حل مشكلة استهلاك البنزين العالى للكيا ريو

[7amza]

السلام عليكم ورحمة الله

الاخوة الزملاء ملاك الكيا ريو الشكل الجديد

فى مواضيع كتير عن موضوع الاستهلاك العالى للبنزين فى الريو

انا كان معايا موديل 2012 هاى لاين وكيل وكان عندى نفس المشكلة اللى قابلت معظم ملاك الريو وهى السحب الضعيف مع التكييف والاستهلاك العالى للبنزين..

الحل فى حاجتين

1- عملت تحديث للسوفت وير الخاص ب ال ecu

2- غيرت البوجيهات اللى فى العربية بالبوجيهات الراديوم الموجودة فى التوكيل (سعرهم كان 500 جنية) وبتتغير كل 80 الف كيلو

العربية اتقلب حالها وبقت ناعمة جداً فى السحب
استهلاك البنزين بقى طبيعى جداً - 43 لتر مع التكييف اللى مبيتقفلش والسرعات العادية حوالى 7.5 لتر لكل 100 كيلو بدل ما كان 13 لتر لكل 100 كيلو

حساب الاستهلاك بيكون بالطريقة التقليدية ( الورقة والقلم ) ادق من المؤشرات اللى فى العربية

والدليل ان لو العربية دايرة وعلى ال p - هنلاقى ان مؤشر استهلاك العربية فى زيادة وممكن يوصل ل 30 لتر لكل 100 كيلو

يا ريت لو حد جرب الموضوع دة وحس بالفرق يقول..

[Tmhami]

أستنى بقى كده شويه و بالراحه و قول من الأول بالتفصيل

عملت التحديث بتاع السوفت وير فين و بكام؟
كمان أيه موضوع البوجيهات ده؟عادى أنى أروح و أقولهم أنى عايز أركب الراديوم ؟طب فى أبو رواش ولا فين بالظبط؟

[7amza]

أستنى بقى كده شويه و بالراحه و قول من الأول بالتفصيل

عملت التحديث بتاع السوفت وير فين و بكام؟
كمان أيه موضوع البوجيهات ده؟عادى أنى أروح و أقولهم أنى عايز أركب الراديوم ؟طب فى أبو رواش ولا فين بالظبط؟

التحديث والبوجيهات فى فرع ابو رواش

التحديث من غير فلوس ( على الضمان )

البوجيهات بس هى اللى بتدفع ثمنها ومصنعية التغيير

وبتقول لمهندس الاستقبال وانت بتسلم العربية..

تحديث للسوفت وير بتاع ال ecu

تركيب بوجيهات راديوم

العربية ما شاء الله جميلة وربنا يباركلكم فيها

[Tmhami]

ألف شكر ليك و جزاك الله خيرا
و بأذن الله حروح أبو رواش و أجرب الموضوع ده
بس أنت مين أقلك على موضوع البوجيهات ده ,طب ليه التوكيل مقلش كده من الأول وريحنا وخلاص
كمان هوا 500 ده سعر الأربعه ؟

[tamerosman]

بوجيهات ب 500 جنيه ..!!!!!!!!!!!

[7amza]

ألف شكر ليك و جزاك الله خيرا
و بأذن الله حروح أبو رواش و أجرب الموضوع ده
بس أنت مين أقلك على موضوع البوجيهات ده ,طب ليه التوكيل مقلش كده من الأول وريحنا وخلاص
كمان هوا 500 ده سعر الأربعه ؟

واياكم ان شاء الله

ايوة ال 4 بوجيهات ب 500 جنيه

وبتتغير كل 80 الف كيلو

يعنى لو العربية وقت تركيب البوجيهات الراديوم كانت ماشية 20 الف كيلو تغيرهم على 100 الف كيلو ان شاء الله

[7amza]

بوجيهات ب 500 جنيه ..!!!!!!!!!!!

ان شاء الله البوجيهات ب 500 جنيه

السعر مش غالى على فكرة لو بصيت على انهم بيتم تغييرهم كل 80 الف كيلو وان معدل استهلاك العربية للبنزين هيبقى طبيعى وسحب العربية هيبقى احسن ان شاء الله

[speed_magnum]

لو العيب كان بوجيهات يبقي الصح يتغيروا ضمان. ولا ايه ؟؟

[Tmhami]

معلش أنت كاتب حاجه مش فاهمها
(استهلاك البنزين بقى طبيعى جداً - 43 لتر مع التكييف )
مش برضه 43 ده سعه التانك

[7amza]

لو العيب كان بوجيهات يبقي الصح يتغيروا ضمان. ولا ايه ؟؟

لأ حضرتك مش ضمان

البوجيهات الراديوم اضافة منك.. ونزلوها لما بقى فى شكاوى كتير من موضوع الاستهلاك العالى للبنزين للريو وفعلاً حلت المشكلة..

ومعايا انا اللى كانت عربيتى من ثانى دفعة فى 2012 - قبل التحديث وتغيير البوجيهات كانت بتشرب البنزبن شرب

بد التحديث وتغيير البوجيهات بقت طبيعية جداً فى الاستهلاك وسحبها بقى ناعم


اللى فى الضمان هو تحديث السوفت وير الخاص بال ecu

[7amza]

معلش أنت كاتب حاجه مش فاهمها
(استهلاك البنزين بقى طبيعى جداً - 43 لتر مع التكييف )
مش برضه 43 ده سعه التانك

ايوة مظبوط ال 43 دة سعة التانك

انا اقصد ان الاستهلاك بقى 7.5 لتر لكل 100 كيلو و السعة الكلية للتانك 43 لتر

[7amza]

الاخوة الزملاء..

اللينك الخاص بالوجيهات الراديوم

NGK Iridium IX� Spark Plugs

نصيحة لو حد عاوز يركبهم : اشتريهم من التوكيل احسن علشان الضمان

واعتذر على الاطالة..

[temo85]

مفيش من البوجيهات دى للسيراتو ؟

[7amza]

مفيش من البوجيهات دى للسيراتو ؟

ان شاء الله موجودة للسيراتو...

[teng]

شكرا على المعلومات المفيدة
سؤال:
بالنسبة للمعاه الخليجي و مينفعش يدخل التوكيل ؟ اروح فين؟
حد يعرف السوفتوير موجود في مركز خدمة او مكان غير التوكيل؟