غيرت من إبيزا 94 لـــ سيفيا 99 وأتمنى مساعداتكم

[zomprakes]

تابعت مشاركات حضرتك كلها و معاك فيها جدا
الا حته مش افضل من الابيزا والبولو
خلي بالك هوا نازل من ابيزا 94 و في رأيي انها متتقارنش بالسيفيا اصلا (لصالح السيفيا)
لكن انت لو قصدك موديل عالي يبقي طبعا انت صح
ولو اني عمري ما شفت عربيه بسعر الكيا سيفيا ولا حتي في فئه سعريه اعلي قليلا و بتمشي 180 بالتكييف لمده 2 ساعه و من غير توقف والباقي 160 (طريق شرم الشيخ ماعدا الملفات طبعا) وكلي ثقه الحمد لله انها مش حتقصر معايا
غير الوسع في الصالون و الشنطه والكراسي المريحه نسبيا
الاحساس ده هوا اللي مخلي الناس اللي راكباها شايفه السيفيا عربيه مختلفه

متفق مع حضرتك تماما

[eldmrane]

يا جماعة انا سوقت عربيات الماني كتير هوة الالماني اداء عالي طبعا وعلي من السيفيا بس السيفيا كعربية كوري بالاداء دة انا شايفها هية والسونتا افضل عربيتين سفيا وعلي فكرة انا راكب كيا شوما هية هية السيفيا وعلي طريق سفر بشد مع اي عربية وعمري ما قلقت من ملف مهما شديت مع بي ام او اي حاجة وكلة بيتحط علية وبشغلة المساحة اللي ورا ههههههههههههه يا جماعة قولو للراجل مبروك وساعدوة وانسو الالماني والكوري دلوقتي

[i_Am_Legend]

طبعا السيفيا ..مميزة بثباتها القوي...بفضل قاعدة العجلات الطويلة..وسبب ان موتورها كويس في الجري..ان موتورها 2 كامة وهو موتور مازدا 323 فاميلي..ودة موتور كويس جدا في الجري...بس مهما كان ..السيفيا ولا النوبيرا..ولا الكريستالة..بياكلوا عيش مع عربيتي اللانشيا ديدرا...عربية من الجحييييييم...لانشيا عربية مش هايتعمل زيها تاني خلاص في الفئة دى...ودة بشهادة فيات ولانشيا...عربية كانت زيرو سنة 93 ب120 الف..تخيل!! يعني كانت بتمن 3 عربيات اكسيل مثلا...انا كنت ممكن اشتري سيفيا ولا اكسيل ولا حتي سويفت...بس اعذرني..انا ركيب اوروبي..وماعرفش احط رجلي في العربيات دي..لاني ممكن اقلبها ..او ممكن تعررض من في في غرزة..لان سواقتي رياضية معظم الوقت...وسواقتي كلها طرق سريعة ودائري..ومعظم المشي 140 ل170 وبخاف اجيب اكتر من كدة برغم الثبات الممتاز والباور التحفة...بس بردوا...علشان الحق المها مهما كان...لان بلدنا مافيهاش قواعد للمرور...

[m_adeleid]

طبعا السيفيا ..مميزة بثباتها القوي...بفضل قاعدة العجلات الطويلة..وسبب ان موتورها كويس في الجري..ان موتورها 2 كامة وهو موتور مازدا 323 فاميلي..ودة موتور كويس جدا في الجري...بس مهما كان ..السيفيا ولا النوبيرا..ولا الكريستالة..بياكلوا عيش مع عربيتي اللانشيا ديدرا...عربية من الجحييييييم...لانشيا عربية مش هايتعمل زيها تاني خلاص في الفئة دى...ودة بشهادة فيات ولانشيا...عربية كانت زيرو سنة 93 ب120 الف..تخيل!! يعني كانت بتمن 3 عربيات اكسيل مثلا...انا كنت ممكن اشتري سيفيا ولا اكسيل ولا حتي سويفت...بس اعذرني..انا ركيب اوروبي..وماعرفش احط رجلي في العربيات دي..لاني ممكن اقلبها ..او ممكن تعررض من في في غرزة..لان سواقتي رياضية معظم الوقت...وسواقتي كلها طرق سريعة ودائري..ومعظم المشي 140 ل170 وبخاف اجيب اكتر من كدة برغم الثبات الممتاز والباور التحفة...بس بردوا...علشان الحق المها مهما كان...لان بلدنا مافيهاش قواعد للمرور...

ربنا يباركلك فيها يا رب
بس خلي بالك بقي من السرعه
الردارات اشتغلت تاني

[Ahmed_Ramadan]

يا رجالة قلبكوا أبيض اللانشيا عربية محترمة جدا يكفى إنها بنت عم الدلتا و انا كنت بفكر أجيبها قبل السيفيا بسبب المميزات اللى إتقالت فى الموضوع هنا و سعرها القليل فى السوق لجهل معظم الناس بنضافة العربية ديه و قوتها بس هو طبعا هتفضل مشكلة قطع الغيار الغالية نسبيا و معظم الوقت بتتجه للإستيراد و ما أدراك ما تجار الإستيراد.

النقطة التانية معظمنا من اللى إشتر السيفيا أو الشوما .إختارها علشان مش راضى عن عربية زى اللنوس و حاسس إنها مبالغ فى سعرها عكس السيفيا اللى طالع عليها سمعة وحشة بدون سبب أو بسبب من عينة التابلوه اللى بيضرب من الشمس (إصلاحه ب 100 جنيه ) و بيرجع زيرو و بتاخد من وراها ثبات و وسع و موتور محترم و تكييف ثلاجة و أوبشنز كتير ...كل ده و ضيف على دول قطع غيار جديدة قريبة من اللانوس و إستيراد موجود عند ناس كتير و بأسعار مش مبالغ فيها.

و كفاية كده علشان إحنا سيبنا الراجل يسأل و مسكنا فى خناق بعض و محش رد عليه لحد دلوقتى و أرجو من صاحب الموضوع ينقل سؤاله فى الرابطة علشان يستفاد و نستفاد كلنا معاه

http://www.nilemotors.net/Nile/284167-3.html

[ahmedshoura]

السلام عليكم ورحمة الله وبركاته
أنا سعيد جدا بوجودي معكم
وحزين لاني تسببت في نقاش حاد بينكم
وارجو من الله الا اكون سبب في اي خلاف بينكم
فانتم تريدون ارشادي للخير
فلكم جزيل الشكر
وجزاكم الله خيراً جميعاً

[agaty1st]

أسف للتدخل يا جماعه و انا بس جاي أهدي النفوس
عربيتي أبيزا 94 من فابريكا دواخل و معظم الخوارج و الحاله العامه رائعه
و اللي شايف انها افضل من السيفيا يبدل معايا
و زي بعضه خليها عليا أنا
هههههههههههههههه