فتحة السقف فيها مشكله

[toomagic]

ياجماعه فتحت سقف وبدون سابق انذار سمعت فيه صوت طرقعه وانا برجعها مكانها وحاجه اتكسرت من الجمب الشمال للشاسيه بتاعها مش عارف اصلحها فين وكلمت التوكيل قالى احنا بنغير بس ياريت حد يقولى اصلحها فين

العربيه كيا سيراتو 2010 سعودى

[احمد المصرى]

متابع باهتمام


بس انت حاليا حاول على الاقل تقفلها علشان تعرف تركن العربيه

[moha4tec]

اطلع على القاهره اوتو و هما هيقولولك تعمل اه .
و ربنا معاك و ممكن يكون بالكتير ترس بلاستيك تاخده و تروح لاى خرامحترم و هو يعملهولك نفس الخامه او انضف كمان و ترجع تركبه .
و الله اعلم

[toomagic]

فين القاهره اوتو ارجو وصف العنوان بالتفصيل

[sabregas2010]

فى واحد فى شارع مجلس الامة متخصص فى تصليح فتحة اليقف وانا دايما بشوف عنده عربيات كتير وماركات عالية وانا كنت اتعاملت معاه قبل كده فى تركيب زجاج كهرباء للعربية القديمة موديل 99 وشغال لحد دلوقتى من غير مشاكل
لو حبيت تروح عنده شارع مجلس الامة ميدان لاظوغلى بجوار وزارة الداخلية ولما تدخل الشارع اسال على مجمع النيل (جمعية استهلاكية) هو قدامها علطول على الرصيف المقابل
وبالتوفيق ان شاء الله

[Amr A.salam]

عندي نفس المشكلة دي برضة فبرة اتكسرت في الجنب الشمال
ماثرة علي الفتح العلوي فقط مش علي الفتح الافقي او القفل الافقي
رحت للقاهرة اوتو بس ما عرفوش يعملوها للاسف

[AHMED1718]

المشكلة دى حصلتلى لما واحد ابن حلال صاحبي فتح فتحة السقف وانا ماشى 180 وكان فى وش الهواء

ومن ساعتها خايف اوديها لحد يلعب فيها يبوظلى الدنيا


فمتابع معاك

[Amr A.salam]

ممكن السبع يعرفوا يصلحوها ولا ايه ؟؟

[ابو ليلى]

اى مركز مش هينفع يعملها محتاجة تغير الحل فى الحرفين

منورين يا رجالة احمد وعمرو ليكم وحشه

[toomagic]

بصوا ياجماعه انا اتعرفت على مهندس فى لانسر المصيلحى وقالى مهما كان الاصلاح هايبقى موقت غير شاسيه الفتحه احسن علشان يبقى عمر واحد فعاوز اعرف رأيكم وخصوصا احنا معانا فى المنتدى عضماء

[moha4tec]

يا جماعه فتحة السقف بتتفك و تتنضف بالهوا و تترجلش و تركب تانى عادى و لو اى ترس بلاستيك اتكسر بيتغير و خلاص
المشكله دى نتيجه انك بتلبس مطبات و انت فاتح فتحة السقف فزوايا الفتحه بتخلف و مبترضاش تفتح لفوق من تانى و الحل تتفك و تترجلش زى ما انا قلت قبل كده فى موضوع سابق و الله اعلم

[AHMED1718]

يا جماعه فتحة السقف بتتفك و تتنضف بالهوا و تترجلش و تركب تانى عادى و لو اى ترس بلاستيك اتكسر بيتغير و خلاص
المشكله دى نتيجه انك بتلبس مطبات و انت فاتح فتحة السقف فزوايا الفتحه بتخلف و مبترضاش تفتح لفوق من تانى و الحل تتفك و تترجلش زى ما انا قلت قبل كده فى موضوع سابق و الله اعلم

عندك حد يعملها تثق فيه؟

[moha4tec]

التوكيل لانها محتاجه حد فاهم و مجرب و فاككها قبل كده غير ان فى ادوات خاصه بمقياس الرجلاش

[moha4tec]

و الله اعلم

[toomagic]

ياجماعه النا مضايق جدا وفتحة السيقف بتاعتى بايظه واللى يزعل اكتر ان هى مبقتش بتتحرك فى اتجاه انا حاسس انى بخسرها يوم بعد التانى انا شكلى هاطلع على بورسعيد واشترى وحده تانيه طالما مفيش حل ولامكان اصلح فيه الفتحه