نقطة مهمة جداااااااااااا - اسمحلى اضيفها - تصب فى مصلحة القاشقاى طبعا ويكفى 3 مرات باختبار قيادتها لما فرملت طوارىء على 60 كم/س (مرة واحدة مش باكارك) وكان جنبى مراتى كمان كانت هاتلبس فى التابلوه والعربية ماشاء الله لا سمعتلها صفارة تيل مع طنابير ولا زحفت على الارض ولا دربكة الABS اللى باحس بيها مع السيمفونية فى السبورتاج وفوق ده كله العربية ما حدفتش يمين او شمال ولا مللى حتى !!! بالرغم من انى ما كنتش مكلبش فى الدركسيون .. كنت ماسكه بالراحة خالص او سانده ببطن ايدى مش اكتر من كده
ده غير القاشقاى اللى بتنزل ب2 اير باج فى كل الفئات استاندارد عكس السبورتاج اللى بتنزل ب2 فى اعلى فئة فقط ..

بصراحة بعد المرة الثالثة لما اتكيفت من الاداء ومستوى الفرامل ده اللى عامل زى مخدات ريش النعام .. ما مسكتش نفسى انى اوطى وابوس الطارة ومراتى فطسانة من الضحك ..

[محمد بدر]

حبيبى والله د/ جو
كل كلامك على عينى وراسى - بس برضوا فى الآخر شهادتك لازم تكون مجروحة ولمصلحة النيسان وده طبعا شئ طبيعى - يعنى مينفعش مثلا أخى وصديقى العزيزأ / احمد مصطفى بعد تجربته لسيارتى السبورتاج فى مدينة الرحاب - يشكر فيها من قريب او بعيد وكذلك صديقى العزيز أ / بسام
فالموضوع موضوع إنتماء وعشرة و ترابط انا والله كنت اتمنى ان أكون من ملاك نيسان علشان الناس الحلوة النسناويين الموجدين فى هذا المنتدى ومين يعلم غير الله
والشئ الغريب العجيب ان معظم اصدقائى والدائم تواصلنا مع بعض من نيسان وللأسف القليل من كيا ومش لاقى تفسير للموضوع ده
المهم علشان مطولش عليك انا ماسك عليك غلتطين منهم واحدة موثقة والثانية غير موثقة ولكنها وليدة التجربة
الأولى والموثقة ان جميع فئات سبورتاج بتنزل ب2 ايرباج فى كل الفئات استاندارد
الثانية راجع موضوع الثبات علشان خطرى هو والفرامل مرة ثانية

[Youssef.Awad]

حبيبى والله د/ جو
كل كلامك على عينى وراسى - بس برضوا فى الآخر شهادتك لازم تكون مجروحة ولمصلحة النيسان وده طبعا شئ طبيعى - يعنى مينفعش مثلا أخى وصديقى العزيزأ / احمد مصطفى بعد تجربته لسيارتى السبورتاج فى مدينة الرحاب - يشكر فيها من قريب او بعيد وكذلك صديقى العزيز أ / بسام
فالموضوع موضوع إنتماء وعشرة و ترابط انا والله كنت اتمنى ان أكون من ملاك نيسان علشان الناس الحلوة النسناويين الموجدين فى هذا المنتدى ومين يعلم غير الله
والشئ الغريب العجيب ان معظم اصدقائى والدائم تواصلنا مع بعض من نيسان وللأسف القليل من كيا ومش لاقى تفسير للموضوع ده
المهم علشان مطولش عليك انا ماسك عليك غلتطين منهم واحدة موثقة والثانية غير موثقة ولكنها وليدة التجربة
الأولى والموثقة ان جميع فئات سبورتاج بتنزل ب2 ايرباج فى كل الفئات استاندارد
الثانية راجع موضوع الثبات علشان خطرى هو والفرامل مرة ثانية

تسلم يا استاذ محمد .. لا شهادة مجروحة ولا حاجة والله هههههههههههههههههه
وكل اللى يعرفونى بيقولى عليا كلامى دبش وما باذوقش الكلام والصراحة دايما على لسانى

والله اعلم بعد تجربة احمد وبسام ايه انطباعهم لأنى بصراحة كنت منتظر تقرير مفصل ومقارنة وصور وفى الاخر طلعت مقابلة فشنك بدون افادة اعضاء نايل موتورز .. ويمكن هما مجاملين شوية اكتر منى

ما انكرش انى انتمى قلبا وقالبا لنيسان لكن ده عمره برضه ما يخلينى ازيف الحقايق واخالف الواقع لمجرد انى ميال لنيسان

بايدك يا زعيم تصحح الخطأ - زيى ان شاء الله - وتغير لنيسان وساعتها نبقى كسبنا شخصية محترمة زيك

بالنسبة للغلطات:
1. الاير باج
فى مصر اه بتنزل ب2 لكن فى السعودية وباقى الخليج على ما اظن لأن المركب واحدة بتبقى واحدة للسواق استاندارد و2 فى الفل كاملة بس !!!

