من مصدر رسمى ... كيا سيراتو الجديده قريبا فى مصـــر

[hossam_elwani]

من مصدر رسمى ... كيا سيراتو الجديده قريبا فى مصـــر

https://www.facebook.com/kiaEgypt

اعتقد ان المقصود بقريبا هو بداية العام القادم 2013

وبكده حتنزل مصر قبل ما كان متوقع لها منتصف او اخر 2013


تحياتى

[2CODE]

في ميعادها في منتصف 2013 هم لايمكن يوقفوا السيراتو 2013 الشكل القديم وهي لسه عندهم لازم يخلصوها الان في المخازن بيع واعتقد حتى منتصف 2013 وقت ممتاز جداً لهم حتى يصدروها موديل 2014 وده كان المتوقع فعلاً واهو بيحصل دلوقتي

[Hosam_Optrawy]

شكرا على الخبر ياباشا

بس كلمة Soon دى واسعه ومش محدده لو كانت هاتنزل اول السنه كانوا قالوا

زى ماقعدوا حوالى شهرين يتكلموا عن الريو

معتقدش تنزل الفتره الجايه دى مجرد دعايا

عموما الايام مفيش اقرب

[S O P H O S]

مشكورر عالخبر يا باشا ..

[asyl84]

بص ياباشا على حسب معلوماتى العربية نزلت فى كوريا كلنا عارفين كدة وفى الصين كمان على ما اعتقد لكن هتنزل بشكل رسمى للعالم فى معرض لوس انجلوس الى هيكون فى 30/11 وحتى 9/12 ومن هنا هيتم اعلانها بمواصفاتها واسعارها العالمية (مش المصرية اصل مصر ليها اسعار خاصة ام الدنيا بقى عقبال اولادكم) يعنى فى تخيلى ان العربية يبتدى التعامل عليها فى شهر 1 او 2 اما بيع بقى او حجز معرفش

[hossam_elwani]

مش يمكن ياجماعه دى ضربه استباقيه لتجار الخليجى عشان مايكلوش الجو من الوكيل (لان اكيد العربيه حتنزل الخليج بعد معرض لوس انجلوس على طول وبتالى حتيجى من الخليج من خلال التجار) ... واكيد اتعلمو من الى كان بيحصل قبل كده مع السيراتو الشكل الحالى فى بداية نزولها


تحياتى

[bakkarahmed]

هو باب الحجز هايفتح امتي؟؟ والاسعار هاتبقي كام بالتقريب
اصل غبور اتوحش قوي الفتره دي

[Dr.Mostafa Anwar]

العربية دي لو نزلت فعلا السنة الجاية هأنزل من الكورولا وأشتريها ان شاء الله ... خاصة أول دفعة بتكون أجود إنتاج :)

[AHMED_DINAMO]

[hossam_elwani]

العربية دي لو نزلت فعلا السنة الجاية هأنزل من الكورولا وأشتريها ان شاء الله ... خاصة أول دفعة بتكون أجود إنتاج :)

على فكره دى مش قاعده ممكن يحصل العكس

[asyl84]

بالعكس انا شايف ان دائما اول دفعة اسواء دفعة ودة طبيعى لان الواحد بيتعلم من اخطائة وعندك مثال اكسنت ار بى اول دفعة وكورولا اول دفعة حتى السيراتو الشكل الحالى اعتقد ان 2009 مختلفة عن 2010 وصنى 2009 مختلفة فى نظام الحقن عن 2010

[2CODE]

بالعكس انا شايف ان دائما اول دفعة اسواء دفعة ودة طبيعى لان الواحد بيتعلم من اخطائة وعندك مثال اكسنت ار بى اول دفعة وكورولا اول دفعة حتى السيراتو الشكل الحالى اعتقد ان 2009 مختلفة عن 2010 وصنى 2009 مختلفة فى نظام الحقن عن 2010

شوف انت لو جيت للجد النظريتين صح اول نظرية ان العربية اول دفعة بيكون فيها اخطاء محدش بيكتشفها الا لما تنزل للمستهلك ويستعملها لمهامه اليومية

والنظرية التانية هي ان فعلاً بعض الشركات بتنزل اول دفعة تثبت فيها وجود العربية وجودتها والناس تتفرج عليها لانها طبعاً اول دفعة يعني هي دي اللي الناس هتتفرج عليها وبعد كده لما ييجي يغير اي حاجة مش ملحوظة مثل جودة التابلوه او غيره محدش هيلاحظها لانه هيكون شاف او جرب اول دفعة

وده فكر تسويقي للشركات

[Youssef.Awad]

يا حسام باشا .. انت دايما بتسبق الاحداث كده
ومش معنى انهم كتبوا coming soon انهم هايجيبوها كمان شهر ولا اتنين وابقى قابلنى لو نزلت رسمى من توكيل مصر قبل شهر ابريل/مايو 2013

لعلم الجميع .. السيراتو k3 والكارينز الجديدة مش هاتنزل السعودية والخليج قبل فبراير/مارس 2013 .. ده خبر مؤكد من توكيل الجبر بغض النظر عن المعارض العالمية وغيرها

[hossam_elwani]

يا حسام باشا .. انت دايما بتسبق الاحداث كده
ومش معنى انهم كتبوا coming soon انهم هايجيبوها كمان شهر ولا اتنين وابقى قابلنى لو نزلت رسمى من توكيل مصر قبل شهر ابريل/مايو 2013

لعلم الجميع .. السيراتو k3 والكارينز الجديدة مش هاتنزل السعودية والخليج قبل فبراير/مارس 2013 .. ده خبر مؤكد من توكيل الجبر بغض النظر عن المعارض العالمية وغيرها

ابدا مش بسبق الاحداث ولا حاجه


الحكايه وما فيها ان لما يتقال لك قريبا معناها الزمنى يكون فى حدود ما هو متعارف عليه 3 شهور بحد اقصى


لكن انا هل ممكن اقولك قريبا وانزلها بعد اكتر من 6 شهور او سنه ؟؟؟

كده يبقى الكلمه المستخدمه تضليل وكدب وخارج السياق

تحياتى

[Youssef.Awad]

ابدا مش بسبق الاحداث ولا حاجه

الحكايه وما فيها ان لما يتقال لك قريبا معناها الزمنى يكون فى حدود ما هو متعارف عليه 3 شهور بحد اقصى

لكن انا هل ممكن اقولك قريبا وانزلها بعد اكتر من 6 شهور او سنه ؟؟؟

كده يبقى الكلمه المستخدمه تضليل وكدب وخارج السياق

تحياتى

يا باشا الكلام ده مش فى مصر
ده مش بعيد يبيعوا الجديدة مع القديمة لما تنزل زى ما هبور عمل مع الالانترا !!!
وبعدين انا ابتديت اشك فى مصادرك يا استاذ حسام من وقت موضوعك عن سعر الصنى الجديدة الرسمى