نقص زيت المحرك سيراتو 2010

[maaatrixxx]

السادة الافاضل اعضاء المنتدى
السلام عليكم ورحمة الله وبركاتة
بعد صيانة 30000 كم
لاقيت ان زيت الماتور بينقص بمعدل 1/2 كيلو لكل 5000 كم
رحت جايب زيت شل ومزود الماتور والنهارده بالصادفة بكشف على الزيت لاقيته ناقص 1/4 كيلو
انا عامل 39800 والمفروض اروح صيانة 40000

[احمد المصرى]

غالبا العيب مش من العربيه العيب فى نوع الذيت نفسه

[maaatrixxx]

ده كلام جديد اول مرة اشوفه
طيب فى حد من اعضاء المنتدى مرة بالموضوع ده ولا لا
طيب ما الزيت اللى بيتحط فى العربيات كلو واحد اشمعنى عندى انا ينقص

[maaatrixxx]

مفيش رد ولا ايه ياجماعة انا مستنى الردود

[احمد المصرى]

ده كلام جديد اول مرة اشوفه
طيب فى حد من اعضاء المنتدى مرة بالموضوع ده ولا لا
طيب ما الزيت اللى بيتحط فى العربيات كلو واحد اشمعنى عندى انا ينقص

ذيت موبيل وزيت شل .... الناس حاليا بتشتكى من انه بيتبخر بسرعه علشان كدا قلت لحضرتك ممكن يكون العيب من نوع الذيت وثانيا المفروض انك تحط ذيت 5w40 للسياره هل الذيت ال انت حطيتوا مطابق للمواصفات وهل معدنى ولا تخليقى


بس انا برضوا للمره الثانيه بقولك احتمال كبير يكون العيب من نوع الذيت مش من العربيه

[temo85]

اولا ايه نوع الزيت اللى حضرتك بتحطه
ثانيا اتأكد من عدم وجود تسريبات من الفلتر او جوان وش التاكيهات يعنى ممكن الفلتر يكون مش مربوط بإحكام او جوان وش التاكيهات وده بيضرب بسهوله و بيرب زيت هتلاقى تنقيط تحت العربية , لكن انا مش مقتنع ان العربية بتاكل زيت او فى بخر !!

[maaatrixxx]

طيب اولا انا بحط زيت شل الترا وده فى التوكيل
ثانيا رحت بنزينة موبيل وخليت العامل ينزل تحت العربية ويبص على الزيت يمكن يكون فى تنقيط ولكن ملاقاش حاجة وهو قالى انها نشفة خالص من تحت
ثالثا هو فى نوع زيت احسن من شل الترا اللى بتغير كل 10000 كم
ربعا مفيش حد قبل ما بيغير الزيت بيبص على مستوه فى السيارة
يمكن فى معدل تبخر طبيعى للزيت على حسب ما سمعت

[احمد المصرى]

طيب اولا انا بحط زيت شل الترا وده فى التوكيل
ثانيا رحت بنزينة موبيل وخليت العامل ينزل تحت العربية ويبص على الزيت يمكن يكون فى تنقيط ولكن ملاقاش حاجة وهو قالى انها نشفة خالص من تحت
ثالثا هو فى نوع زيت احسن من شل الترا اللى بتغير كل 10000 كم
ربعا مفيش حد قبل ما بيغير الزيت بيبص على مستوه فى السيارة
يمكن فى معدل تبخر طبيعى للزيت على حسب ما سمعت

جرب لوكى مولى ب 260 جنيه بيقعد 12 الف كيلو انا بغيره على 10 الاف

[maaatrixxx]

جرب لوكى مولى ب 260 جنيه بيقعد 12 الف كيلو انا بغيره على 10 الاف

اصلى ياباشا انا بحط الزيت فى التوكيل مش بره التوكيل واعتقد انه لو حطيت الزيت بره التوكيل احتمال خروج السيارة من الضمان بيبقى اكبر لو حصل حاجة لاقدر الله فى الماتور خلال فترة الضمان

[احمد المصرى]

اصلى ياباشا انا بحط الزيت فى التوكيل مش بره التوكيل واعتقد انه لو حطيت الزيت بره التوكيل احتمال خروج السيارة من الضمان بيبقى اكبر لو حصل حاجة لاقدر الله فى الماتور خلال فترة الضمان

اوضح لحضرتك حاجه التوكيل متعاقد مع شركه زيوت مش معنى كدا انها انظف شركه بس دا عقد علشان التوكيل يكسب بالنسبه لذيت موبيل او شيل ناس فعلا كتير بتشكوا منه انه بيتبخر علشان كدا قلت ليك ان العيب مش عيب عربيه طيب الحل ايه حاليا


تروح التوكيل تقولهم الذيت بيقل لو قالولك ان دا طبيعى قلهم عايز اغير نوع الذيت واستحاله يكون تغير الزيت بيخرج العربيه من الضمان انا اعرف ناس كتير جدا مش بيغيروا ذيت فى التوكيل اطلاقا اطلاقا وعادى جدااااااااااااااااااااا

وانا قلت لوكى مولى علشان مجربه مش اكتر وهو كويس معايا