2. الثبات والفرامل
ارجوك حاول تجرب تسوق القاشقاى وساعتها هاتعرف ان فرامل الكيا بكل قوتها ما تجيش ربع النيسان حتى .. انا جربت الاتنين ومتأكد من كلامى

[محمد بدر]

تسلم يا استاذ محمد .. لا شهادة مجروحة ولا حاجة والله هههههههههههههههههه
وكل اللى يعرفونى بيقولى عليا كلامى دبش وما باذوقش الكلام والصراحة دايما على لسانى
واسمح لى انا أعرف حضرتك كويس جدا لأنى متابع جيد لكافة مواضيعك وتعليقاتك ومن أكثر المعجبين بأسلوبك سواء اتفقنا أو أختلفنا وكل واحد فينا عارف إنتمائه وبيحاول يقوى جبهته بقدر المستطاع ومقصدش جبهة طبعا بالمعنى المقصود عايز اقول لك مين قال كلامك دبش لاسمح الله والله كلامك زى العسل ولو دبش يلزمنى تريلا أو تريلتين أو تلاته هههههههههههه
والله اعلم بعد تجربة احمد وبسام ايه انطباعهم لأنى بصراحة كنت منتظر تقرير مفصل ومقارنة وصور وفى الاخر طلعت مقابلة فشنك بدون افادة اعضاء نايل موتورز .. ويمكن هما مجاملين شوية اكتر منى
لا والله ابدا انا عندى ظروف للأسف ومداخلاتى قليلة جدا وللأسف مرة ثانية لم يتم تصوير السيارات ومحدش قال على هدايا أ/ أحمد مشعل عل ما اتذكر
وبعدين اطمنك فى نيسان مفيش حد ممكن يجامل على حساب نيسان ده موضوع حياة أو موت انسى يا برنس
ما انكرش انى انتمى قلبا وقالبا لنيسان لكن ده عمره برضه ما يخلينى ازيف الحقايق واخالف الواقع لمجرد انى ميال لنيسان
لا لسمح الله مين جاب سيرة تزييف حقائق ده اسمه تجميل
بايدك يا زعيم تصحح الخطأ - زيى ان شاء الله - وتغير لنيسان وساعتها نبقى كسبنا شخصية محترمة زيك
يا أخى العزيز ياريت الأخطاء كلها حلوة كده - وبعدين والله والله حاولت كثير ولاكن ملاقتيش حاجة تستاهل علشان اصحح إللى حضرتك بتسميه خطاء - وأشكرك على المجاملة الرقيقة دية ربنا يزيد احترام معاليك ده من كرم اخلاقك وزوق حضرتك العالى وزى ما ذكرت لحضرتك اصدقائى كلهم نسناويين اعمل إيه حظى كده
بالنسبة للغلطات:
1. الاير باج
فى مصر اه بتنزل ب2 لكن فى السعودية وباقى الخليج على ما اظن لأن المركب واحدة بتبقى واحدة للسواق استاندارد و2 فى الفل كاملة بس !!!
يبقى لازم تجرب قيادة السبورتاج المصرية يمكن تغير رأيك لأن الواضح فى إختلافات كثيرة واسأل على الطلعة عاملة إزاى
2. الثبات والفرامل
ارجوك حاول تجرب تسوق القاشقاى وساعتها هاتعرف ان فرامل الكيا بكل قوتها ما تجيش ربع النيسان حتى .. انا جربت الاتنين ومتأكد من كلامى :s_thum1[1]:

والله القشقاى على عينى وراسى من فوق - بس عايز أقول لحضرتك على حاجة مهمة واضح فعلا" ان السبورتاج المصرية بتختلف عن الخليجى لأن فرامل السبورتاج بكل فئاتها abs , ebd,cbc وفى أعلى فئة بيزيد على ده كله esp , hac
وفى الأخر ياريت فى اقرب فرصة تنزل فيها مصر تقبل منى دعوتى لك على عزومة سمك وتجربة قيادة سبورتاج المصرية مش الخليجية يمكن يحصل ما يدور بداخلى ههههههههه قول يارب

[Mohyeldin1974]

والله ناس فى منتهى الاحترام والاخلاق ولكل كل الناس بتختلف بالود ده فى مصر كنا بقينا اعظمبلد فى العالم

دلوقتى الغليان اللى عامل الموضوع ده مش معزوم على اكلة السمك دى ولا ايه ، عموما يا استاذ محمد ان شاء الله اذا نزلت اجازه بروح جنبيك فى اميجو السخنه واتصلك بيك واجيلك وممكن شاى على قهوه بس مش مشكله السمك هاهاهاها