كيا ريو 2013 خليجي

[Maged93]

اولا السلام عليكم
ثانيا انا مفدم علي شراء كيا ريو 2013 خليجي من غير فرش جلد ولا سخانات ولا Abs ب 126 الف من عند سالم موتورز طنطا ارجو تقولولي ايه اللي اشوفو و انا بستلم العربيه نظرا لاني اول مره استلم عربيه زيرو و شكرا لييكو

[eng.m7md.ali]

متزعلش مني .. خسارة فيها ادفع حتى 70 الف من غير abs

[د.اشرف هنداوى]

متزعلش مني .. خسارة فيها ادفع حتى 70 الف من غير abs

+ 111111111
عربية بالسعر ده من غير وسائل امان -----خسارة قوي الفلوس

و لكن لول اختلاف الأذواق لبارت السلع

بالتوفيق

[د. علاء ابراهيم]

عربية بالمكانيات دى ب 126 الف
اسمح لى العربية دى كده فيها 30 الف زيادة على الامان و القيمة اللى بتقدمها ( دى وجهة نظرى انا والله اعلم)

[Maged93]

تسلمو يا شباب و انا معاكو في اللي انتو بتقولوه بس العربيه بتاعت واحد صاحبي اوي زي اخويا و ابوه عجبتو و صاحبي عاجباه عرفتو كل اللي فيها قالي انا عايزها زي كده قولتلو خلاص براحتك و انا اصلا معايا كيا كارنز 2012 اوتوماتيك وشكرا ليكو يا شباب بس مقولتوليش ايه اللي اشيك عليه و انا بستلمها و شكرا ليكو بجد افدتوني انشاء الله وانا بجيب عربيتي تساعدوني

[Maged93]

ولو انا ممكن اخلييه يلغي اتفاقه معاهم بس نجيبها منين كاملله خليجي مع العلم اتا في طنطا

[DEVILRIDER]

الغى طبعا !! نصيحة يعنى ريو ب ١٢٥ من غير abs ازاى !! انا مش من عندك عشان اقدر افيدك بس ربنا ىوفقك و تلاقى

[marwan91]

انا جيبها من نفس المعرض بس هاي لاين وكيل ب 122000 و فيها abs و ebd كمان و فتحة سقف و مثبت سرعة كمان و بلاش الخليجي لو أغلى من الوكيل و كماليات اقل

[Maged93]

مروان هو حضرتك من طنطا ؟؟ ولو انا فولتلو مثلا يجيبهالي هيقعد اد ايه لاني عايزها قبل العيد ولا هيتاخر

[marwan91]

ايوة من طنطا و جبتها من سالم موتورز و لو قولتلهم عليا هيفتكروني عشان أنا كنت اول واحد اشترى ريو من عندهم و احمد نجا و محمد مجدي اللي شغالين هناك عرفني كويس
أنا جابوهالي بعد خمس أيام من دفع العربون

[2CODE]

خليجي وكما اغلى من التوكيل وبمواصفات اقل ؟ ده كسبان فيك حوالي 30 الف جنية يخرب بيوتهم

انا عندي توكيل هاي لاين فيها abs و ebd وفتحة سقف ومثبت سرعة وبلوتوث وتاره مالتي ونظام صوت 6 سماعات ووصلة ايبود 122 الف جنية

يبقي ازاي يقولوا لك كده ؟ اضربهم بالنار ههههههههههههههههه

[Maged93]

بجد الف الف شكر و تحيه لكل من ساعدني بجد احلي منتدي و فوقتون الصراحه و انا توكلت علي الله و اشتريتها وكيل ٢٠١٣ abs كامله فرش جلد بس ياريت الناس تعرفني بشوف ابه في العربيه وانا بستلمها لاني هستلمها انشاء الله من نابيل موتورز بليل فياريت الناس تساعدني

[marwan91]

خليه يشيل الورق الابيض اللي بيكون ملزوق عشان لو كان في خرابيش أو أي حاجة و كمان العربية بييجي معاها الاستبن جنط نفس بتاع العربية و كتاب الضمان وورق العربية

[khaled_legend]

كيا ريو ب 126 الف ؟ ما تكمل و تشتري سيراتو افضل