رجرجة في العربية مع ال rpm العالي

[alaa82mohamad]

السلام عليكم
لاحظت حاجة غريبة : لما بزود بنزين قوي لحد اما ال rpm يوصل ل 7000 و العربية علي ال N بحس برجرجة في الموتور .قتلهم في التوكيل قالولي يمكن البنزين مغشوش . حطيت بنزين 95 + منظف تفويلة و جربت لقيت برضه الرجرجة موجودة . حد عنده فكره ليه ده بيحصل ؟ انا عارف ان ال rpm مش المفروض يوصل ل 7000 كتير بس لو وصل العربية متترجش و مكانش بيحصل كده حسب ما اتذكر اول مجبت العربية . العربية سيراتو مو 2010

شكرا

[ابو ليلى]

العربية ماشية كام كيلو

[Khaled Lanos]

متهيألي دا عيب قواعد متور.

[moaaz]

يا باشا بعد اذنك مش 7 ار بى ام ددى ريد زوون ...يبقى الرجة طبيعية جدااا. .لان الموتور بيعمل ما يسمى التفصيلة ...انا مش عارف سبب علمى بس دا اللى بيحصل ف اى عربية انجيكشن.و انتظر راى الخبراء ...

[mohamed_mohsen]

يا باشا بعد اذنك مش 7 ار بى ام ددى ريد زوون ...يبقى الرجة طبيعية جدااا. .لان الموتور بيعمل ما يسمى التفصيلة ...انا مش عارف سبب علمى بس دا اللى بيحصل ف اى عربية انجيكشن.و انتظر راى الخبراء ...

+1
ده كلام صحيح
ده ال Rev Limiter هو اللي بيعمل كده
لما عدد لفات الموتور بيوصل للRed zone الRev limiter بيفصل الكهرباء عن البوجيهات عشان الموتور ما يتلفش
فتلاقي العربيه بتفصل لما تدوس بنزين لو دوست للآخر و انت واقف

لو عايز تقرأ ن الموضوع ده
Rev limiter - Wikipedia, the free encyclopedia

[temo85]

بس الغريب انه بيقول انها مكنتش بتعمل كده وهى جديدة

[yasserelsayad]

انت اصلا ايه اللى بيخليك تعمل كدا على الـ n ومن ساعة مجبت العربية كمان

[salodas]

ده انت قلبك جامد جدا ... 7000 ليه.... ده أنا لما بعدى ال 3000 بعرق

[moha4tec]

للاسف اللى حضرتك بتعمله ده غلط
و انت ممور متعديش ار بى ام عالى كده تانى .
هتبوظ الموتور بالحركه دى
و الاهتزاز اللى بيحصل ده عادى جدا .على 7000 .
الموتور بيفصل يا باشا .
متعملش كده تانى .بجد بحزرك .ده فيه خطوره على الموتور جدا .
و انت بتعمل الحركه دى ليه اصلا ؟؟؟؟؟؟؟؟

[alaa82mohamad]

اسف علي التأخير في الرد

[alaa82mohamad]

العربية ماشية كام كيلو

العربية عاملة 30000 و تم عرض المشكلة او الملحوظة وقت اما كنت عند التوكيل و دخلوني في فتية ان ده عيب بنزين

[alaa82mohamad]

+1
ده كلام صحيح
ده ال Rev Limiter هو اللي بيعمل كده
لما عدد لفات الموتور بيوصل للRed zone الRev limiter بيفصل الكهرباء عن البوجيهات عشان الموتور ما يتلفش
فتلاقي العربيه بتفصل لما تدوس بنزين لو دوست للآخر و انت واقف

لو عايز تقرأ ن الموضوع ده
Rev limiter - Wikipedia, the free encyclopedia

والله ممكن .. بس علي حد ذاكرتي ان كنت بزود بنزين قوي اول مجبت العربية (يمكن موصلتش لل rpm العالي ده) و مكانش بيحصل كده

[alaa82mohamad]

انت اصلا ايه اللى بيخليك تعمل كدا على الـ n ومن ساعة مجبت العربية كمان

سؤالك منطقي

للأجابة عليه حرجع لأصل الموقف .. اللي حصل اني كنت فولت العربية يوم و مشيت بيها حوالي نص كيلو ثم وقفت 10 دقايق و جيت ادورها تاني مدارتش .. استنيت ساعة و دورتها تاني دارت .. فلما درات قمت زودت بنزين جامد من باب شحن البطارية و في نفس الوقت التأكد من عدم وجود اي شوائب اتسببت في عدم دوران العربية .. انا وقتها مكنتش عارف ايه المشكلة بالظبط فكنت بجرب كل حاجة

تاني يوم لما رحت التوكيل بلغوني ان فيه مشكلة في البطارية و لازم تتغير .. بصراحة انا مكنتش واثق فيهم و مستغلي اني اجيب البطارية من عندهم فرفضت تغييرها .. لما خرجت من التوكيل ووقفت العربية 5 دقايق و دورتها تاني برضه مدارتش .. فعرفت وقتها ان مشكلة عدم دوران العربية جاي من البطارية و غيرتها فعلا

بس فضلي موضوع الرجرجة ده اللي لاحظته لما قومت العربية اول مرة . ده كل الموضوع وارجو ان الصورة تكون واضحة دلوقتي :)

[alaa82mohamad]

للاسف اللى حضرتك بتعمله ده غلط
و انت ممور متعديش ار بى ام عالى كده تانى .
هتبوظ الموتور بالحركه دى
و الاهتزاز اللى بيحصل ده عادى جدا .على 7000 .
الموتور بيفصل يا باشا .
متعملش كده تانى .بجد بحزرك .ده فيه خطوره على الموتور جدا .
و انت بتعمل الحركه دى ليه اصلا ؟؟؟؟؟؟؟؟

انا وضحت الموقف في الرد اللي الفات .. و شكرا علي النصحية
يعني انت رأيك ان الرجرجة دي عادية و مقلقش منها ؟

[moha4tec]

الرجرجه عاديه على rpm 7000 و مش عاديه على اى rpm من 0 الى 6500
تحياتى