تركيب كاميرا خلفيه لكيا سيراتو

[grey_fox]

السلام عليكم .. كنت حابب استسفر عن امكانية تركيب كاميرا خلفيه ياترى ايه افضل الانواع وشاشة العرض بتتركب فين والسعر قد ايه .. وياترى ايه افضل سينسور بارك ولا الكاميرا.. وشكرا

[Mohab.Nabil]

الكاميرات اللى فى مصر معظمها صينى صناعة رديئة

مش هتعيش معاك و هتبوظ بعد شوية صغيرين

انا رأيى سنسور بارك و مش عارف بصراحة ايه امكانية تركيب السنسور بارك الاصلى اللى بينزل فى الهاى لاين اللى بيبقى على شاشة العدادات دا احسن حل لو ينفع يركب بس انا معرفش ينفع ولا لا

[2CODE]

انا سألت قبل كده في التوكيل عن تركيبها للريو عندي قال لي السنسور بيركب اساسي مع الكاميرا مش عارف الكلام ده ينطبق مع السيراتو ولا لأ وقال لي التكلفة 7000 جنية بالتركيب بكل شئ بدخول الكاميرا الضمان طبعاً انا صرفت نظر عن الموضوع رغم حاجتي الشديدة لها في الريو لاني مش شايف اي حاجة ولا قدام ولا ورا

[Tmhami]

جرب كده لو تعرف حد فى سمير يان
علشان الى أعرفه أن بيجيب العربيه الخليجى و يركبلها هنا كاميرا أو باركينج سينسور
(ده الى بسمعه)

بالنسبه للريو أنا لحد دلوقتى عندى مشكله فى أبعاد العربيه من وراه ,ولما سألت على الباركينج سينسور قالولى بحوالى 800 شامل التركيب و المصنعيه ولما سألتهم على الألوان قالولى أنهم عندهم لون واحد بس الأسود و بيرشوه الأكصدام و طبعا معجبنيش الكلام ده
و ناوى بصراحه أركب باركينج سينسور بره التوكيل و خلاص بس مستنى شويه ,عايز نوع كويس
لو حد يعرف نوع كويس يقولى بقى

أه نسيت أقول أنى لقيت باركينج سينسور فى spare car
قالولى ب 150 شامل التركيب و عندهم الون الفضى الى أنا عايزه يعنى مفيش رش كمان

[Hosam_Optrawy]

انا سألت قبل كده في التوكيل عن تركيبها للريو عندي قال لي السنسور بيركب اساسي مع الكاميرا مش عارف الكلام ده ينطبق مع السيراتو ولا لأ وقال لي التكلفة 7000 جنية بالتركيب بكل شئ بدخول الكاميرا الضمان طبعاً انا صرفت نظر عن الموضوع رغم حاجتي الشديدة لها في الريو لاني مش شايف اي حاجة ولا قدام ولا ورا

7000 جنيه عشان الكاميرا !!!

امال لو فيها اوتو بارك هايزودها كام 30 الف :)

العالم دى بتهزر والله

[2CODE]

7000 جنيه عشان الكاميرا !!!

امال لو فيها اوتو بارك هايزودها كام 30 الف :)

العالم دى بتهزر والله

عالم مجانين وقال لي لازم في ابورواش مفيش اي مركز خدمة هيعرف يركب الكاميرا الا ابو رواش

قلت له انا ولا هروح ولا هاجي انا بطلت ارجع لورا اساساً

[Ahmed_Adham]

انا كنت سألت عن باركينج سنسور للكارينز في توكيل ابو رواش وقالولي انه ب 1200 وبيبقى اسود ويرشوه بلون العربيه ومش بيبين انت قربت تخبط من اي اتجاه يادوب يعمل صوت وبس. طبعا صرفت نظر عن الفكره.

[hhhggg]

مريت على نفس المشكله اول ما اشتريت عربيتى - سيراتو 2009 الشكل القديم - و باظ السى دى الردئ الى كان راكب و غيرته عند السجان بشاشه كينى وود تحفه و قالى انه بيركب عليه كاميرا خلفيه و بدون الدخول على ضفيرة السياره الا من فرده على التوازى من نور الريفرس و على نفس فيشة الكاسيت الى جاى مع السياره بدون اى تعديلات فتوكلت على الله و ركبتها و رحت الصيانه 3 مرات بعدها بدون مشاكل و للعلم انا لسه فى الضمان و مع الاستخدام مفيده بنسبة 100 % و من يوم ماركبتها اصبح الركن فى منتهى السهوله حتى لو المكان ضيق

[Tmhami]

مريت على نفس المشكله اول ما اشتريت عربيتى - سيراتو 2009 الشكل القديم - و باظ السى دى الردئ الى كان راكب و غيرته عند السجان بشاشه كينى وود تحفه و قالى انه بيركب عليه كاميرا خلفيه و بدون الدخول على ضفيرة السياره الا من فرده على التوازى من نور الريفرس و على نفس فيشة الكاسيت الى جاى مع السياره بدون اى تعديلات فتوكلت على الله و ركبتها و رحت الصيانه 3 مرات بعدها بدون مشاكل و للعلم انا لسه فى الضمان و مع الاستخدام مفيده بنسبة 100 % و من يوم ماركبتها اصبح الركن فى منتهى السهوله حتى لو المكان ضيق

طب ياريت تقولنا الأسعار
وكمان أنت غيرت وش الكاسيت بس